Snilli og Tilli skoða 5,4" breitingu uppfært 27.06.16

[ellisnorra]

Þetta er að verða svo groddalegt verkfæri!

[andrifsig]

Það verður spennandi að sjá þennan á fjöllum....en einhvern veginn finnst mér eins og hurðin sé orðin afskaplega lítil ef þið ætlið að keyra hann fullbreyttan út....

kv,
Andri Freyr

[Tollinn]

Það verður spennandi að sjá þennan á fjöllum....en einhvern veginn finnst mér eins og hurðin sé orðin afskaplega lítil ef þið ætlið að keyra hann fullbreyttan út....

kv,
Andri Freyr

Haha, já snilld, ef bíllinn verður svo bara fastur inn í skúr því hann kemst ekki út, hehe, verðið að hugsa fyrir þessu

gaman að þessu verkefni

kv Tolli

[sukkaturbo]

Sælir strákar takk fyrir ábendinguna. Fattaði þetta ekki. Jæja það verður bara standa hann í gatið og vona það besta. kveðja Guðni

[Steinmar]

Sæll Guðni

Þetta er ein skemmtilegasta lesning í kringum bílsmíði sem ég man eftir í seinni tíð, enda gleyminn með afbrigðum...

Það er allt annað sjá framendann, bæði framan frá og á hlið, eftir að hann hefur verið lengdur, en albesta hugmyndin er þessi með pylsupottinn í grillinu, það er spurning að vera líka með grill á bak við grillið ?

Gaman að fá að fylgjast með

Kveðja að sunnan
Steinmar

[sukkaturbo]

Sælir félagar langur dagur í frá 08.00 til 19.00 hvorki matur eða kaffi enda nóg næring í rykinu sem kom af brettaköntunum þegar þeir voru skornir og snikkaðir til fyrir lengingu og breikkun. Þetta lítur út eins og kona sem hefur farið í brjósta stækkun og fengið púða nr Ö-28 eða hvað það nú er sem þessir loftpúðar eru mældir í og þeir síðan teknir úr aftur vegna sýkingarhættu allt lafandi niður á gólf og engin reysn yfir þessu. Kanski að maður setji Viagra í púströrið á Cruser til að ná þessu upp. Vil mynna á að við Snilli eigum 20" felgur með nýju 8 gata deilingunni 18,5" breiðar og backspeis 18 cm.Nánar í auglýsingu undir dekk og felgur.kveðja guðni

[thorjon]

Þetta er náttúrlega RUGL flott project hjá ykkur og gaman fyrir okkur litlu kallana að fá að fylgjast með,,, Manni finnst eins og Pattinn sinn sé óttalegur "low profile kerra" við hliðina á þessu monsteri :)
... Keep up the good work og póstunum :)

[sukkaturbo]

Sælir félagar áfram með ruglið. Í dag var steypt í mótin og kantarnir breikkaðir og eru nú orðnir 43 cm eða eins og hálsmálið á spariskyrtunni minni sem ég er settur í á jólunum. Þessi skyrta sér til þess að ég gat varla andað og alls ekki kyngt neinu. Ég kem þó niður, malti blönduðu í Ísíó olíu því það rennur mun betur niður svona olíu blautt. Þarf að fara að láta þessa skyrtu hverfa. Ég er nefnilega 55 cm um hálsinn þegar allt er opið og undirhakan er kominn niður á bringu. Maður er orðin eins og Kalkún sem er verið að fóðra með háþrýstidælu svo hann nái kjörþyngd fyrir aðfangadag. Ég verða að fara að gera eitthvað í þessu þar sem þetta útlit er bara ekki í tísku lengur. En ég var alltaf að vona að þetta útlit kæmi kanski aftur tísku. En þetta stendur nú samt allt til bóta og maður sér fram á betri tið og erfiðari, þegar maður fer að klifra upp í cruserinn og ýta honum þegar hann festist og skipta um dekk og mæla olíuna. kveðja Snilli og Tilli

[StefánDal]

Rífandi gangur í þessu!
Lengingin kemur betur út en ég bjóst við. Á að lengja húddið líka?

[sukkaturbo]

Sæll já og 5,4" í 10,4" og svo að finna stærri dekk þetta eru eins og hjólböru dekk undir bílnum. Ég mældi að ganni og það er hægt að setja allt að 68" dekk undir bílinn án vandræða og frekari breitinga nema kanski vélar aflslega séð enda er hún þegar of lítil .kveðja guðni

[sukkaturbo]

Sælir félagar, fari það í hurðarlaust helvíti sagði presturinn þegar hann fór í hóruhúsið eru bara konur að vinna hérna hvar eru drengirnir. En við félagar héldum áfram að venju að vinna við bremsur og hurðar grill og lamir og setja í bílbelti, þræða úr allt rafmagn sem lá í hurðar bæði rafrúður og central læsingar og taka úr sambandi plöggin fyrir það undir mælaborðinu allt gróið og fast en hafðist samt óskemmt.Það verður ekkert bruðl í kílóum í bílnum nema á mér. Ætla í ristilskolun eftir áramótin og nota úrganginn í lífrænt heimaræktað grænmeti sem ég ét svo á næsta ári. Settum Toyota Dobulcab grill á kvikindið og passaði það furðu vel á breiddina. En ég auglýsi hér með eftir krómgrilli í Cruserinn úr 88 og 89 bílnum þessi með köntuðu fjórum ljósunum ef einhver á eða veit um svoleiðis til sölu endilega hafið samband vantar líka orginal 86 krómgrill með kringlóttu ljósunum. Fékk upplýsingar hjá Samgöngustofu á staðsetningu aðalljósa og stefnuljós og breiddarljósa. Hæð upp í efribrún á aðalljósum má vera mest 135 cm. Aðalljós mega ekki vera fjær ystubrún en 40cm. Ef ég nota breiddarljós þá þarf það að vera sem efst á bílnum svo sem á toppgrind eða hliðinni ofarlega og má vera mest í 40 cm frá ystu brún bílsins. Gult fram og rautt aftur getur verið í sama ljósinu. Við ætlum að hafa brettakanta það breiða að bíllin mælist 250cm en þeir eru núna á mynd 255 cm. Það er heimilt að vera 250 cm og hægt er að fá undanþágu í 255 en þá þarf breiddarljósin. Við mælingu hjá okkur á bílnum er hann 245cm í ytribrún á sóla dekkanna eða í ystu kubba í sólanum en svo eru kubbar á belgnum utar. En nóg af skrifum í bili ég er orðin svangur. kveðja Snilli og Tilli

[jeepson]

Maður hlær endalaust af þessum skrifum þínum. Ég held að þú ættir að hætta þessum jeppabreytingum og fara í uppistand. Ef að þér stendur þá ekki ágætlega fyrir. Hafið þið íhugað að setja breiddar ljós á bretta kantana? Þessi lenging á framendanum kemur hrikalega vel út.

[Óskar - Einfari]

Guðni mér lýst mjög vel á þetta hjá ykkur félögum. Ég er mjög sáttur við lenginguna á frammendanum og breyttingarnar á frammkönntunum :)

[sukkaturbo]

Sæll Gísli minn þakka hlý orð,en það þarf stundum að setja eitthvað bull með svo menn fái ekki leið að öllu þessu jappa tali. Við ætlum að mjókka kantana þannig að bílinn verði 250 cm á breidd út á ystu brún kantana og þá þarf ekki breiddar ljós skilast mér en maðurinn hjá Samgöngustofu var ekki alveg viss svo ég skoða þetta betur. En breiddar ljós eru sett eins ofarlega og hægt er á bíla ef þeir eru komir yfir 250 cm skilst mér, en skoðum málið og fáum álit annara. Ég hef séð þetta aftan við öftustu hliðargluggana á Patrol eins og þínum og rétt fyrir neðan þakrennur. Þetta var Gúmístautur og var gulaljósið fram og rauða aftur ef þú skilur mig kveðja guðni

[hrollur]

Legg til að þið notið Unimoggdeilinguna þar eru 20" felgur og hún er örugglega nógu sterk það sparar líka hellings vinnu diskana er hægt að festa aftaná plötuna tel ég ( hef samt ekki skoðað þetta ) Enn hvað með diskabremsur af Unimogg ?
Breiddarljós eru bara til bóta ( Það er vikið betur í mirkri ;=)) )
Þetta er magnað hjá ikkur, Þvílikur dugnaður.

[Steinmar]

Sæll Guðni

Ef breidd ökutækis fer yfir 235 cm, þarf að setja breiddarljós.

Mér sýnist þráðurinn getað orðið hryggjarstykkið í albestu jólabók aldarinnar.

Kv. Steinmar

[sukkaturbo]

Legg til að þið notið Unimoggdeilinguna þar eru 20" felgur og hún er örugglega nógu sterk það sparar líka hellings vinnu diskana er hægt að festa aftaná plötuna tel ég ( hef samt ekki skoðað þetta ) Enn hvað með diskabremsur af Unimogg ?
Breiddarljós eru bara til bóta ( Það er vikið betur í mirkri ;=)) )
Þetta er magnað hjá ikkur, Þvílikur dugnaður.

Sæll Gísli minn (Hrollur) ertu búinn að skoða og lesa allar 10 blaðsíðurnar um bílinn frá því í apríl í vor. Erum búnir að setja diskabremsur úr Ram með 8 gata deilingunni og eitthvað smá meira. Eða er ég kanski að miskilja þig eitthvað? kveðja Guðni

[Grímur Gísla]

Er ekki málið að snikka þetta DCgrill inn í rörastuðarann?

[sukkaturbo]

Smá pæling félagar þarf undirakstursvörn framan og aftan?????? kveðja guðni

[Hordursa]

Sæll Guðni,

Smá pæling félagar þarf undirakstursvörn framan og aftan?????? kveðja guðni

Stutta svarið er já, en hér er hluti úr reglugerð um gerð og búnað ökutækja
http://ww2.us.is/files/Regluger%C3%B0%2 ... 130430.pdf

23.03 Árekstrarvörn.
(1) Árekstrarvörn má vera gerð úr sjálfstæðum þverbita sem er tryggilega festur við burðarvirki bifreiðar, föstum hlutum bifreiðar eða úr hvoru tveggja.
Efnisstyrkur árekstrarvarnar skal vera sambærilegur við styrk 80 mm  40 mm holprófíls úr stáli (St 37) með 3 mm veggþykkt.
Ef árekstrarvörn er gerð úr sjálfstæðum þverbita skal hann vera a.m.k. 80 mm hár.
(2) Hæð frá akbraut að neðri brún árekstrarvarnar má mest vera 800 mm.
(3) Fjarlægð þverbita árekstrarvarnar frá fremstu eða öftustu brún bifreiðar má mest vera 400 mm.
(4) Breidd árekstrarvarnar skal vera a.m.k. jöfn breidd utanverðrar grindar eða sambærilegs burðarvirkis bifreiðar.
(5) Ákvæði liðar 23.01 (6) gilda eftir því sem við á einnig um árekstrarvörn.

23.205 Torfærubifreið.
(1) Breytt torfærubifreið skal búin árekstrarvörn að framan- og aftanverðu. Ekki er þó krafist árekstrarvarnar að aftanverðu á breyttri bifreið sem skal búin afturvörn skv. liðum 23.11, 23.12 og 23.14.


kv Hörður

[sukkaturbo]

Sælir félagar. Takk fyrir þetta Hörður. Ja hérna ekki líst mér á svona búnað þetta er ljótt. En ég og Snilli vorum við vinnu í dag eins og aðra daga. Settum afturhlerana á og fleira smálegt. Fórum að skoða afturkantana og er ljóst að við þurfum nýjar afturhurðar og gera við hurðarfölsin í bílnum áður en við förum í kanta smíðina að aftan þar sem búið var að skera bæði úr hurðunum og fölsunum.

[firebird400]

Þið réðust sko ekki á garðinn þar sem hann var lægstur.

Það verður gaman að sjá þennan þegar hann verður tilbúinn.

[sukkaturbo]

Sæll félagi Agnar.Þegar við fengum hann var hann búinn að vara út á túni svo best ég veit inn í Bárðardal og var orðinn háfgert illgresi þar. En hann gæti líka endað sem kartöflugarður ef allt fer á versta veg. En vonandi tekst okkur Snilla að bjarga honum. kveðja Guðni

[kári þorleifss]

er ekki réttast að lengja rassgatið á honum líka? Þið getið þá sett rennihurðar afturí svo það sé pláss fyrir meiri mat á pulsugrillið

[olistef]

Ég vil lýsa velþóknun minni á þessari framkvæmd. Og frásögnin skemtileg.
Hreinasta afbragð!
Kveðja Óli

[sukkaturbo]

Sælir félagar og takk fyrir Óli. En í dag vorum við félagar mættir eldsnemma og var ýmislegt smálegt gert. Samstæðan að framan stillt af og fest. Ég setti afturhurðarnar í svona til að átta mig á hvernig afturkantarnir færu sem best á bílnum. Það er ljóst að sú vinna verður töluverð og snúinn og ekki gott að framkvæma hana nema að fá fyrst afturhurðar og hjólskálina að hluta eða þann hluta sem er á móti hurðinni, og taka í sundur rétt fyrir ofan læsingajárnið og niður að þröskuld.

[StefánDal]

Smá hugmynd. Hvernig væri að loka bara fyrir afturhurðina og hafa bílinn bara tveggja manna? Getið þið þá ekki notast við skráninguna uppá leyfða heildarþyngd að gera?

[villi58]

Smá hugmynd. Hvernig væri að loka bara fyrir afturhurðina og hafa bílinn bara tveggja manna? Getið þið þá ekki notast við skráninguna uppá leyfða heildarþyngd að gera?

Það er kostur að skrá hann tveggja manna, en veist þú hvað Guðni er þungur, spurning að skrá hann fyrir einn.

[sukkaturbo]

Sæll Stefán nú kann ég við þig. Þú ert farinn hugsa eins og ég sem er erfitt. Ertu með stóran haus eins og ég sirka 65 cm hringurinn. Búinn að vera að hugsa um þetta lengi setja bara álspjald í gatið tvo laysiboy fram í og vatnsrúm aftur í og fylla það af olíu og þegar rassinn fer að lemja gólfið er kominn tími til að snúa við og fara heim til mömmu. Enginn olíumælir bara manual rassmælir. Alveg snilldar hugmynd og takk fyrir það. kveðja Karlinn með Vatnshausinn á Sigó

[StefánDal]

Þetta er góð mynd af þér Guðni. Þú ert með falleg augu.

[Fetzer]

Er það bara ég eða tókuð þið motul límiðan og færðu hann um glugga? Það er að sjá á síðustu 2 myndum :) en annars rosaleg græja, flott hjá ykkur!

[villi58]

Þetta er góð mynd af þér Guðni. Þú ert með falleg augu.

Og svo fjandi sexý mundu konurnar segja :)

[sukkaturbo]

Sælir félagar. Þessir miðar voru báðumegin ofarlega á hliðarrúðunum. Tók hliðarrúðuna úr vinstramegin til að gera við ryð undir glugganum og þéttilistanum.

[sukkaturbo]

Þetta er góð mynd af þér Guðni. Þú ert með falleg augu.

Og svo fjandi sexý mundu konurnar segja :)

Sæll Villi sexý. Já þú segir ekki finnst konum á Sigló það. Fór í sund um daginn og var í sturtu þegar að ég heyrði lítinn strák segja við pabba sinn þegar hann var búinn að horfa á mig smá stund. Pabbi maðurinn þarna þessi með stóra magan er að fara að eiga barn ég sé fótinn á barninu koma út úr maganum á honum. USS sagði pabbin ekki segja svona. kveðja TILLi

[Tollinn]

Jæja, þurfið þið ekki að fara að drífa í að klára þennann?

http://www.mbl.is/frettir/innlent/2013/ ... iglufirdi/

kv Tolli

[sukkaturbo]

Já sæll er þessi snjór á Siglufirði??Getur ekki verið ég sé að vísu illa og er hálfblindur og er með blindrahund en ég var á rúntinum áðan á óbreittum cherokee og sá engan snjó til þess að gera allt innan við meter og varla í kúlu á Cruser gamla. kveðja guðni

[geirsi23]

Fylgist vel með hér en skrifa þó sjaldan, hér verð ég samt að lýsa yfir ánægju minni með verkefnið og dugnaðinn í ykkur!! Þetta verður hrikalega gæjalegt!
Mbk. Geir

[sukkaturbo]

Sælir félagar og takk fyrir það Geir. Það gengur hægt undan okkur núna en alltaf verið að gera eitthvað. Er að fá afturhurðar vonandi um helgina og lengingu á hraðamælasnúruna. Snilli er að smíða drifssköftin og breita húddlokinu setja vatnskassan á nýjar festingar og ég hef verið að loka götum í gólfinu frá því bíllinn var beinskiptur og millikassinn var á sínum stað setja rúður í hurðar og fullt af dútli sem er svakalega tímafrekt og lélegt myndefni. En mun reyna að halda uppi dagbókinni fram á síðasta dag. kveðja guðni

[sukkaturbo]

Sælir félagar. Setti í gang í dag,bíllinn datt í gang í fyrsta starti en gat ekki drepið á með svizznum og varð að gera það handvirkt. Tók smá stund að finna út úr því og reyndist það vera straum skortur á vagum rofa sem er á soggreininni. Allt þétt og fínt og gott hljóð vélinni. kveðja að norðan

[Stebbi]

Hún hefur gengið svona vel afþví að hún sá hvað var loksins stórt undir henni. Var ekki smá hroki í hægagangnum.