Hið íslenska jeppaspjall

góðan dag

Býr einhvers svo vel hér að eiga vinkilborvél sem er tilbúinn að lána mér, leigja eða bara selja ? Eitthvað líkt þessu:


Ég braut tvo bolta sem halda mótorfestingunni við blokkina og þarf að bora út boltana og aðgengið er ekki gott. Ég er með vinkildrif en næ ekki að beita því nógu vel þar sem þessir boltar eru harðari en andskotinn ...

kveðja
Agnar
agnarben@gmail.com
893 0557

Athugaðu verkfærasöluna, þeir eru með milvauke línuna og líklegt að þeir séu með svona vél til sölu hjá sér.

Ef boltarnir eru brotnir slétt við blokkina, eða þar um bil, þá virkar rafsuðan best. Yfirleitt er talsvert á sig leggjandi til að sleppa við bor- og öfuguggaæfingar.

Tek undir með olei. Hef sjálfur lent í að slíta boltahausa, og þá virkaði vel að sjóða ró á, og slapp við allar bor og öfuguggaaðgerir.

Er ekki tilvalið að smella inn eins og einni mynd af þessu og þá geta menn sem hafa ef til vill verið í sömu sporum komið með tillögur!

Boltarnir eru brotnir inn í blokkinni, alveg við gengjurnar einhverja millimetrar fyrir innan gatið. Við teljum að það verði erfitt að sjóða ró á þetta og ætlum því að reyna að bora fyrst og nota pinna með hólk til að koma þeim af stað. Ég náði þriðja boltanum út með skrúfjárni og hamri en hann stóð út úr, hann var frekar laus í. Ef mér tekst að bora aðeins í þetta og berja pinnanum í þá vona ég að ég nái að koma þessu af stað.

Hérna er mynd:

Uss þetta er ekki skemmtilegt.
Ég myndi samt reyna að leggja stóra ró á planið og sjóða í miðjuna. En hitt getur sjálfsagt virkað líka.

Fyrst boltarnir eru svona lausir myndi ég ekki hika við að punkta á endana þar til þú ert kominn með nóg grip fyrir töng, að því gefnu að þú sért með suðu og sért sæmilega laginn með hana.
Það er miklu minna vesen heldur en þetta borstúss, þetta er allt hreint og óryðgað svo það ætti ekki að vera mikið mál