Landcruiser KDJ95 framhjólalega

[johannesJ]

Er að skipta um bakplötur undir bremsudiskum að framan. Veit einhver hvernig maður nær navinu af liðhúsinu, eða hvað þetta nú heitir?
Þetta er Landcruiser KDJ95 árgerð 2001.

[helgiarna]

Nafið næst ekki úr nema í pressu og þar með er lega og pakkdósir ónýtar. Þú getur hugsanlega náð að höggva gömlu hlífina í sundur með meitli og skorið nýju hlífina í tvennt, skrúfað hana á sinn stað og soðið hana saman á staðnum. Þetta er kannski ekki flottasta aðferðin en sparar þér legu og pakkdósir.

[johannesJ]

Ok takk fyrir þetta semsagt einnota drasl.
Best að fá sér 80 bíl aftur !

[helgiarna]

Einnota eða ekki? Framhjólalegur í 90 cruser eru flestar að endast um 400 þúsund km hefur mér sýnst og ég hef séð nokkra sem eru eknir yfir 600 þúsund km án þess að teljast dekurbílar.

[Kiddi]

Þú átt ekki að þurfa að taka leguna í sundur heldur ætti að duga að losa hana frá liðhúsinu með hjólnafinu í og komast þannig í þetta. Losar líka stóru róna á öxlinum.

[helgiarna]

Landcruser 95 árgerð 2001 er ekki boltað leguhöbb heldur er legan pressuð í liðhúsið og fest með splitthring undir pakkdósinni.

[johannesJ]

Eg reddaði þessu með því að skera nýju hlífarnar sundur sauð síðan renninga á annan helminginn málað og skrúfað saman með nettum ryðfríum skrúfum. Það er engin leið að ná þessu sundur nema í pressu sýnist mér.