Læsing í hilux

[jeepson]

Sælir félagar. Bróðir minn er með 92 hilux 2,4 bensín xtra cap Ég heyrði hann vera að tala um að hann þyrfti að skipta um olíu á afturdrifinu hjá sér. útaf læsinguni. Ég fór að spyrja hann hvort að hann væri með raflás. Hann sagðist vera með diskalás. Þá segi ég að hann þurfi að vera með LSA olíu á honum. En nú liggur nú aðalforvitnin í því með þessi læsingarmál. Kom hilux með diskalás að aftan???

[Stebbi]

Já hilux kom með diskalás að aftan og sérstaklega SR5 bílarnir.

[hobo]

Þá segi ég að hann þurfi að vera með LSA olíu á honum.

Meinarðu ekki LSD olíu(limited slip differential) eða er ég í ruglinu?

[jeepson]

Ég hef altaf heyrt talað um lsa. Svo segja menn limited slip oil. Það getur velverið að þetta sé kallað lsd. Ef einhver veit hvað þetta heitir þá er um að gera að deila þeirri visku handa okkur hobo :)

[jeepson]

Já hilux kom með diskalás að aftan og sérstaklega SR5 bílarnir.

Voru SR5 bílarnir bensín eða diesel líka?

[Stebbi]

Já hilux kom með diskalás að aftan og sérstaklega SR5 bílarnir.

Voru SR5 bílarnir bensín eða diesel líka?

SR5 er bara aukahlutapakki í hilux og mér aðvitandi komu sárafáir svoleiðis dísel til landsins. Nánast allir V6 bílarnir eru með SR5 pakkanum og 2.4 bensín doublecab en auðvitað eru undantekningar á því. Nánast allir dísel doublecab bílarnir á árunum '89 til '97 eru DX týpur og ekki með neinu nema stýri og dagatali í mælaborðinu.

Svo er ekkert víst að þetta sé orginal drifköggullinn úr bílnum.

[oggi]

man eftir einum extra cap sr5 disel 90-94árg hann var með diskalæsingu að aftan orginal svokallaða LSD læsingu

Ég hef altaf heyrt talað um lsa. Svo segja menn limited slip oil. Það getur velverið að þetta sé kallað lsd. Ef einhver veit hvað þetta heitir þá er um að gera að deila þeirri visku handa okkur hobo :)

þatta er kallað LSD sem útleggst sem limited slip differential

[jeepson]

Okey. Þá er það komið á hreint með olíuna. En þá spyr ég eins og algjör froskur. Er þá til þessi lsa olía?

[JonHrafn]

LSD olía er allavega til :þ minnir að hún sé 85-90

[Stebbi]

LSA stendur oftast fyrir 'Limited Slip Additive' og gefur þá til kynna að olían hentar á LSD læsingar. Sá svona brúsa frá annað hvort Shell eða N1 um daginn og á honum stóð stórum stöfum LSA.

[hobo]

En LSD, er það ekki tregðulæsing?(fyrir utan það að vera ofskynjunarlyf)

[Stebbi]

Jú skammstöfun á Limited Slip Differential. LSA er yfirleitt notað yfir bætiefnið í olíuni sem þarf fyrir diskalása, frekar sjaldgæft að sjá olíuna kallaða þeirri skammstöfun. Bætiefnið var hægt að kaupa stakt í den tíð og bæta útí venjulega gírolíu.

[HaffiTopp]

..

[Stebbi]

Ef að diskalás klikkar þá byrjar hann yfirleitt á því að hnökra og svo hættir hann bara að virka og drifið er ólæst. Þettaa er ekkert ósvipað kúplingu í litlu mótorhjóli, diskur og plata til skiptis. Þegar að yfirborðsefnið á disknum er búið þá snuðar hann bara á plötunum og nær ekkert að læsa. Gamalt húsráð er að bæta við þykktina á plötunum með því að smíða aðra plötu úr kókdós og bæta á milli en það endist ekkert sérstaklega vel.

[JonHrafn]

Vanmetnir þessir diskalásar, þetta eru 4-5 diskar, svipaðri áferð og kúplingsdiskar. Gormur ýtir undir neðsta diskinn og pressar þá saman. Þeir virka vel nema þegar maður þarf á þeim að halda :þ Þegar þeir svíkja þá er bara slá af, aftur af stað með hjólin, drifið læsist um leið og fríhjólið hættir að snúast, hægt að jugga sér ágætlega með þessum "lásum"

[Stebbi]

Mín reynsla er sú að þeir koma þér í vandræði en ekki úr þeim.

[nobrks]

Sammála Stebba, eiga það til að læsa sér við verstu aðstæður, t.d. í beygjum á malarvegi eða hálku og þá er maður þversum á 0.1

[jeepson]

er þá ekki málið að menn keyri með í huga að þeir séu með læsingu sem gerir það sem henni hentar :) Ég var með diska læsingu í 38" cherokee sem að ég átti og hún virkaði altaf fínt. En hinsvegar var ég með nospin í 38" ranger sem ég átti líka og hann var altaf læstur. Þannig að yfir vetrar tíman gaf maður bara ekstra í beyjunum þannig að maður var kominn með beyjur að aftan líka :)

[Stebbi]

er þá ekki málið að menn keyri með í huga að þeir séu með læsingu sem gerir það sem henni hentar :)

Þetta er eitthvað fyrirbrigði sem á sér bara stað í ímynduðum heimi fullum af álfadufti og einhyrningum. Jeppakallar keyra sjaldnast með hugan við eitthvað annað en að drífa, ef maður hefur afturá móti gaman af því að moka og binda pelastikk þá fær maður sér diskalás að framan og aftan.

[jeepcj7]

Bara leggja vel undir lásinn og standann virkar yfirleitt betur en að setja lás á þegar þú ert fastur (lesistloftlás) :o)
Það er að segja ef aflið er til staðar :o) :o) :o)

[Heiðar Brodda]

setja no-spin að aftan ekkert ves og fínt að keyra því líka í afturdrifinu í hálku maður lærir á þetta


kv heiðar Brodda