Hið íslenska jeppaspjall

Jæja, þá er rjúpnatímabilið búið og mig vantar fjölskylduvænni bíl. Um ræðir þennan forláta 36" breytta Terrano, hann er ekinn 254 þúsund í dag og er beinskiptur. Í bílnum er reimdrifin loftdæla tengd inná loftkút, hann er með tregðulás að aftan og búið er að lækka hlutföllin í honum. Hann er á fínum 36" Ground Hawg og er hörkuduglegur í snjó og eyðslan kemur á óvart. Hann er kominn með kastara síðan þessar myndir voru teknar. Bíllinn er ekki gallalaus, komið ryð í sílsa og þarf að laga gormaskálina öðrumegin að aftan. Skoðaður 15. Er helst að leita að skiptum á lítið/óbreyttum Terrano eða Patrol en skoða allt! Ásett verð er 500 þúsund. Upplýsingar í síma 865-6783.

Hvernig í andskotanum snýr maður myndunum rétt þegar þetta er tekið á síma?

Þú verður að snúa þeim í símanum og vista svo. En ekki bara snúa símanum. Það er líka ágætt að skoða auglýsinguna áður en maður sendir hana frá sér.

Var búinn að senda myndirnar úr símanum yfir í tölvuna og gat ekki með nokkru mótu snúið þeim eftir það… svo þetta neyðist til að vera svona að svo stöddu.

Ef þú vistar myndirnar í tölvunni, þá á að vera hægt að snúa þeim í t.d. windows photo wiewer. Þarft að opna þær í sér glugga fyrst og vista þær undir einhverri skrá sem þú opnar svo sér aftur.

Flottur jeppi er þetta ryðskemmd á gormaturninum að aftan?

Þakka þér kærlega fyrir þetta. Já, þetta er ryðskemmd og væri heldur ekki verra að laga grindina í kringum gormaskálina ef vel ætti að vera.