Hið íslenska jeppaspjall

Daginn!

Í boði er þessi palltjaldvagn, útbúinn í leikaraskap fyrir ferð í sumar úr vel ferðuðum vagni frá Gísla Sverriss, smá prófíl, nýrri löm og girðingastaurum úr Húsasmiðjunni.




Eins og sést er þetta algjör helber snilld, en ég hef ekki geymsluplássið fyrir þetta í vetur svo þú getur eignast hann!

Það sem þú þarft að gera til að eignast hann er að vilja hann!

Verð:

1. Bjór eða 0 kr
2. Bjór eða 5.000 kr
3. Bjór eða 10.000 kr
4. Bjór eða 15.000 kr
5. Bjór eða 20.000 kr

Tek ekki í mál að fara hærra en það!

Kostir:

• Verðið

Ókostir:

• ????

Smellpassar augljóslega á Defender, án efa lítið mál að láta passa á flest allt annað. Fór með hann í 2500 km ferðalag um daginn, haggaðist ekki á pallinum og fínt að sofa í honum. Glænýtt, eldgamalt og skítugt, teppi í "forstofuna" fylgir að andvirði 500kr úr Rauða kross búðinni.

Ef áhugi er á þessu, vinsamlegast svarið hér, sendið mér ES eða hringið í S: 848-9958 - Árni
Ef ekki, fer þetta í ruslatunnuna fljótlega.

Ertu ekki á akureyri?

Sæll, ég er reyndar því miður fluttur þaðan, er búsettur í Reykjavík í augnablikinu.

Sæll ég er til í þennan hvað segir um 10.000 og bjór :-)

Það hljómar ágætlega en það er einn búinn að melda sig seinnipartinn eða í kvöld að skoða. Viltu kíkja á þetta?

Ath: Þetta er á pallinum og þarf næsti eigandi að redda aðstoðarmönnum til að lyfta þessu af. Ég mæti á bílnum þangað sem ég nenni að keyra =)

Þessi vagn hefur marga fjöruna sopið. Einnig hefur hann sopið á ýmsu straumvatni, bjór og kókómjólk.

Ath: Kaupverðið, að undanskildum bjórnum, rennur beint í rekstur síðunnar!

Hann Snorri hér að ofan hneppti hnossið, jeppaspjall.is fékk fínasta styrk frá honum og ég á nóg af bjór fram að helgi. Mjög gott!