Hið íslenska jeppaspjall

JÆJA

þar kom að því loksins að ég kæmist inn að gera smá meira fyrir hjólhýsið....

snéri því á hvolf og setti í það álbotnplöturnar. Svo verður settur korkur sem einangrun og krossviður ofaná. Allt límt með Wurth límkítti... vonandi er það nógu sterkt.

komið á hvolf


skera og máta eina plötu


allar komnar í og kíttaðar fastar! nú bara að fara í hjólboga...


þar til næst...

Ekki eru þær bara kíttaðar fastar?

jeepson wrote:Ekki eru þær bara kíttaðar fastar?

Veistu hvernig hliðarnar eru festar á margar rúturnar? :)

elliofur wrote:

jeepson wrote:Ekki eru þær bara kíttaðar fastar?

Veistu hvernig hliðarnar eru festar á margar rúturnar? :)

Nei ég hef ekkert pælt í því. Hef séð á sumum að þær eru draghnoðaðar.

það sagði mér bifreiðasmiður að einu ástæðurnar fyrir draghnoðum væru til að halda plötuni að meðan kíttið þornar. :)

ég fer eftir hans ráðum og ef þetta klikkar, þá læt ég hann laga skemmdirnar hehe.

það fóru 4 túpur bara í að setja þessar botnplötur á, svo ég held að það sé allavega nóg kítti í þessu.

Hvað er að frétta af þessu verkefni hjá þér Lalli?

þetta mallar hægt og rólega. mjöööög hægt og rólega :)

fékk þó að fara inn í dag hjá félaga og skella hjólaskálum í dýrið


öxul troðið aftur á sinn stað


Hjólaskálar reddí! bara eftir að leyfa kíttinu að þorna almennilega :)


á morgun verður því snúið við aftur og sett endanlega í hjólin held ég... svo verður botninn kláraður fljótlega.

Þetta verður komið út í bissness hjá þér á næsta ári..

Að fenginni reynslu, settu draghnoð með allavega í hjólskálarnar. Ég myndi sjálfur setja dragnhoð í allan botninn. Kv. Steindór T. Halldórsson

ekkert annað en flott hjá þér :)

takktakk, :) það verður gaman að sjá hvernig þetta kemur út endanlega. Snéri grindinni við áðan og kom henni aftur í geymslu þar til ég fæ næst tækifæri til að dytta að þessu.. þá verður botninn kláraður alveg, einangrun sett í og timburbotninn.

steindór, gætirðu útskýrt reynsluna? ég myndi líka setja draghnoð í þetta en ég er með bifreiðasmið með mér sem fullyrðir að kíttið sé nóg... svo ég ætla að prófa, hann fær að laga þetta á sinn kostnað ef kíttið heldur ekki :)

skil ekki hvernig það getur verið verra að hnoða þetta líka, það tekur ekki langan tíma :)

Það er als ekki vitlaust að hnoða þetta. Ég hefði skrúfað þetta saman. En auðvitað er það undir polarbear komið hvernig hann vil hafa þetta. :) En þetta verður engu að síður flott. Greinilega lagt mikið í þetta enda væntalega ætlað í að þola hnjaskið sem fylgir því að ferðast á hálendinu :)

Ég hef bara orðið fyrir því að (og reyndar séð það líka) að plötur sem maður hefur kíttað fastar hafa losnað eftir nokkur ár.Í botninum á húsbílnum sem ég byggði yfir losnaði upp en ég gat komið kítti aftur á bak við og hnoðað þar fast. Í hjólskálunum sauð ég allt þannig að það hefur haldið. Gott er líka að matta þann flöt sem maður ætlar að kítta þá heldur það betur. Hvarnig ætlar þú að hafa hornin hjá þér?. Veit ekki hvort þessi mynd er sýnileg en svona eru hornin á húsbílnum, ég skrúfaði allan hringinn og límdi svo hornin yfir (þetta er allt úr trefjaplasti). Þetta verður örugglega flott hjá þér.

Ein hugmynd...
Þar sem þetta skiptist ekki niður á blaðsíður á þessu spjallborði væri þá ekki ráð að búa til nýjan þráð, " Project "Háfjallahjólhýsi" 2 " og í fyrsta pósti væri vísað í þennan þráð... Bara svona hugdetta því þessi er orðinn nokkrar sec að lóda sér :)

Steindór, hornin hjá mér verða eins, nema þetta verða Vinkil-ál en ekki svona horn því mitt hús er náttúrulega allt úr prófílum eða u-skúffum.

það getur vel verið að ég stelist til að setja nokkur hnoð í hverja plötu þrátt fyrir vin minn, bílasmiðinn, sérstaklega í hjólaskálarnar. takk fyrir ábendingarnar með það. ég vill frekar hafa þetta of sterkt en ekki nógu sterkt...

Elliofur, það er svo stutt í yfirbyggingarhlutann að ég hugsa að ég skipti þessu þar, nema stjórnendurnir hérna sjái að sér, taki mark á notendum og fari að láta þræðina skipta sér á 15.-20. hverja innleggi eða svo :)

Það eru flestar rútur klæddar með þessari aðferð (límkítti í stað þess að hnoða) í dag og þær eru yfirleitt ekkert að detta í sundur.

Og það er búið að biðja um skiptingu á þráðum og það var ekkert illa tekið í það, hugsa að það sé bara spurning um tíma.

Er ekki smá munur á malbiksrútum og HÁFJALLAHJÓLHÝSI ;) betra að hafa þetta þétt en að þurfa hnoða þetta á Sprengisandi?

birgthor wrote:Er ekki smá munur á malbiksrútum og HÁFJALLAHJÓLHÝSI ;) betra að hafa þetta þétt en að þurfa hnoða þetta á Sprengisandi?

Þetta gildir líka um fjallarútur (grindarbíla). Bíllinn sem ég keyrði í mörg ár var grindarbíll og klæddur með þessari aðferð, ég fór á honum fleiri ferðir yfir Sprengisand (og aðra fjallvegi) heldur en ég hef tölu á og ég varð ekki var við að klæðningin væri að losna.

Nú okey, maður hefur einhvernegin bara aldrei trúað á kítti eitt og sér. En það væri spurning um að prófa það og sjá hvað gerist.

Þetta er aðalega spurning um undirvinnuna fyrir kítti, fituhreynsun er bráðnauðsynlegt, og möttun hjálpar líka( gengur alltaf illa að líma gler saman), og svo er jafnvel spurning um ætigrunn.
Það hlítur að ganga jafn illa að líma á ný-galvaða hluti eins og að mála þá ?

Mín reynsla er að undirvinnnan skitpir meira máli en nafnið á kíttinu., þó tek ég sikaflex fram yfir soudaflex og svo er wurth nær sikaflexinu en soudaflex.

wurth selur einnig grunn undir kitti eg hef notað hann svolitið þa er galvaneseringinn aðeins möttuð og svo er þessi grunnur borin
á !

Það er best ef hægt er að sleppa við hnoðin sérstaklega þar sem þetta er járn grind og ál klæðning. Álið tærist hratt þegar það er í beinni snertingu við járnið sem getur orðið til þess að raki og súrefni kemst að járninu (í þessu tilfelli gatinu sem ætlað var hnoðinu) það fer að riðga og platan losnar. Ef undirvinnan undir kíttið er ekki gerð með rassgatinu þá er varanlegri lausn að kítta heldur en hnoða.
Kv. Þorri

eins og þú veist þorri þá geri ég allt með rassgatinu :) en ég reyndi þó að þrífa þetta með þynni áður en ég límdi. vonandi dugar það.

Eru ekki flestöll hnoð með "kápuna" úr áli? Hefði þá haldið að plöturnar yrðu ekki í beinu sambandi við grindina. Eina sem maður sér athugavert við að hnoða er það að boruð göt í grindina, eftir að búið er að galvanisera hana myndi hleipa af stað ryðmyndun eins og búið var að minnast á. Svo má nú minnast á að vörur frá Wurth eru flestallar anskoti vel gerðar til sinna verka og hlýtur þetta kítti frá þeim að halda andskoti vel.
En talandi um hjólhýsið sjálft. Mikið rosalega koma innri hjólaskálabogarnir innarlega, og hátt líka. Dekkin eru soldið langt frá þessum bogum (utarlega miðað við innri bogana) og virðst ætla að verða þröngt um mann þarna á milli hjólaskálanna. Nema þá að þú ætlir Þér að setja svefnplássið alla leið þarna ofaná.
Kv. Haffi

Lalli minn ég efast ekki um að þú fitu hreinsir þetta þokkalega enda ekki freistandi tilhugsun að fara að dreyfa álplötum í kringum sig á 90 kmh.
En farðu að drulluast til að klára þetta þessi þráður er að verða kominn á ellilífeyri:-)

ég er bara rétt að byrja!! takmarkið er að koma þessu í allavega 500 pósta :)

haffi, "rúmið" fer ofaná hjólaskálarnar. þær eru samt alltof breiðar, og ég mun m.a. breyta þessu í næsta húsi sem ég smíða (hóst)

sæll.
var að skoða teikninguna af þessu hjá þér:


afhverju hefurðu ekki u-bekk frekar sem hægt er að lækka í rúmm?

andrig wrote:sæll.
var að skoða teikninguna af þessu hjá þér:


afhverju hefurðu ekki u-bekk frekar sem hægt er að lækka í rúmm?

það er nú einmitt það sem ég ætla að gera... ég er nú reyndar ekki búinn að ákveða hvort þetta verður u-bekkur eða plata sem maður lyftir upp og niður og maður situr bara sitthvoru megin við, en þetta verður borð og bekkir á daginn og rúm á nóttuni.

ég er bara ekki nógu góður í Sketchup til að teikna það inná :)

jæja.. smátt og smátt hefst þetta. setti einangrun og gólf í grindina í dag...

einangrun skorin í


búinn að koma einangrun fyrir


tréplöturnar komnar á sinn stað, kíttaðar til helvítis :)


þar til næst... :)

tilbúið undir tréverk :) styttist í fokheldisvottorðið...



meira síðar

Þetta er glæsilegt :)

Gaman af þessu :)

Hvaða einangrun ertu að nota þarna í golfið? og afhverju hana ? :D

Maður bíður spenntur eftir útkomunni, hvað heldurðu að þetta verði þungt?

já maður er að verða spenntur sjálfur :)

Lindi, þetta er nú bara 50 mm einangrunarplast. Ég ákvað að nota það af því að það er rúmlega 60% léttara en samsvarandi magn af þéttull sem ég hefði annars notað. ég læt þyngdina ráða..... þetta einangrar ekki alveg eins vel en verður allt í lagi held ég.

jæja. það fóru nokkur tonn af kítti og örfáar timburflísar í færanlega raðhúsið mitt um helgina :)

Hópur af vinum rottaði sig saman og fannst ég tala of mikið á netinu og vinna of lítið í húsinu. Við kláruðum semsagt að timburklæða grindina í dag, takk fyrir hjálpina strákar!


Verið að máta og kítta


Timburklæðning komin í allt nema framgafl... ég gleymdi að taka mynd af fulltimbruðu húsi, sorry.


meira síðar....

Þetta er nú að verða þræl huggulegt hjá þér :)

Hvað er kostnaðurinn kominn í??

Hvað verður hátt til lofts?