Hið íslenska jeppaspjall

Daginn!

Hverjir hér hafa farið í gegnum það ferli að smíða kerru og fá hana skráða? Er bjúrókratían í kringum það algjör hryllingur?

Er það nokkuð mál ef heildarþyngdin er undir 750 Kg?

Ef þú ætlar að láta kerruna verða þyngri þá ertu komin í Eftirvagn II og þá þarf gerðaviðurkenningu (sjá reglugerð um gerð og búnað ökutækja);

03.50 Eftirvagn.

(1) Með eftirvagni II, III og IV skal fylgja teikning af ökutækinu með öllum aðalmálum.

(2) Með eftirvagni II, III og IV skal fylgja kerfismynd af hemlakerfi.

06.52 Eftirvagn II.

(1) Aksturshemill tengivagns eða hengivagns skal vera ýtihemill, rafhemill eða af samtengdri gerð. Önnur gerð af aksturshemli getur þó verið heimiluð að undangenginni úttekt Umferðarstofu. Ákvæði 1. málsl. gilda ekki um eftirvagn sem gerður er fyrir 30 km/klst. eða minni hámarkshraða. Á skráningarskyldum eftirvagni sem gerður er fyrir 30 km/klst. eða minni hámarkshraða skal þó ekki gera kröfu um stöðuhemil ef vagninn er búinn a.m.k. tveimur stöðufleygum til að setja við hjólin þegar hann er í halla og frátengdur dráttartækinu.

Sjá líka hérna, gæti þó eitthvað hafa breyst á 12 árum;
http://www.jeppaspjall.is/viewtopic.php?t=2174

Ég athugaði einu sinni hvort ekki væri hægt að skrá kerru með heildarþyngd undir 750 kg.
Það er ekki gert ráð fyrir því í umferðarlögum eða tollalögum að það sé hægt að skrá þær.
Ef kerran/vagninn er aftur á móti yfir 750 kg, vísast í það sem jongud segir hér að ofan

Kv. Steinmar

Móttekið, takk fyrir þetta.

Þannig að í stuttu máli, það má smíða sér litla kerru og brúka "innanbæjar" á undir 60 kmh/klst. Það þarf ekki að stimpla né skrá eitt né neitt.

Ekki satt?

Járni wrote:Móttekið, takk fyrir þetta.

Þannig að í stuttu máli, það má smíða sér litla kerru og brúka "innanbæjar" á undir 60 kmh/klst. Það þarf ekki að stimpla né skrá eitt né neitt.

Ekki satt?

Bingó.... eða allavega enþá það.stóð einhvertíman til að skrá þær en það er ekki komið í gagnið ....

Súper, takk

Hægan, hægan... :)
Mikil breyting var gerð á umferðarlögum um áramótin fyrir að mig minnir tæpum tveimur árum. Þar var þetta mishraðaákvæði fellt út og nú meiga öll ökutæki aka jafn hratt, líka bílar með kerrur, skráðar og óskráðar, 90km/klst.
Þetta er að vísu sett fram með þeim fyrirvara að ég nennti ekki að undirbúa þennan póst á þann hátt að fletta í gegnum reglugerðir til að vera 100% viss um mitt mál en ég er svona næstum alveg viss um að ég fari með rétt mál.
Kannski nennir einhver að fletta þessu upp? :)

Já rétt hjá þér nafni EN enþá mér vitandi er þetta ekki orðið virkt þar þar sem samgöngustofa er ekki klár í verkefnið að skrá kerrur þrátt fyrir lagabreytingar

Þú mátt keyra á hæsta leyfilega hraða með skráðar og óskráðar kerrur.

Kv. Steinmar