Tölvuaflestur -> Sveifarásskynjari!

[thor_man]

Sælir hér.

Þegar gaumljós vegna vélar logar og tölvuaflestur gefur til kynna „Sveifarásskynjari“, hvers er þá að vænta við frekari skoðun, er skynjarinn bilaður eða er eitthvað athugavert við sveifarásinn eða honum tengt (legur, smurþrýstingur o.s.frv.)? Hvaða hlutverki gegnir þessi sveifarásskynjari?

Vonandi hafið þið einhver svör á reiðum höndum;)

Kv.

Þorvaldur.

[Járni]

Sveifarásskynjarinn skynjar stöðu sveifarássins. Þær upplýsingar eru notaðar í ýmislegt, t.d. fyrir kveikju.

Líklegar orsakir eru meðal annars; skynjarinn sjálfur að bila, skemmd í vírum/tengjum eða að tennurnar eða platan sem hann les er að skemmast. Það eru mismunandi útfærslur á þessu á milli bíla.

[jeepcj7]

Svo er líklega séns að þetta sé eins og vill gerast í trooper þar sem endaslagslega á sveifarás gefur sig og skemmir þennan skynjara.

[gislisveri]

Hver er bíltegundin?

[thor_man]

Hver er bíltegundin?

Þetta er X-Trail með 2000cc vél.

[Freyr]

Alla jafna er það sjálfur skynjarinn sem er málið, býsna algengt óháð bíltegund. Í þessum vélum er þó annað sem einnig er "algengt". Tímakeðjan lengist (vegna slits) og þá brenglast tíminn milli knastás og sveifarás og þá getur þessi villa komið, þó fara einnig skynjararnir.

[thor_man]

Takk fyrir svörin félagar, fróðlegt. Mín þekking á vélum er nefnilega að mestu tilkomin fyrir tíma tölvuvæðingarinnar í vélarsalnum;)

[thor_man]

Alla jafna er það sjálfur skynjarinn sem er málið, býsna algengt óháð bíltegund. Í þessum vélum er þó annað sem einnig er "algengt". Tímakeðjan lengist (vegna slits) og þá brenglast tíminn milli knastás og sveifarás og þá getur þessi villa komið, þó fara einnig skynjararnir.

Þessi bíll er ekinn innan við 100 þús. svo væntanlega er það skynjarinn sjálfur sem er bilaður.

[Freyr]

Engan veginn víst þó aksturinn sé ekki meiri. Smurviðhald hefur mikið að segja en þetta getur samt gerst þrátt fyrir 100% smurviðhald.

[thor_man]

Engan veginn víst þó aksturinn sé ekki meiri. Smurviðhald hefur mikið að segja en þetta getur samt gerst þrátt fyrir 100% smurviðhald.

Er einhver leið til að átta sig á hvort svo sé án þess að opna vélina?

[gislisveri]

Helst með því að prófa að skipta út skynjaranum og sjá hvort þetta lagast.

[Freyr]

Ventlalokið af og horfa á keðjustrekkjarann. Hann á að lýta út fyrir að vera "gamall og skítugur". Ef sá hluti stimpilsins (olíufylltur strekkjari) sem er næst strokknum er áberandi hreinni og meira glansandi en ytri hluti stimpilsins þá hefur hann nýlega gengið út = keðjan hefur slaknað.