Hið íslenska jeppaspjall

Sælir spjallverjar og höfðingjar.

Nú er ég búinn að fjárfesta mér í öðrum jeppa og ætla því að selja Pajeroinn minn sem hefur því miður séð betri tíma en er samt alveg frábær bíll og hefur staðið sig vel hjá mér.

Um er að ræða 1995 2,8 diesel bíl, sjálfskiptur og 4x4

Keyrður ca 576.000 km, langmest í langkeyrslu og mótor, skipting og drif alveg ótrúlega þétt!
Bíllinn er grár á litinn og boddý er ansi heilt, mest ber á ryðblettum á toppnum og í kringum hliðarrúður sem eru auðvitað þessir helstu staðir.

Gallar við bílinn eru þónokkrir en hægt er að bjarga honum með smá lagni og gera þennan bíl að toppgræju enda hefur hann fengið toppviðhald!

2x rifur eru í grindinni, önnur þeirra er fyrir innan afturdekk farþegamegin, dekkið fer af og rifan blasir við svo að auðvelt er að komast að henni til að laga. Hin rifan er undir honum miðjum bílstjóramegin, aftur auðvelt að komast að og þarf bara rétt að kíkja undir til að sjá hana og komast að. Ég hef það frá vönum mönnum að það sé ekki mikið mál að sjóða í þetta og laga.

Púst er farið í sundur bakvið aftasta kút. Eflaust einn af betri stöðum til að fara í sundur þar sem að það eru ekki læti og hamagangur sem fylgir og amk hægt að tala saman inni í bílnum!

eitt stk spindilkúla að framan er illa farin og þarf að skipta um, og ein öxulhosa rifin.

Startarinn gaf endanlega upp öndina um daginn svo að hann vill ekki fara í gang. Síðasta sumar var keyptur nýr pungur á startarann og skipt um en stór mistök voru að taka ekki upp restina af honum. Bíllinn rauk í gang þegar búið var að skipta um punginn og er alltaf snöggur í gang! Hefur verið svolítið tregur að komast á góðan snúning fyrst um sinn í kuldanum í vetur, en hef yfirleitt leyft honum að ganga í smástund áður en keyrt er af stað og ekki til vesen á honum þá!

svo eru balancestangarendar farnir að framan.

Annars er allur búnaður í bílnum sem er í lagi, Cruise Control, rafdrifnar rúður og allt helsta rafmagn er í góðu standi. Miðstöðvarmótor stoppaði um daginn en eftir að hafa smurt mótor vel blæs hann eins og enginn sé morgundagurinn og hitar vel! Miðstöð afturí virkar virkilega vel líka.

Bíllinn er á frekar lítið keyrðum 31" dekkjum á 15" felgum. Dekk eru míkróskorin og mjög góð, voru keyrð einhverja 2 - 4000 km þegar ég kaupi þau síðasta sumar, og bíllinn er búinn að vera frábær í vetur á þeim!

Skipt um alla bremsuklossa síðasta sumar og dæla öðru megin að aftan tekin upp og löguð og nýr bremsuvökvi settur á.

Ég fór á honum hringinn síðasta sumar með drekkhlaðinn bíl og fellihýsi í eftirdragi og hann var ótrúlega góður og mjúkur á þjóðveginum og sló ekki feilpúst.

Siðasta sumar voru svo keyptir hátalarar í bílinn, 17 cm Alpine í hurðarnar frammí og 6x9 Alpine í skottið og öll vinna unnin hjá Nesradíó


Ég ætla að selja bílinn í þessu standi, með endurskoðum 11 síðan í fyrra, en ég mun borga sektina sem er komin á hann og bifreiðagjöld allavega mestan part tímabilsins!

Ætla að setja 150.000 á hann eins og hann er en er mjög opinn fyrir tilboðum og jafnvel einhverju gramsi! Skoða sérstaklega skipti á 35" dekkjum og loftdælum og skoða öll peningatilboð!

Emil Þ.

S: 846-8798

skellið einhverjum tilboðum á mig, 150 er alls ekki fast verð!

Hér eru einhverjar myndir!

hvar er hægt að skoða pajeroinn

Jæja, þessi eðalvagn fær að kveðja þennan heim í næstu viku. Ætla að rífa hitt og þetta úr honum, hátalara, dekk og felgur og jafnvel sætin, en ef einhver vill kaupa rest þá bara senda tilboð, hlusta á öll boð frá 25.000, vél og skipting eru í flottu standi fyrir utan að startari er farinn í honum, og bæði drif svínvirka, millikassi og læsing svo að hann ætti að nýtast í einhverja varahluti greyið!

Ef einhver hefur áhuga á að fá þennan dýrgrip fyrir 25.000 eða meira má senda mér skilaboð hér eða í S: 846-8798 en þá bið ég þann sem kaupir að sækja bílinn sjálfur þar sem ekki er hægt að keyra hann. Get lánað dekkjabúnaðinn undir honum til að flytja hann en gegn því að fá þau aftur nema auðvitað að kaupanda vanti mjög góð 31" dekk á felgum, þá eru þau föl á réttu verði.