Hið íslenska jeppaspjall

Ég er mep lc90 og það blikkar alltaf Air bag ljósið í mælaborðinu og nú nýlega fór abs ljósið að blikka líka en það hættir að blikka þegar ég er á ferð en hitt heldur áfram. Er einhver sem hefur lent í þessu eða veit hvað hugsanlega getur verið að?

Kanaðu öryggið fyrir airbagljósið til að byrja með eða já farðu yfir öll öryggi það er það sem ég get ráðlagt þér en mjög líklega er einhver hér sem getur gefið þér betri upplýsingar, hvernig bíl ertu með?
Ef abs ljósið logar/blikkar þá er ekki ósennilegt að abs skynjari í einhverju af hjólunum sé að svíkja
vona að þetta hjálpi eitthvað :)

kv Kristján

Takk fyrir þetta ég er með Landcruser 90 árg 1997

Er enginn hér sem veit hvað getur mögulega verið að??

Það er líklega fljótlegast að láta lesa af bílnum til að komast að því hvað er að.
Annars myndi ég skoða hvort það eru tengi undir sætunum fyrir beltarofa, þau fara gjarnan í sundur og þá kviknar airbag ljósið.
ABS ljósið kviknar gjarnan útaf biluðum hjólskynjara, má skoða tengin að þeim út við hjól, en tölvuaflestur segir yfirleitt strax hvar á að leita. Stundum kviknar ABS ljós þegar skynjararnir hafa færst til í sætinu og nema ekki lengur snúning hjólsins. Er nýlega búið að eiga eitthvað við hjólin, t.d. skipta um bremsuklossa eða spindilkúlur?
Kv.
Gísli.

Búinn að láta lesa af bílnum hjá toyota en þeir sáu ekkert. Airbag ljósið blikkar alltaf en abs ljósið blikkar bara þegar bíllinn er stopp og þá blikkar það 3 smá pása og blikkar aftur og svona gengur þetta bara þangað bíllinn fer af stað.

Lásu þeir airbag/abs tölvurnar og sáu ekkert athugavert, eða gátu þeir ekki lesið þessar tölvur og sáu þ.a.l. enga bilanakóða?
Mér finnst það í meira lagi grunsamlegt að þeir sjái ekki neitt.
Ef hvoruga tölvuna er hægt að lesa bendir það til skemmda í rafkerfinu einhversstaðar.
Kv.
Gísli.