Hið íslenska jeppaspjall

Daginn.

Gerði við Tacomu um daginn og langaði að pósta því hérna inn því þetta ku vera galli í Tacoma frá 2005-2006.
Málið er að festingarnar fyrir mótorpúðana eiga það til að rífa grindina þar sem þeir eru festir (sjá mynd) og það er töluvert skemtilegra að gera við þetta áður en allt fer í hund og kött.


Hérna sést brotið (bílstjóramegin), vélinn var farin að halla töluvert og slóst í framdrifið.


Svona var þetta farþegamegin, ég hreinsaði þetta upp og setti svo styrkingu


Svo soðið í ræmur



Þurfti svo að tjakka vélina upp og sauð í sárið, eins og sést var þetta orðin myndarlegasta sprunga.



Svo samskonar styrking.

Svo annað, ef menn ákveða að gera þetta er lang best að taka framdrifið undan og fyrst menn eru að því er annar galli í þessum bílum sem má laga í leiðinni, en það er í A.D.D. búnaðnum á framdrifinu sem tengir og aftengir öxulinn við drifið.
Rafmótirinn sem snýr gúanóinu er bara "pressfittaður" við pólana frá tenginu, en svo missa pólarnir stífnina með aldrinum og þá hættir þetta að virka (svona tæki kostar $300
) en það er lítið mál þarna að lóða pólana á mótornum við vírapólana.

Pólarnir eru þarna aftast á mótornum.

Vona þetta komi einhverjum að gangi :)

önnur mynd af brotinu

Mér þykir þetta slöpp hönnun hjá toyota að láta mótorfestingar ekki ná alveg niður á neðri brún grindar.

En flott hjá þér að deila þessu með okkur, þetta kemur eflaust einhverjum að gagni, ég á ekki tacoma sjálfur en myndi tvímælalaust kíkja á þetta ef svo væri

Já þetta er lélegt, sérstaklega þar sem þetta er lagað í 2007 bílnum en þeir viðurkenna samt ekki gallann...

En ef þetta er í lagi ætti að vera nóg að setja 2 hyrnur sem ná niður að neðri brúninni, það ætti að vera hægt að koma því í án þess að rífa framdrifið undan, en það verður að gera ef þetta er brotið svona illa.

Stórfínt að fá svona upplýsingar hingað.

Mjög flottur þráður. Takk fyrir þetta. Ég hringdi í dag í sveitunga minn sem á 2005 tacomu og hann var mjög glaður að fá þessar upplýsingar áður en illa færi.

Alltaf gott að verða að liði.

En hérna sést hvernig Toyota reddaði þessu í 2007+ bílnum


Þetta ku einnig vera galli í FJ cruiser

Lenti í þessu með 2005 Tacomu og kostaði mig 2 altanatora og slatta af vondu skapi.

Fínt að vara við þessu.
Mín Tacoma er í grindartékki frá A-Ö hjá Classic Garage og ég bað Nuno sértaklega um að athuga mótorfestingarnar.