Hið íslenska jeppaspjall

þar sem rússinn minn verður gerður upp eins orginal og hann var 1966 eftir að blæjuni var hent af og trefjaplasthúsið sett á fyrir utan að vélin verður talsvert sprækari , verður settur á 35-38 tommu dekk , þá langar mig að forvitnast hvernig voru og eru bílar með fjöðrum hringin að reynast í vetrarfærð á fjöllum eru einhverjir gallar og eru einhverjir kostir

Rússinn er þeim hæfleikum gæddur að vera með snilldar fjöðrun orginal jafnvel þó hann sé á fjöðrum,,,,,

Amk. var það þannig að rússar voru þeir einu sem höfðu vit á að framleiða nothæfar blaðfjaðrir, þetta voru einu alminnilega blaðfjaðrandi bílarnir. Annars held ég samt að góðir gormar séu betri fjöðrunarbúnaður í dag, en fjaðrirnar sem eru undir kosta þig væntanlega ekki neitt - og eru góðar fjaðrir :)
Kv Beggi

fjaðrirnar kosta ekki neit og nýjar fjaðrir ótrúlega lítið en svo er þetta líka til að halda bílnum eins og hann var 1965 þegar hann kom af færibandinu í sovét

Blaðfjaðrir eru að mörgu leiti snilld sérstaklega rússafjaðrir en helsti ókosturinn er vindingurinn sem verður þegar dekkin eru orðin mjög stór og jafnvel vélaraflið mikið.Það er reyndar hægt að minnka þann vinding mikið með dempurum og svo hafa menn sett stífur jafnvel til að aftra vindingnum en það þarf að vera rétt upp sett til að aftra ekki fjöðruninni sjálfri.
Ef þú ert með svona blaðfjöðrun er eiginlega öruggt að þú átt að nota hana því það eru litlar líkur á því að þú getir smíðað betri fjöðrun nema fyrir svakalega mikinn pening.

jeepcj7 wrote: svo hafa menn sett stífur jafnvel til að aftra vindingnum en það þarf að vera rétt upp sett til að aftra ekki fjöðruninni sjálfri.
.

Hrólfur Ertu þá að tala um eins og Spyrnubúkka?

Það er reyndar einn möguleikinn en nei er að tala um auka stífur sem eru settar með fjöðrunum eins og lang stífur í 4 link fjöðrun.Í denn vorum við búnir að prófa í sveitinni að nota frekar bara stífa dempara í staðinn fyrir svoleiðis stífur og það bara smellvirkaði.

Í t.d afturfjöðrum með hefðbundið augablað er gott að bæta við stífu fyrir neðan blaðið fyrir stór dekk. Bæði hjálpar hún upp á snúningsvægi en tekur líka við láréttum kröftum frá hjólunum, t.d ef hjól pompa niður í skorninga.

Það má líta á augablaðið sem efri stífu í four link og viðbótarstífan gegnir þá hlutverki þeirrar neðri, og þarf að spila í takt. T.d vera viðlíka löng og fjarlægðin frá auga að fjaðraklemmu eða lítillega styttri og fest neðan við blaðið álíka langt fyrir neðan festipunktana í svipuðum halla og augablaðið sjálft.

Gamli Hilux var gjarn á að brjóta afturfjaðrir þegar hann var kominn á stærri dekk, tvær stífur (auga í báða enda) redduðu því máli mjög vel og það var lítið mál að stilla þeim upp þannig að þær þvinguðu ekki hina margrómuðu afturfjörðun í þeim ágætu bílum.

Hér er eitt dæmi um stífur með fjörðum í þeim dúr sem ég er að tala um.

olei wrote:Gamli Hilux var gjarn á að brjóta afturfjaðrir þegar hann var kominn á stærri dekk, tvær stífur (auga í báða enda) redduðu því máli mjög vel og það var lítið mál að stilla þeim upp þannig að þær þvinguðu ekki hina margrómuðu afturfjörðun í þeim ágætu bílum.

Enda brotna þeir nánast allir alveg upp við fjarðaklemmu eða mjög nálægt sem er hægt að skrifa í langflestum tilfellum á snúning á hásingu. Þetta var sérstaklega slæmt ef að búið var að setja klossa undir fjaðrirnar.

Það passar Stefán.
Gamli Hilux var náttúrulega snilldarhönnun, en þarna vantaði upp á fullkomnunina hjá Japananum. Original kom hann að sjálfsögðu með stífu á framhásingunni til að taka við snúningsvæginu frá hásingunni. Hún hefur sennilega gleymst að aftan...