Hið íslenska jeppaspjall

Er mikið verra að staðsetja VHF loftnet á frambretti, heldur en á þakinu?
Sé að sumir eru með þetta þar.

Hvernig er að setja þetta á toppgrindina? Hún verður úr áli.

Virðist sem það muni ganga erfiðlega að setja loftnetið á toppinn.

Kv. Trausti

Fræðin segja víst að best sé að hafa VHF loftnetin á miðju þaki

Það er verra, loftnetið notar grunnflötinn í kringum sig og ef það er útá jaðri virkar það ekki jafnvel og verður stefnuvirkara.

Ef þú ætlar að setja það á toppgrindina myndi ég mæla með bátaloftneti, þau eru aðeins dýrari en þurfa ekki grunnflötinn.

Skiptir máli hvort maður setur loftnetið á bílþakið eða þak á plast pallhúsi?
Kveðja Kjartan

Fyrir venjuleg bílaloftnet, já. Eins og Lindemann sagði þá nota þau þakið í raun sem hluta loftnetsins. Bátaloftnet eru yfirleitt öðruvísi byggð og þurfa ekki jarðsamband. Fyrir bílaloftnet ætti að virka að líma álpappír innan á plastþakið og búa þannig til jarðflöt. Passa bara að loftnetsfóturinn nái sambandi við álpappírinn, og auðvitað að flöturinn sé nógu stór (myndi giska á ca. fermeter lágmark fyrir VHF loftnet). Tek fram að ég hef ekki prófað þetta.

--
Kveðja, Kári.

venjulegu bílaloftnetin þurfa að vera með góðann jarð flöt undir sér, en þessi http://sonar.is/default.asp?Sid_Id=2349 ... &VKV=10947 (bátaloftnet) skiftir engu máli hvar þau eru og þurfa ekki þennan stóra jarð punkt.

kv. Atli

VHF loftnet í frambretti (eða afturhorni á þaki) verður eitthvað stefnuvirkt, þ.e. misgott eftir því hvernig bíllinn snýr gagvart sendingunni. Hef verið með þau þannig og munurinn er einhver en ekki eins og dagur og nótt. Oftast er maður að nota VHF til að vera í smabandi við bílana sem eru samferða og þá skiptir þetta engu máli.
Hef reyndar þá verið með frekar langt loftnet, sennilega um 140 cm ef ég man rétt.