Myndagetraun XI (lokið)

[hobo]

Vonandi vefst þessi fyrir ykkur :)
Hvað heitir bungan á miðri mynd?



..og takið eftir jeppamenn, það er slóði!!

[Páll Ásgeir]

Þetta er erfitt. En ég held að við séum á Suðurlandi.

[Stebbi]

Ég ætla bara að fá að nota tækifærið og bjóða Pál velkomin á síðuna og í góðan félagsskap jeppaeigenda. Vonandi verða samskiptin bara af hinu góða enda á ég ekki von á öðru.

[hobo]

Mjög nálægt þeim stað sem myndin er tekin, er stöðuvatn.

[Páll Ásgeir]

Þakka góð orð frá Stefáni.

Mér finnast svona getraunir afar skemmtilegar en þessi er í þyngra lagi. Hvernig væri að fiska upp fleiri vísbendingar. Ef það er stöðuvatn í grenndinni dettur mér Langavatnsdalur í hug en átta mig samt ekki á því hvað fjallið á myndinni heitir.
En það fyrsta sem mér datt í hug þegar ég sá myndina var að þetta væri á leiðinni af Rótasandi niður á Laugarvatn og þá væri þetta Efstadalsfjall sem blasir við.

[hobo]

Myndin er ekki tekin frá vegi heldur ofan af múla einum á vesturlandi.
Þú ert orðinn heitur Páll.

[Ofsi]

Mér datt fyrst í hug Staðarhnúkur og myndin væri tekin ofan af Beilárheiði eða Réttarmúla og þá væri Langavatn til hægri.

[hobo]

Mér datt fyrst í hug Staðarhnúkur og myndin væri tekin ofan af Beilárheiði eða Réttarmúla og þá væri Langavatn til hægri.

Rétt var það. Þarna stalstu þessu!

[Ofsi]

Sorrý :-(

[juddi]

Tek undir það að ekki er slæmt að hafa menn eins og Pál virka á þessari síðu, en nú bíð ég og örugglega fleiri eftir því að Páll fjárfesti í Enduro hjóli og skrifi enn eitt meistarverkið í flóru ferðabóka um land vort.