Kvikmyndafyrirtæki óskar eftir breyttum jeppa!


Höfundur þráðar
veraldarvefur

Kvikmyndafyrirtæki óskar eftir breyttum jeppa!

Postfrá veraldarvefur » 11.mar 2010, 18:31

Kvikmyndafyrirtæki leitar að mikið breyttum jeppa (með bílstjóra) til leigu í hálfan dag við upptökur á auglýsingu. Jeppinn þarf að vera af japanskri tegund og með "karakter", ekki endilega of fínn og flottur. Honum verður ekki ekið í auglýsingunni sjálfri þarf bara að standa kyrr og vera flottur.
Áhugasamir sendið mynd af bílnum ásamt símanúmeri á: ada@republik.is




Ofsi
Innlegg: 278
Skráður: 31.jan 2010, 22:32
Fullt nafn: Jón Garðar Snæland

Re: Kvikmyndafyrirtæki óskar eftir breyttum jeppa!

Postfrá Ofsi » 11.mar 2010, 21:28

Karakter, það lýst mér vel á. Jeppinn minn Slóðríkur er litríkur karakter. Maður veit aldrei hvar maður hefur hann. Sérstaklega á malbiki á 44 tommunni. Þá er hann eins og fælinn hestur á það til að skjótast útundan sér eða henda sér á brokk sem leiðir upp í stýri.
Við köllum þetta jeppaveiki. En ef ég hlúi að honum greyinu og fer um hann mjúkum höndum og gef honum nýja stýrisenda og fleira góðgæti, þá á hann til að fara á fljúgandi tölt og vera einsog hugur mans. Þó hann sé oft óstýrilátur undirförull og dyntóttur. Þá er hann góð sál og ekki til í honum kynjamisrétti eða rasismi. Það sannaði hann eitt sinn rækilega. Þegar hann dró eina 10 jeppa yfir Mjóhálskvísl á Sprengisandi einn eftir annan,
Trobber, Hilux, Patta og Landrover og fleiri gripi. Þetta er auðvita ekki neitt mont, þó svo að ég hafi beðið konuna um að festa atvikið vel á filmu og spara sig hvergi í myndatökunni og ekki mætti fyrir nokkurn mun minna af neinum drætti. Þá var þetta bara gert svona til heimilda í einkasafnið :-)
kv Ofsi


Til baka á “Jeppar”

Tengdir notendur

Notendur á þessu spjallborði: Engir skráðir notendur og 10 gestir