Pústkerfasmíði?

[Big Red]

Jæja nú er um að gera að ausa úr viskubrunnum manna.
Erum að spá uppá að ná sem bestu torki úr hverjum jeppa hvernig uppsetning pústkerfis sé best og þá einnig miðað við sverleika. Höfum heyrt svo margar hugmyndir um hvað á að virka best. Skapaðist umræða um þetta eins og svo oft áður í skúrnum þegar við vorum að ræða að það þyrfti að skipta um púst í Nissaninum. Þá var einn sem sagði að best væri að taka bara sitthvora pípuna, með sitthvorum kútnum út undan bíl fyrir framan afturdekk, semsagt ekkert tengt saman bara tvær pípur aftur, annar sagði að það gengi aldrei upp og vildi meina að það ætti bara að taka þetta í 2,5" saman, hafa 1-2 kúta á því og láta það ná alveg afturundan bílnum. Annar sagði að taka tvær 2" pípur saman og svo splitta þeim aftur með 2 kútum og 2.5" rörum.
Komu upp allskonar hugmynsir og alhæfingar enn miðum bara við eins og 3.0 v6 Nissan sem þessi umræða startaðist nú útaf. hvernig er uppsetning best á kerfi undir þannig bíl svo úr náist sem mest tog?

Já svo er ónýtur pústskynjari fyrir framan hvarfakút, ætlunin er að fjarlægja hvarfakútinn og er hægt að fjarlægja þennan pústskynjara líka eða þarf hann að vera?

Kanski hrista menn hausinn enn það er nú bara einu sinni svo að ef maður spyr ekki, þá veit maður ekki (glottandi blikkkall)

Hér er það sem kallinn er með í huga, vill bara hafa þetta eins og það var, ekkert vesen og notast við 2.5", er þetta kanski bara vitleysa?

[hrappatappi]

Pústskynjarinn verður allavega að vera áfram svo vélar tölvan geti lesið co2.

Persónulega myndi ég setja tvö rör saman rétt eftir vél, pústskinjarann þar og svo eina 3" lögn með einum hljóðkút styðstu leiðina undan bílnum.. Einfaldlega vegna þess að það er lang einfaldasta smíðin. Allt tal um að auka annaðhvort hestöfl eða tork í 3l v6 nissan er eitthvað sem þú átt aldrei eftir að finna fyrir nema í huganum hjá þér.

Allavega mín skoðun..

Kv. Hjalti

[Freyr]

Skynjaranum má ekki sleppa, hann hefur verulega mikil áhrif á eyðslu vélarinnar.

Að splitta þessu aftur upp í tvöfalt kerfi er bara peningasóun og gefur nákvæmlega ekki neitt.

Taka þetta saman í eitt rör þar sem það er þægilegt og hafa eitt rör þaðan afturúr og hafa á því einn kút, ekki of heftandi heldur kút í opnara lagi. Aðrar útgáfur eru flóknari og dýrari, t.d. að hafa stthvort rörið aftur með hliðunum kallar á tvo kúta (einn hvoru megin) sem eykur kostnað + að það er lítið pláss fyrir kútana. Einnig verður sennilega frekar mikið prumpuhljóð í honum nema það væri "crossover" (rör sem tengir þessi tvö saman).

Varðandi sverleikann þá er 2,5" hámark. Það er sverleiki sem er notaður með góðum árangri með ýmsum 4 til 5 lítra vélum vel yfir 200 hp og er í raun overkill fyrir ykkur. Færi sennilega í 2,25" rör, það er ódýrara og flæðir alveg nóg.

Kveðja, Freyr

[Big Red]

já ég setti óvart inn vitlausa mynd. Misskildi hann, enn búin að breyta myndinni.
Hann var einmitt að tala um að nota 2.25 eða 2.5 svo fóru strákarnir að flækja þetta fyrir honum með alhæfingum og hugmyndum um hitt og þetta.

Enn takk fyrir svörin, er þetta þá bara ekki ágæt að hafa þetta svona eins og myndin sýnir? Nema já þá sleppa túpunni og setja einn ágætan kút sirka miðja vega á kerfið?

[Startarinn]

Hvað er svert undir bílnum orginal?

Hafið í huga að einfalt 3ja tommu kerfi flæðir u.þb. það sama og tvöfalt 2ja tommu, þ.e. þverskurðarflatarmál 2x2" er nánast það sama og 1x3"

Ég setti 2falt 2ja tommu undir hiluxin hjá mér, sem nær aftur fyrir pall, félagi minn er með 4runner með 2falt kerfi sem endar framan við afturhjól, það er talsvert meiri hávaði inní bílinn í hans bíl

En já, pústskynjarinn verður að vera og helst aftan við þar sem kerfin koma saman, ef þið hafið kerfið tvöfalt má alveg hafa hann bara á annarri greininni en eyðsla gæti hugsanlega aukist

[íbbi]

hafið það bara eins einfalt og ódýrt og þið komist upp með. til þess að nýta sverara rör eitthvað af ráði er svo margt annað sem þið þyrftuð að fara út í líka,

svo er líka annað mál að með of sveru röri getið þið beinlínis tapað togi og vinnslu, þá sérstaklega á lágum snúning, sem er sérlega slæmt í jeppa

[Big Red]

Hann er með 2" virðist vera undir honum núna allavega.

Það er kanski bara alveg feikinóg setja 2" rör bara aftur. eigum til einn fínan Bosal hljóðkút sem er með 2" stútum og alveg ágætlega opinn, eigum 2 þannig. Spurning hvort nóg sé að hafa bara annan þeirra?

Einn ráðlagi að hafa 2,25 frá greinum í kút og svo 2" frá kút og aftur. er eitthvað vit í því?

Enn takk allir fyrir svörin ;)

[lecter]

ég hef sett 2,5" eitt rör i ramcarger jeppa 318 og einn kút flott hlóð ekki of hátt og aftur fyrir jeppan hliðar púst er ekki að virka ,, púst kemur inn ef rúðan er opin og ómögulegt að vinna við bilinn við hlið hans og fá pústið upp i sig nema drepa á bilnum og ekki sniðugt i snjó ef mikill snjór er og farið fetið

[villi58]

Hann er með 2" virðist vera undir honum núna allavega.

Það er kanski bara alveg feikinóg setja 2" rör bara aftur. eigum til einn fínan Bosal hljóðkút sem er með 2" stútum og alveg ágætlega opinn, eigum 2 þannig. Spurning hvort nóg sé að hafa bara annan þeirra?

Einn ráðlagi að hafa 2,25 frá greinum í kút og svo 2" frá kút og aftur. er eitthvað vit í því?

Enn takk allir fyrir svörin ;)

2,25 rör er alveg nóg í kút og 2" fín svo afturúr, þá ert þú kominn með vel yfirdrifið púst. Skil aldrei 3" og jafnvel 4" rör á örsmáa mótora, það er allanvega yfirdrifið því vélin kemur engu frá sér svo að þarfnist 3" eða 4" rör.