Hið íslenska jeppaspjall

Kvöldið.

Mig langar að frétta hjá ykkur hvað segja megi um þriðju kynslóð 4Runner? Skyldi til dæmis 3,4 V6 vera jafn arfavitlaus eins og vélin í fyrirrennaranum? Hvaða kram er í þessum bílum, kunnuglegur einfaldleiki eða rafstýrt húmbúkk? Mig dauðlangar í svona bíl, hvað segið þið um málið?

Kveðja góð,

Hjörleifur.

Sæll.

Þar sem ég er að selja svona bíl er ég talsvert hlutdrægur og þú verður þú bara að ráða hversu mikið mark þú tekur á mér.

Mér finnst þessi bíll algjör snilld og 3.4 vélin er mikið skemmtilegri en fyrir rennari hennar.
Hún er einhvern vegin mikið léttari í akstri og líður bíllinn átakalaust áfram. Í öllum venjulegum akstri er bíllinn mjög hljóðlátur, en svo þegar meira afls er þörf alveg öskrar hún áfram.
Kramið er í raun það sama og í LC 90 nema hvað 4Runnerinn er með hefðbundinn millikassa en ekki sídrif eins og LC90.
Þetta er til þess að gera einfaldur bíll þó auðvitað sé eitthvað um tölvustýringar í honum.
Hann hefur reynst mér vel þau ár sem ég hef átt hann.
Þú getur bara bjallað í mig ef þig langar að fræðast meira um þessa vagna.

Kv. Smári.
S:896-7719

Sæll.

Hefur þú mælt eldsneytisbrúkun bifreiðarinnar? 17 mpg average segja hinar ýmsu síður erlendar, held að það geti bara ekki staðist..

H

Hef mælt hann niður í 12 lítra á hundraði í langkeyrslu. En hann sveiflast talsvert eftir aksturslagi eins og allir bensínbílar með stærri vélar. Miðað við mitt aksturslag held ég að 14-15 lítrar á hundraði sé nærri lagi.
17 mpg er nálægt 14 lítrum held ég.

Kv. Smári