Hið íslenska jeppaspjall

Sælir.

Það er svolítið skemmtilegt að fletta í gegnum myndaalbúmið og velta fyrir sér hvaða myndir gætu hentað í svona spurningakeppni. Ég merkti mína með venjulegum tölustöfum til að aðgreina frá Hobo.

Hér er fyrsta mynd, hvað heitir þetta fjall og sirkabát hvaðan er myndin tekin.

Kv Jón Garðar

Snæfell og tekin í línu frá Kárahnjúkum ?

Sælir

Þessi var of einföld. Ég var að vona að kíkismyndatakan myndi rugla einhvern, Snæfellið er svo himalajalegt svona.

Þá er ein aðeins þyngri, hvert erum við að fara á þessari mynd.

Flott mótframlag í getraunadeildinni.
En hvað þessa mynd varðar þá bíð ég bara eftir vísbendingum..

Sælir.

Vísbending já...síðasta var náttúrulega alltof létt svo að meiningin var að þyngja þetta svolítið.

1. Vísbending gæti verið "Austurland".

Kv Jón Garðar

Mig grunaði austurland því ég er alveg tómur!

Ég ætla samt að skjóta á að þetta sé í Húsavík á leið frá Loðmundarfirði.

Mér finnst einsog þetta sé Loðmundarfjarðarmegin. Þ.e ekki í Húsavík.

Asskoti voruði segir. Þegar maður keyrir frá Húsavík yfir í Lommann þá byrjar maður á því að fara yfir skarð sem ég man ekki hvað heitir og þarna erum við að koma niður Loðmundarfjarðarmegin.

Þessi leið verðu trúlega meira notuð núna næstu ár en hingað til því að í Lommanum er nýtt hús ferðafélags Fljótsdalshéraðs sem var reist með tilliti til gönguhópa á þessu svæði. Alger ferðamannaparadís og ekki síst fyrir göngumenn.

Kv Jón Garðar