Ný jeppategund

[Ísar]

Thanks mrgard, for kind words. The Ghe-O, Bronto, Litvina, Petrovich, Foremost et al are not road vehicles. They are off-road-only, typically 40-60kph top speed, flotation-tyred specials. The difference between our Ísar and those, and the military-only-regulated steel shell specials like Oshkosh JLTV, Panhard, Fennek etc., is that we are making an internationally road legal passenger car. With similar off-road mobility to off-road only buggies and trucks. It's 10 times harder, but satisfying to now see materialise.

[Ísar]

Kannski langt seilst, að ráða geimveru til að vinna í bílnum sínum. Þessi er nýkomin á nýju geimskutlunni sinni, með framdrifi og alles. Það fór allt að gerast eftir að hún kom

20170207_150937.jpg (132.22 KiB) Viewed 42768 times

[Ísar]

Mynd náðist af UFOnum, drífur að sögn rosalega.

20170207_150644.jpg (325.22 KiB) Viewed 42767 times

[Ísar]

Sjóðandi heit græja. Hægt að sjá hvað myndaðist úr þessu í Aðalbyggingu Háskóla Íslands á fimmtudaginn kemur kl. 14,00-16,30.

20170220_162757.jpg (83.28 KiB) Viewed 42764 times

Álklasaauglýsing.JPG (182.78 KiB) Viewed 42762 times

[Járni]

Spennandi!

[juddi]

Dugar ekkert minna en Fronius í svona verkefni

[Ísar]

Þá fer Ísar að nálgast 3 í útvíkkun, farið að sjást í kollinn. Þessi þráður gæti þá komist úr erum-að-spá-í-að-gera-eitthvað þræði í smíðaþráð. Heldur betur skemmtilegra. Hér eru Héðinsmenn að beygja til botn og setstokka, nýkomið úr leysiskurði

20170215_161716.jpg (1.08 MiB) Viewed 42442 times

Komið form á þetta

20170215_164029.jpg (1021.56 KiB) Viewed 42088 times

Fullt af eðaláli, klippt og skorið

20170216_111544.jpg (1.08 MiB) Viewed 42442 times

Komið í hús, tæplaga einn bíll, Ikea stæl

20170216_112138.jpg (1015.33 KiB) Viewed 42442 times

Mikið beyglað

20170216_112210.jpg (825.77 KiB) Viewed 42442 times

[Ísar]

Hörður Sæmundsson rétt bretti upp aðra ermi og hviss-bæng, kominn botn. Nú sýndi sig líka hvað Guðmundur Jónsson er búinn að vinna gríðarlega vandaðan undirbúning, boltar duttu í öll sín göt og allt passaði saman. Mjög gaman.

20170216_153205.jpg (869.42 KiB) Viewed 42431 time

Miðjustokkurinn í

20170216_154106.jpg (704.12 KiB) Viewed 42431 time

Sílsarnir saman

20170216_154221.jpg (858.04 KiB) Viewed 42097 times

Komnir á og hugað að hurðapóstum

20170216_163051.jpg (831.7 KiB) Viewed 42097 times

Teikningasettin aldrei langt undan

20170217_082616.jpg (1.02 MiB) Viewed 42431 time

Byrjað að fróníusa

20170217_082632.jpg (769.17 KiB) Viewed 42097 times

[Ísar]

Farin að heyrast bílahljóð, vantar bara hurðarhúninn v.m. aftan

20170220_122508.jpg (1.08 MiB) Viewed 42424 times

Leysirinn fylgist með láréttunni og lóðréttunni

20170220_140339.jpg (922.58 KiB) Viewed 42089 times

Punktað og svo soðið, samsetningin er bland af hnoðum, boltum, lími og suðu, til að lágmarka vinding og skekkjur. Púlssuðan nýja er hins vegar að koma það vel út að hún verður ráðandi.

20170220_162847.jpg (1.07 MiB) Viewed 42089 times

[Ísar]

Öhh, myndir velta á hliðina við að fara hérna inn. Er ráð við því?

[Járni]

Spennandi! Mikið hlakka ég til að sjá þetta tilbúið.

Í sambandi við myndirnar, ertu á mac? Skal sjá hvort ég nái að rétta þær á morgun.

[Ísar]

Er á Windows, Járni

[Járni]

Búinn að rétta myndirnar fyrir þig. Þetta hefur gerst áður og minnti mig að viðkomandi hefði verið á makka.

Það virðist eitthvað skolast til annað slagið hvað vísar upp á myndunum. Að rótera þeim fram og til baka og vista inn á milli lagfærir þetta.

[Ísar]

Takk! Allt annað. Sjáum hvort næsti skammtur veltur

[elli rmr]

Vonum bara að Ísar velti ekki!!!! :D

[jeepcj7]

Þetta lítur bara vel út gaman að einhverju nýju og ég er nokkuð viss um að það verður veltibúr í þessu verkfæri.

[Ísar]

Þyngdarpunkturinn í Ísarnum reiknast vera 36,7% lægri en í myndunum sem velta hér unnvörpum um. Og jú, við höldum það verði öruggara að velta í okkar bíl en Land Rover. Svona svo gott dæmi sé tekið.
En að framhaldssögunni. Toppurinn var næstur:

DSC00007.JPG (9.08 MiB) Viewed 41221 time

Og myndin valt ekki!
Valsaðir prófílar og samsettir toppsílsar. Smíðað í smiðjunni hans Harðar. Nóg pláss.

DSC00010.JPG (5.47 MiB) Viewed 41221 time

Sjóði-sjóð:

DSC00019.JPG (7.69 MiB) Viewed 41221 time

Mæli-mæl:

DSC00040.JPG (7.63 MiB) Viewed 41221 time

Strekkiböndin voru ekki á teikningunni

DSC00044.JPG (7.69 MiB) Viewed 41221 time

[sukkaturbo]

Þetta verður skemmtilegur þráður ef menn halda út og áhugaverður bíll.

[Ísar]

Áfram með smérið. Toppurinn kominn saman:

DSC00046.JPG (5.33 MiB) Viewed 41001 time

Hífopp, og leysirinn sýnir rétt mál

DSC00054.JPG (4.58 MiB) Viewed 41001 time

Dæmið að komast í þrívídd

DSC00058.JPG (4.23 MiB) Viewed 41001 time

Póstum fjölgar,

DSC00068.JPG (7.74 MiB) Viewed 41001 time

og þeir festast

DSC00078.JPG (3.8 MiB) Viewed 41001 time

Sólinni hleypt að handaverkinu, Guðmundur Jónsson bara nokkuð ánægður með það sem komið er

20170223_113942.jpg (1.09 MiB) Viewed 41001 time

[grimur]

Ég hélt að það væri búið að smíða landróver...

[Ísar]

Það er ekkert nýtt undir sólinni

[Ísar]

Þá var komið að fyrsta bíltúrnum!!!

20170223_120035.jpg (1.26 MiB) Viewed 40670 times

Öö, með smá hjálp frá Cargobílum, Rétt smaug inn í fullstærðar vörukassa, sem gefur hugmynd um stærðina.
Og ferðinni var heitið - í Hrafntinnusker? Neei, í Háskóla Íslands. Auðvitað.

DSC00083.JPG (7.83 MiB) Viewed 40670 times

Upp á rönd, ein velta, og sko, inn í hátimbrað musteri þekkingarinnar.

DSC00117.JPG (7.23 MiB) Viewed 40670 times

Iss, lauflétt. Svo upp á borð vanari tárum og svita gáfufólks þjóðarinnar við bóknám og próflausnir en að halda undir jeppa.

DSC00101.JPG (7.71 MiB) Viewed 40670 times

Tilefnið var Nýsköpunardagur Íslenska Álklasans, þar sem sendill Ísar hélt innblásið erindi um ágæti áls í bíla fyrir þá sem trúðu því fyrir.
Ísarinn hvarf undir snjóhvíta, sérsaumaða XXXL yfirbreiðslu, sem við félagarnir fjórir, Ari Arnórsson, Hörður Sæmundsson, Viðar Viðarsson og Garðar Lárusson (Guðmund Jónsson vantaði), rúlluðum svo af aftur meðan fullt anddyri viðstaddra stóð á öndinni af álhreinni hrifningu. Að sögn, við misstum auðvitað af því, uppteknir af að bisa við landsins stærsta flíslak.

16864998_10154090052120728_4666453124827770678_n.jpg (54.7 KiB) Viewed 40670 times

Svo fóru allir upp aftur að drekka áláfengi og halda fyrirlestra, nema sumir sem þurftu að spyrja nánar.

16832040_10154090051925728_387820488258077639_n.jpg (72.22 KiB) Viewed 40670 times

Við kynntumst fólki, skiptumst á upplýsingum, blöðruðum við blaðamenn, og fengum snittur. Mjög góðar snittur. Takk, Samál og HÍ, fyrir boðið.

[Ísar]

Sæl aftur, jepplingar og jepplingur. Það hefur ýmislegt gerst síðan síðast, við erum komnir í eigið húsnæði þar sem þeir Viðar Viðarsson og Páll Pálsson framleiða daglegan hávaða, svarf og kaffikorg. Hörður Sæmundsson dettur inn og suðar, Guðmundur Jónsson er í þarnæstu götu og hefur vit fyrir okkur. Burðarvirkið og yfirbyggingin er að útskrifast, komnar hurðir og fleira áhang, allskonar dót á fæðingardeildum hér og þar sem síðan berst okkur til í- og ásetningar. Það má segja að við séum farnir að sjá fyrir langþráð smíðalok. Eins og allir hér vita er þá ekki björninn unninn, loft, olía, rafmagn og fleira þarf að fá sitt, klæðningar og frágangur er drjúgt á lokametrunum. En - þetta er að hafast. Þrátt fyrir svona menn, sem bara leggja sig í vinnunni, purrkunarlaust ...

Palli sýður.jpg (573.26 KiB) Viewed 39059 times

[Járni]

Frábært, gaman að heyra. En lumar þú ekki á fleiri myndum? :-)

[Ísar]

Takk, Járni. Ein eldri mynd hér meðan hann var með vélbúnað og drifbúnað og fjöðrunarbúnað og dekk á mjófelgu og allt, á sínum stað. Vinnan undanfarið hefur mikið til verið "ósýnileg", við frágang á bakvið vél, skiptingu og millikassa. Því er nú að ljúka og knýbúnaðurinn að snúa aftur á sinn stað.

Á fæti.JPG (9.44 MiB) Viewed 39034 times

[Ísar]

Höddi að spá: Hvar er hásingin?

20171020_161144.jpg (2.84 MiB) Viewed 38562 times

[Ísar]

Sælt veri Jeppaspjallfólk. Í Ísarlandi er helst tíðinda prufutúr nú í júní, okkur til sælublandinnar gleði, og furðu yfir hve nálægt háleitum væntingunum bíllinn reyndist vera. Minnum á að skúrheimsóknir eru velkomnar, einnig athugasemdir hér eða á facebook síðunni okkar, eða lítið inn á Rescue 18 ráðstefnuna í Hörpu 12-14 október n.k. Við verðum þar.

grjótið.JPG (210.82 KiB) Viewed 36418 times

Viddi ekur.jpg (73.37 KiB) Viewed 36418 times

[Járni]

Magnað! Ég vissi ekki að bíllinn væri kominn í gang og rúllaði!

Geturðu laumað stöðunni í okkur? Hvað er næst á dagskrá í framleiðslunni, hvort og hvað kom óvænt í ljós og þess háttar?

[Hjörturinn]

Verður hann ekki örugglega á sýningunni 14-16 sept? :D

[Ísar]

Sælir Járni og Hjörtur. Staðan er að hamast er við að útvega fjármagn til að halda áfram, þ.e. klára þennan fyrsta bíl og koma á götu, skrá og prófa. Annars erum við stopp til að safna ekki skuldum. Einnig er í gangi verkfræðivinna við undirbúning gerðar næsta bíls, Prótótýpu 2 (P2), sem verður 4 dyra á móti 6 dyra P1, og hressari undir húddinu, eða 750 hö. Sá er einna helst ætlaður fyrir tengilið okkar í Dubai, sem sýningarbíll fyrir All Terrain Supercar deildina. Við erum þegar búnir að endurhanna P1 að miklu leyti, og er það í umsjón Manu Alvarez, bílaverkfræðings með áratuga reynslu frá Jaguar, Nissan og fleiri, sem er orðinn starfsmaður hjá okkur með starfsstöð í Bilbao. Aðkoma Manu með sína menntun, þekkingu, reynslu og tengslanet hefur reynst vera bylting fyrir þetta verkefni.

Annars fengum við í gærkvöldi eðalheimsókn hóps jeppanagla og komumst þá að því að það var búið að gera ráð fyrir okkur á 4x4 sýningunni, en hafði bara farist aðeins fyrir að láta okkur vita! Það er auðvitað allt í lagi, fyrst sýningin er ekki búin. Við ætlum að mæta eins og við stöndum.

[juddi]

http://www.visir.is/g/2019190318800/fyr ... nn-okufaer

[juddi]

https://www.mbl.is/vidskipti/frettir/20 ... raenlandi/

[ellisnorra]

Þau eru orðin þónokkur árin sem þetta verkefni hefur staðið yfir, menn spenntir að sjá bílinn á götunum og bíða og bíða. Ég geri mér grein fyrir, amk að einhverju leiti, að svona taki tíma sinn.
En hvernig gengur verkefnið? Er unnið daglega í þessu nú eins og ég veit að var á einhverjum tímapunkti? Hvenær má vænta að bíllinn verði tekinn í notkun af nýjum eiganda?

Bara til að hafa það á hreinu, að ég er ekki að "dissa" neitt. Svo ekkert sé rangtúlkað :)

[Ísar]

Sælt veri jeppaspjallfólk. Og afsökunarbeiðnir fyrir að hafa ekki verið virkir í athugasemdum í lengri tíma. Og það er ekkert diss að óska eftir að við sýnum aðeins meira kjöt en fyrir ári. Djúsí smíðamyndir, t.d? Umm, Því miður. Ekkert gerst þar.
Þó gengur Ísar áfram, hægt og hljótt. Vort daglega streð er exceltöflur, fjarfundir og tölvupóstar. Fjármögnun og framleiðsluundirbúningur.
Nauðsynleg leiðindi til að komast áfram.
Vorum annars áðan í þriðja stutta bíltúr dagsins með fjölmiðlamenn og aðra áhugasama.
https://www.visir.is/k/aeec3abd-c9c3-48 ... -9gr4W1y00
Jú, og nú á föstudag vorum við að "handsala" (yfir netið - skrattans Kóvitið) síðasta stóra tímamótasamninginn sem við þurftum fyrir verkefnið, nánar tilkynnt um það um leið og blekið bleytir pappírinn formlega.
Og við náðum á þessu ári samningum við nokkra birgja sem búið er að reyna við árum saman. Eins og ZF, og Arconic, og hann Ford kallinn, sem samþykkti um daginn að við værum þess verðir að eiga við hann alvöru viðskipti (montstatus) .
Og Grænlandsverkefnið okkar gengur sinn græna gang, fyrstu landsamgöngur í sögu þess óviðjafnanlega lands. Fyrsta jarðefnaeldsneytisútskiptingarverkefni í sögu Grænlands ofl. En ótal aðilar þurfa að stilla saman strengi, það tekur tíma sem við getum ekki haft áhrif á. Tíðindi þó á leiðinni þaðan á næstu vikum.
Sem sagt, ekkert skemmtiefni hér akkúrat nú fyrir alvöru jeppafólk - fyrr en kontórvinnan skilar árangri. Þá verður veiiislaaaaa eins og einhver sagði.

[Ísar]

Arg, myndbirtingarves. Reyni aftur:
[img]

Stod%202%20frettir.JPG

[/img]
[img]

20200518_135938.jpg

[/img]

[íbbi]

gaman að heyra að þetta malli þó alltaf áfram

[haffij]

Hvað ætli sé að frétta af þessu dæmi??

[jongud]

Hvað ætli sé að frétta af þessu dæmi??

Allavega hefur vefsíðan isar.is ekki verið uppfærð síðan í mars

[Ísar]

Jæja, kannski kominn tími á smááá lífsmark? Að sumu leyti er ekkert að frétta, þ.e. það er ekki búið að smíða neitt hart og því engar djúsí nýjar myndir að sýna.

En það má sannarlega segja að verkefnið hafi gengið áfram. Það hefur undið upp á sig, og er ekki jeppasmíðaverkefni dellukalla á Íslandi, heldur erum við komin í að "bjarga heiminum". Samanber slagorðið: "0,1% heimsins er malbikaður. Við þjónum rest."
Búið er að þróa heilar samgöngulausnir fyrir erfið svæði um allan heim, búið að þróa samfélagslegar umbætur byggðar á einstökum eiginleikum Ísar bíla, búið að þróa alls konar útgáfur af Ísar bílum fyrir meira en 22 markaðskima og og... og þetta allt á ekkert erindi á skemmtilegan þráð um íslenska jeppasmíði.

Ekki heldur fjármögnunarvinnan sem hefur líka undið upp á sig og upphæðirnar á borðinu margfaldast. Við völdum að þegja á þráðum þar til þessum leiðindaverkum lýkur. En: Vorum núna að koma frá Þýskalandi, þar sem ýtt var áfram framleiðsluhönnun Ísar línunnar í samstarfi við efalaust besta "smáseríu" (low volume) framleiðanda heims, Fyrirtæki stofnað 1901, og hefur framleitt mest fyrir Mercedes Benz (nú síðast seríu af Maybach Pullman), Porsche (húsið er núna hálffullt af spaðhökkuðum 911 GTR skeljum sem verið er að breyta í $$$legar kappakstursgræjur), BMW, Brabus, og lengi má telja.

Þarna er öll þekkingin sem okkur vantaði, þekking á framleiðslu bíla. Við íslendingar kunnum sannarlega að smíða allan skrambann, en þegar kemur að framleiðslu... Þá er annaðhvort að finna upp hjólið, eða leita bestu fáanlegrar þekkingar. Þar erum við stödd núna, enn einu sinni á barmi þess að taka flugið, en núna svo margfalt betur undir það búin en áður.
Út úr þessu er að koma miklu betri bílar fyrir miklu minni tilkostnað, miðað við að reyna að setja upp verksmiðju á Íslandi.
Það er bara ís(ar)kaldur raunveruleikinn.

[Sævar Örn]

Þetta er gott að heyra, gangi þér og ykkur vel.