Högg/slag í skiptingu/drifbúnaði

[TotiOla]

Góðan dag

Langaði að forvitnast um það hvort einhver kannaðist við létt högg eða slag í sjálfskiptingu/drifi á Navara 2006 árgerð, eða þar um kring?

Ég er s.s. með 35" bíl sem ég er farinn að finna fyrir þessu höggi í þegar ég slæ af og strax aftur inn úti á þjóðvegi. Svona eins og það sé slag í einhverju.

Hefur einhver hugmynd um hvað þetta gæti verið?

[Kiddi]

Þetta gæti verið laus mótorpúði, slag í fóðringum, slag í hjöruliðskross eða laus pinion í drifi. Já eða bara eitthvað allt annað en ég myndi byrja að skoða þessa hluti.

[TotiOla]

Sæll Kristinn

Takk fyrir þetta. Ég veit ekki hvort það fækkar vangaveltunum eitthvað en þetta virðist bara gerast í síðasta gír (5).

Ég prófaði að reyna að framkalla þetta í lægri gírum í morgun en þá virtist þetta vera nokkuð þétt.

Ég býst svo sem við því að hendast með hann til fagmanna þegar færi gefst en það er gott að hafa einhverja hugmynd um hvað þetta gæti verið.