Hið íslenska jeppaspjall

Þú verður bara sterkari með tuskuna í dælunni, mundi troða henni í aftur.

Ég kalla þig bara góðan að finna þetta, veita því athygli að skoða þetta í staðinn fyrir að henda henni út í horn og troða næstu í :)

Það hefur ekki mikið myndrænt gerst síðustu daga, en ég mixaði einn hátalara í bílinn í dag, rétt til að gera eitthvað, átti til gamla alpine hátalara sem eru 75 wött í stað orginal 15 wattana.





Svo fór ég og náði mér í nokkra bjóra fyrir helgina:

Ein spurning sem ég gleymdi, er nokkuð stórmál að færa snúningshraðamælinn úr Volvo mælaborðinu yfir í hilux mælaborðið til að fá réttan mæli?

Cruise controlið er seinni tíma vandamál, ég set hugsanlega abs hring á tengið milli gírkassana til að fá það virkt á minni hraða

Ein pæling nú ertu með 2 svinghjól .. hefuru ekki áhyggjur um að mótorinn verði latur upp á snúning vegna þyngdar aukningunar á því ?
bara smá pæling ?

Kv Hlynur

Það er "lítið mál" að mixa mæla í mælaborðið, ég gerði þetta hjá mér, setti snúningsmælinn úr terrano í hilux mælaborðið hjá mér, en þú getur notað hvaða aftermarket snúningsmæli sem er ef volvo mælirinn passar ekki nógu vel, notar bara mínus merkið af kveikju.
Þú sérð mitt snúninsmælamix í hilux þræðinum mínum.

Þetta er fáránlega vel útpæld stærð af kerru

Járni wrote:Þetta er fáránlega vel útpæld stærð af kerru

Ég þarf klárlega að koma mér upp svona kerru!!

kv Tolli

Hlynurh wrote:Ein pæling nú ertu með 2 svinghjól .. hefuru ekki áhyggjur um að mótorinn verði latur upp á snúning vegna þyngdar aukningunar á því ?
bara smá pæling ?

Kv Hlynur

Ég er ekki með 2 svinghjól, ég er með orginal hilux svinghjól og flexplötu úr volvo, samanlegt er þetta 4-5 kg léttara en volvo svinghjól væri í beinskiptum bíl.

Eins og staðan er núna eftir að hafa prófað bílinn er ég að pæla í að renna mér 20-25mm þykka stálplötu í staðin fyrir flexplötuna til að þyngja svinghjólið, bíllinn er erfiður af stað sem gæti orðið vandamál í hjakki.

Jæja, ég náði pínu að kíkja á þetta um helgina, það hefur ekki mikið gerst svosem, ég er aðallega búinn að horfa á rafkerfið og pæla hvernig er best að ganga frá því og vinna í að færa Volvo snúningshraðamælinn yfir í Hilux mælaborðið. Merkilegt nokk að þau eru frá sama framleiðanda í Japan.

Nokkrar myndir af mælaborðinu:





Það er smá frágangur eftir á bakvið skífuna og svo á ég eftir að ákveða hvernig ég fer að því að lýsa hana upp, en mér finnst þetta allavega soldið kúl sem komið er

Haha geggjað framúrstefnulegt!

þetta er drullu flott þú ættir að fara sömu leið með hraðamælirinn finnst mér kv Heiðar Brodda

Menn bara að missa sig í fablab

Jæja, það fóru allir að tuða um hraðamælinn, svo ég gerði hann líka
Sáttir?

Neineinei, maður skiptir ekki út góðri mælieiningu fyrir eitthvert seinni tíma franskt drasl...!!

Annars er þetta mjög flott og vönduð vinnubrögð. Væri bara enn flottara með mílum!

sniðugt að hafa boost mælirinn inní snúningsmælinum.

Hrikalega vandað hjá þér.

Thumbs up.

Hér er lítið að frétta þar sem ég er á sjónum, en ég er þó búinn að smíða þyngingu á svinghjólið, ég renndi til 25mm plötu, sem kemur í stað 2ja millileggja og einnar flexplötu. Ég renndi spor fyrir startkransinn og tók hann af annari flexplötu sem ég átti, hitaði hann og renndi uppa, pikkfast þegar hann kólnaði enga var hann 0,4mm minni en storið sem ég renndi í plötuna.

Samkvæmt útreikningum var platan 15 kg þegar ég byrjaði að renna, ég vigtaði hana 9,5 kg þegar ég var búinn, ég áætla að heildarpakkinn á bæði svinghjóli og milliplötu sé milli 19 og 20 kg með startkrönsum.
Vélin verður væntanlega svolítið viðbragðs sein en mér ætti að ganga betur í hjakkinu og að halda toginu upp brekkur

Ég set inn myndir af stykkinu þegar ég kem í land í febrúar

Skemmtilegur þráður, ég fylgist vel með :)

Nú er pínu hreyfing hér, ég reif vélina úr, vonandi í síðasta skiptið til að koma svinghjóls þyngingunni fyrir. Ég taldi að ég ætti fleiri myndir að þyngingunni en ég hef greinilega gleymt að bjarga þeim myndum áður en skipið var selt :(

En allavega þá eru hérna myndir af öllum spæninum sem kom við smíðina og svo ein skyndimynd af hjólinu við samsetningu, ég glundraði þessu lakki bara á til að loka efninu, það var ennþá blautt þegar ég setti saman.

Næst á dagskrá er að klára að koma vélinni aftur ofan í, ryðbæta hurðarnar, og smíða framstuðara, en hann verður að öllum líkindum gerður úr stálplötu, hönnun á honum er í bullandi gangi í kollinum ;)

Þá er aðeins að hægjast á, ég var að eignast strák og hef lítið sem ekkert getað sinnt verkefninu í 3 vikur

En vélin er kominn ofan í, tengd og nokkurnvegin frágengin ég á bara eftir að ganga frá tengingum á loftdælu

Aukarafkerfi sem ég keypti af Ella er að komast á sinn stað
Annars bíð ég bara eftir að fá félaga minn með mér í að búa til áfellur á hurðarnar svo ég geti skorið burt krabbameinið og málað þær.

Ég boraði óvart í díóðu í snúningshraðamælinum þegar ég var að koma baklýsingu fyrir í mælaborðinu, þetta var ekki tilí íhlutum og fann þetta hvergi á skikkanlegu verði nema á Aliexpress, en sendingin virðist ætla að taka andskotanum lengri tíma. Svo ég er stopp með mælaborðið. Ég á smá frágang eftir á rafkerfinu í kringum stýringarnar og svo hurðarnar, að öðru leiti er ég tilbúinn í skoðun

Til hamingju með erfingjann þetta er greinilega allt að koma verður gaman að sjá hvernig svona kynbætt toya kemur út í snjónum.

Ég vann aðeins í hurðunum í dag, ég fékk góðan félaga minn til að búa til áfellur með mér til að sjóða neðan á hurðarnar.

Planið er að punkta þær á á nokkrum stöðum og lóða svo restina af sárinu saman

Eru þetta Finder relay sem eru í aukarafkerfinu?

Áhugaverðar lagfæringar á hurðum.
Þarf að fara í svona aðgerð.
Er planið að skara þetta eitthvað eða skeyta þessu bara slétt saman?
Slaglóð eða eitthvað annað? Ég er forvitinn.....búinn að vera að velta svona lóð-fyllingum fyrir mér vegna þess hversu óspennandi heilsuða er og sparsl ennþá verra...

kv
G

Stebbi wrote:Eru þetta Finder relay sem eru í aukarafkerfinu?

Já þetta eru Finder (þurfti að hlaupa út og athuga) Elmar (Elliofur) seldi mér þetta kerfi fyrir nokkru síðan úr bíl sem hann reif.

grimur wrote:Áhugaverðar lagfæringar á hurðum.
Þarf að fara í svona aðgerð.
Er planið að skara þetta eitthvað eða skeyta þessu bara slétt saman?
Slaglóð eða eitthvað annað? Ég er forvitinn.....búinn að vera að velta svona lóð-fyllingum fyrir mér vegna þess hversu óspennandi heilsuða er og sparsl ennþá verra...

kv
G

Ég ætlaði bara að skeyta þetta slétt og punkta vel með 15-20cm millibili. svo verður þetta bara klárað með tini og góðum lóðbolta. ég lagaði skemmd í Benz sem ég átti þannig, reyndar var það gat ekki nema u.þ.b. 8x3cm á stærð en þar notaði ég ekkert nema tin.

Undirvinnan skiptir miklu máli, það er engin leið að lóða í efni sem er sandblásið. það þarf að vera slípað eða fræst og helst meðhöndlað með saltsýru en hún aðveldar bindingu við efnið til muna

Sæll Addi létum laga hurðar á 6x6 Raminum eins viðgerð og þú ert að framkvæma áfellurnar voru límdar á með tveggja þátta Wurth lími. Settir voru tveiri suðu punktar til að halda þessu kveðja Guðni

sukkaturbo wrote:Sæll Addi létum laga hurðar á 6x6 Raminum eins viðgerð og þú ert að framkvæma áfellurnar voru límdar á með tveggja þátta Wurth lími. Settir voru tveiri suðu punktar til að halda þessu kveðja Guðni

Var þá sett brot í áfelluna til að skara hana saman við efnið í hurðinni og límt þar?

Mælaborðið er klárt, skífurnar eru ekki jafn svakalega bjartar og myndin gefur til kynna
Myndin er tekin á stofuborðinu með batterí tengd við díóðurnar

Ég er aðeins búinn að dunda í hurðunum, ég sandblés þær að neðan þegar ég var búinn að klippa burt ryðið. Á bert stálið var síðan borið Rustroy og þar yfir tveggja þátta epoxý grunnur. Yfir það var svo glundrað köldu asfalti (sjá mynd) og nýja áfellan sett yfir það.

Áfelluna punktaði ég bara á og lóðaði svo, að neðan var brotið bara klappað saman með hamri, ég er ekki alveg sáttur við hvernig þetta féll saman hjá mér, því verður reddað með sparsli, ég vanda mig meira við hina.....

Ég tók smá hring á bílnum á sunnudag, auka þyngingin á svinghjólinu svínvirkar, ég er mun sáttari við togið við samkúplun, það er orðið nokkuð nálægt því sem var með V6 vélinni

Flott hjá þér, svona á að fara að þessu.

mjog flott viðgerð ætla að kynna mer þettað einhvað nanar er orðin frekar þreyttur a að heilsjoða þettað drasl !

Takk fyrir að setja þetta inn, það er flott að hafa svona punkta hérna.
Er þetta ekki bara venjulegt rafgalvað 0.8mm eða álíka?

kv
G

1.0mm en jú bara blikk

Hvernig er það á ekkert að fara taka kaggann út úr skúrnum og baka kleinuhringi á einhverju bílastæðinu? Mér finnst svona verkefni verðskulda það að búa á Youtube líka.

Stebbi wrote:Hvernig er það á ekkert að fara taka kaggann út úr skúrnum og baka kleinuhringi á einhverju bílastæðinu? Mér finnst svona verkefni verðskulda það að búa á Youtube líka.

Þessi vél er ekkert kjarnorkuver þó það sé túrbína á henni ;)

En hérna er einn punktur fyrir þá sem þurfa að draga kapla gegnum gúmmí eða aðra staði sem eru stífir, Kartöflumjöl!
Rafvirki á Skagaströnd benti mér á þetta þegar ég var að draga netkapla í skipið, var alger snilld þar.
Ég prófaði þetta áðan við kapla sem ég var að draga í bílinn og voru alveg stopp í gúmmíinu, þeir nánast duttu í gegn þegar mjölið var komið á.

Þetta er soldið sóðalegt en samt talsvert skárra en bölvuð kapalfeitin sem er seld í svona bras

Ég hef notað silikonsprey í bílarafmagn, það skilur lítið eftir sig þegar það er gufað upp.

Flott trikk! En mig er farið að langa í einhver video líka :)

Ég hef ekki verið duglegur að taka myndir, en bíllinn er kominn á númer með fulla skoðun (mér til mikillar furðu)

Hann vinnur ekki minna að mínu mati en hann gerði með 3vze vélinni og ég á það inni að auka við boostið og skipta um túrbínu, en mér skilst að orginal túrbínan í þessari árgerð af volvo sé sú alömurlegasta sem komu á 2,3 túrbó vélunum frá þeim. Ég á aðra uppí hillu sem stendur til að koma í og á hún bæði að koma fyrr inn og vinna lengra upp.

Ég reyni að græja akstursvideó á næstunni

En hér er mynd af takkaborðinu fyrir aukarafmagnið

Nú væri gott ef ég ætti aukakerfið ennþá, en ég smíða mér bara nýtt :) Flott skipulag hjá þér, ég fer í svipað.