Toyota Hilux mengaður með Nissan TD27eti

[Hfsd037]

Glæsilegt !

[StefánDal]

Snilld! Hlakka til að skoða þetta hjá þér:)

[-Hjalti-]

Ánægðu með þið Elli

[birgthor]

Sæll Elli, þetta lúkkar mjög flott.

Í sambandi við "milli gólfið" hjá þér, er það ekki bara feikna styrkur. Er ekki bara málið skella 2 vel stórum götum í og halda þessu. Þá er hitaleiðning og ummskipti olíunar kannski betri.

Afsakaðu hvað þetta eru opin rök :)

[ellisnorra]

Það getur verið Biggi að það sé bara ráð að gera ca tvö dugleg göt á þetta.

Næst er bara að smella gírkassanum við og koma þessu fallega fyrir :)

[Svenni30]

Glæsilegt Elli

[Startarinn]

Þetta er flott smíði hjá þér, snyrtilegt

Varðandi milligólfið, þá myndi ég bara hafa það svona, þetta er eins og það er orginal, flestar pönnur sem ég hef séð eru lokaðar nema bara smá gat fyrir sogrörið með grófsíu frá olíudælu. Það hlýtur að vera einhver ástæða fyrir að vélaframleiðendur hafa þetta svona þó ég geri mér ekki grein fyrir því hver þau rök eru.

En hvað fara eiginlega margir lítrar af olíu á vélina með þessari pönnu?
Hún lítur út fyrir að vera talsvert mikið stærri

[ellisnorra]

Það fara um 6 lítrar í hana svona. Mælt með 2l coke flösku og vatni :)

[66 Bronco]

Elli..

Þú ert dásamlega klikkaður. Haltu því áfram.

Hjölli,

[ellisnorra]

Lengjan á leið ofaní.


Nákvæmlega þarna verður hún.


Ég þarf örlítið að merja botninn um 1-2cm þarna og á tveimur öðrum stöðum til að gera clearance fyrir kassana. Þetta slakast svo örlítið niður líka.


Þetta fer nokkuð vel þarna.


Sirka í beinni línu viið framskaftið, ég held að plássið sé alveg nóg.


Kemur bara vel út.


Er byrjaður að græja mótorfestingar, þarna sést líka að ágætis frírými er fyrir framköggulinn.


Að gefnu tilefni þá ætla ég líka að taka fram að þegar ég var í pönnusmíðinni þá var þetta annar mótor, úrbræddur, sem ég notaði sem plan undir pönnuna til að hún skekktist ekki þegar ég var að sjóða. :)
Svo þakka ég góð komment :)

[ellisnorra]

Hjalti, hvernig tengdir þú hraðamælinn saman við patrol dótið? Ertu með barkamæli eða rafmagns?

[-Hjalti-]

Hjalti, hvernig tengdir þú hraðamælinn saman við patrol dótið? Ertu með barkamæli eða rafmagns?

Ég er með barka. Ég tók nissan rafmagns unitið í burtu og þá gat ég skrúfað barkan beint á HraðaTeljarann á millikassanum. Semsagt ef það er barki í bilnum þá passar hann milli tegunda Og sýnir c.a.réttan hraða.

[ellisnorra]

Hjalti, hvernig tengdir þú hraðamælinn saman við patrol dótið? Ertu með barkamæli eða rafmagns?

Ég er með barka. Ég tók nissan rafmagns unitið í burtu og þá gat ég skrúfað barkan beint á HraðaTeljarann á millikassanum. Semsagt ef það er barki í bilnum þá passar hann milli tegunda Og sýnir c.a.réttan hraða.

Frábært! Einu vandamálinu færra :)

[-Hjalti-]

Hvernig ætlar þú að hafa handbremsuna?

Gastu haldið orginal handbremsuunitinu á grindini áfram eða þurftiru að fjarlægja það og ætlar ad nota Patrol handbremsuna?

[ellisnorra]

Original handbremsudótið er ekkert fyrir mér, ég var að spá í að hafa tvær handbremsur ef ég kem nýju handfangi einhverstaðar fyrir :)
Original bremsan virkar ekki í frosti, það er vatn inní börkunum hjá mér þannig að það er alltaf frosið fast á veturna. Einhverntíman var ég búinn að reyna að laga það, þurrka og troða olíu inní en með takmörkuðum árangri. Ekki hefur mér dottið til hugar að kaupa nýja barka, enda er það eitthvað sem ég geri ekki nema í brýnni neyð eða með rekstarhluti eins og olíur, síur, bremsuborða og þessháttar :)

[ellisnorra]

Þarna er mótorinn lentur og fastur


Gírkassabiti


Festingar á gírkassa


Gírstöngin kemur á fínum stað, þó hún sé uþb 10cm aftar en original


Þarna er ég búinn að taka gormana úr og hann situr alveg á samsláttarpúðunum. Plássið sleppur alveg, örlítill séns á að þurfa að hækka hann á samslætti til að sleppa við kúplingsþrælinn, kemur í ljós þegar ég eignas svoleiðins fyrirbæri :)


Þarf örlítið að taka meira úr pönnunni, gerði nú alveg ráð fyrir að vera ekki alveg búinn í pönnuframkvæmdum og mjög sáttur við hvað þarf lítið að breyta meira :)


Nú óska ég eftir tveimur hlutum til kaups, annars vegar gírstöng úr nissan patrol y60 sem ekki er með jafn miklu hlaupi í eins og mín stöng og svo vantar mig líka kúplingsþræl úr nissan terrano, ég hef ekki hugmynd hvort það passi úr patrol í þessi göt á terrano kúplingshúsinu...

Nú fer ég á 3 næturvaktir í blessuðu álverinu og fer aftur í skúrinn á þriðjudaginn :)

[jeepson]

Þetta er að verða ansi verklegt hjá þér Elli :)

[ellisnorra]

Þetta er að verða ansi verklegt hjá þér Elli :)

Já þakka þér fyrir, þetta potast áfram. Ekkert svakalega langt þangað til maður getur farið að keyra :)

[-Hjalti-]

Gírstöngin kemur á fínum stað, þó hún sé uþb 10cm aftar en original

Flottur staður. Nú getur þú líka hætt að berja útvarpið

Afhverju notaru ekki bara Toyota þrælinn og breitir festingunum?
þykir ólíklegt að Terrano þrællinn virki við Toyota höfuðdæluna.
Patrol þrællinn gerir það allavega ekki.

[Svenni30]

Flottur. Keep up the good work

[ellisnorra]

Afhverju notaru ekki bara Toyota þrælinn og breitir festingunum?
þykir ólíklegt að Terrano þrællinn virki við Toyota höfuðdæluna.
Patrol þrællinn gerir það allavega ekki.

Mér datt það svosem í hug að smíða millistykki, bolt on er bara alltaf einfalast.
Afhverju virkar patrol þrællinn ekki við toyota höfuðdæluna? Er svona mikið stærri bor á patrol þræls-cylindernum?

[ellisnorra]

Smá dund undanfarna daga, búinn að rífa uppúr eftir mátið og þurfti aðeins að lagfæra pönnuna meira, búinn að græja smurolíu pickupinn og klára og fullsjóða mótorfestingar, búinn að setja kúplinguna í og slaka mótor aftur ofaní og athuga hvort einhverstaðar rekist í með því að taka gormana úr og láta hann liggja á samsláttarpúðunum. Það er ágætis pláss, vel puttafært milli pönnu og hásingar á fram-og-aftur veginn og meira á hæðina. Dásamlegt :)
Nú verður mótorinn bara ekkert tekinn uppúr aftur nema eitthvað komi uppá. Næst er að fara að leggja rafmagn og dót í kringum mótorinn ásamt drifsköftum. Þetta mjakast :)

[jeepson]

Flottur. Góðir hlutir gerast hægt :)

[Hlynurh]

Flott hjá kallinu

Kv Hlynur

[ellisnorra]

Breyttur olíupickup, logsauð hann saman til að vera 150% á að allt sé 100% :)


Svona endaði olíupannan að innan.


Að stinga sér í húddið!


A/C dælan komin á sinn stað


Intercooler lagnir að fæðast

[ellisnorra]

Þetta mjakast, pípulagnir komnar og fleira smálegt, festbrakkert fyrir hitt og þetta og fleira. Drifsköft, rafkerfi og púst er helst sem eftir er og svo smádót.

[ellisnorra]

Meganískri olíugjöf skipt út fyrir rafmagns


Mælaborðsbreytingar, snúningshraðamælir færður á milli mælaborða


Svoítið þurfti að breyta aftaná líka.. :)


Karl faðir minn græjaði afturskaftið, þá er bara eftir að þvæla honum í framskaftið :)


Víraflækja, samt ekki svo mikið


Helstu fréttir eru líka fyrir utan það sem sést á myndunum að það fór í gang hjá mér í dag! Gekk samt ekkert fallegan hægagang og leyfði ekki að reva uppfyrir ca 1000 snúninga, þá datt olíugjöfin út og vélarljósið kviknaði í mælaborðinu. Svo þegar ég sleppti olíugjöfinni þá slökknaði vélarljósið og leiðindagangurinn hélt áfram. Ég veit ekki nákvæmlega hvað veldur, á eftir að finna útúr því. Olíuverkið er splunkunýtt og aldrei verið keyrt eftir að það var sett í þannig að það er spurning hvort þetta er eitthvað stillingaratriði, en ég kemst að því síðar. Les troubleshoot eða tala við þá í BL, þar er einn sem ég hef verið í sambandi við útaf þessu og hefur reynst mér vel í þessu brölti.
Hugmyndir og speuleringar líka velkomnar og eftirsóttar, alltaf gaman að spekulera :)

Svo er eitt sem okkur þótti fyndið, afturskaftið úr patrolnum var hálffullt af pappa! Spurning hvað það á að þýða! :)

Það sem eftir er er að breyta kúplingsþrælnum, smíða púst, smíða framskaft og ganga frá snúrum og innréttingu ásamt smotteríi í húddi, rúðupissi og eitthvað svoleiðis. Þetta telur samt alltaf nokkra daga.

[ellisnorra]

Ég svara sjálfum mér bara, þetta er nú orðið hálfgert eintal hérna :)
Allar líkur eru á að rofinn á inngjafarpedalanum sé bilaður, eða öllu heldur tengið á honum. Það var pínu brotið og læsti sér ekki og sennilega hefur það runnið í sundur. Þetta er hægagangsrofi og tölvan fílar ekki að fá inngjöf en enga breytingu frá þessum rofa.
Það verður spennandi að komast í skúrinn og athuga hvort þetta sé rétt.

[Kiddi]

Pappinn í afturskaftinu er notaður til að koma í veg fyrir að drifskaptið fari að syngja.

[Startarinn]

Endilega haltu eintalinu áfram, ég fylgist alltaf spenntur með þó mér finnist ég ekki alltaf hafa eitthvað til málanna að leggja, það á örugglega við um fleiri.

Ég breytti 4runner skafti fyrir nokkrum árum, það var pappi inní því líka

[Baikal]

sæll.
Bara gammann að þessum póstum og vonandi lærir maður eh. um þetta nísan drasl á sjálfur svona fjós.
kv.
Jón Kristjánss
Sauðárkróki

[-Hjalti-]

Um að gera að skrifa allar pælingar , vandamál og lausnir inná vefin.
Góðar upplýsingar hjálpa alltaf til fyrir aðra sem eru að pæla í svipuðum hlutum.
menn geta þá gert sér grein fyrir því hversu auðvelt eða erfitt verk er framundan áður en það hefst handa.

[Valdi B]

vantar þér ennþðá kúplingsþrælinn ?

semsagt stikkið sem boltast á kassann vantar þér ekki greipina sem fer á kúplingspressuna líik ?


nenni ekki að rífa kassann úr fyrir þessa einu greip hehe :D

[ellisnorra]

Í dag komst ég í skúrinn til að athuga með þetta inngjafarvandamál. Það stóð heima, rofinn hafði tjónast örlítið og þegar ég náði að laga hann þá var allt dásamlegt, nú rýkur hann í gang og gengur flott og rýkur upp í snúning eins og á að gerast. Ég verð í fríi í næstu viku og þá er nú líklegt að ég nái að hreyfa hann eitthvað. Ég er farinn að sjá fyrir endann á þessu :)

Valdi ég hugsa að ég noti toyota þrælinn, það er bara spuring um að breyta festingunum. Takk fyrir boðið.

[ellisnorra]

Ef einhver ætti handa mér gírstangasmokk úr patrol þá hefði ég jafnvel áhuga á að eignast svoleiðis þar sem að stangirnar koma svolítið öðruvísi upp úr patrol kassanum. Allavega vita hver ætti svoleiðis handa mér ef á þyrfti að halda :)
Reyndar er of lítið pláss í kringum gírkassann í toyotunni til að koma millikassastönginni fyrir eins og hún er í patrolnum, ég á eftir að finna útúr hvernig ég græja það. Ég hef nú samt ekki áhyggjur af því strax þó það vanti eina stöng í prufutúrnum :)

[-Hjalti-]

Ef einhver ætti handa mér gírstangasmokk úr patrol þá hefði ég jafnvel áhuga á að eignast svoleiðis þar sem að stangirnar koma svolítið öðruvísi upp úr patrol kassanum. Allavega vita hver ætti svoleiðis handa mér ef á þyrfti að halda :)
Reyndar er of lítið pláss í kringum gírkassann í toyotunni til að koma millikassastönginni fyrir eins og hún er í patrolnum, ég á eftir að finna útúr hvernig ég græja það. Ég hef nú samt ekki áhyggjur af því strax þó það vanti eina stöng í prufutúrnum :)

Ég græjaði millikassa stöngina hjá mér þannig að ég hitaði hana og beigði þannig að núna er hún fyrir framan gírstöngina , Þar er nægt pláss miðavið að nissan kassin er aðeins aftar en Toyota kassin. Ég notaði þá áfram toyota Gírstangarsmokkinn og þetta lookar eins og orginal nema að stangirnar skipta í raum um stað.

[StefánDal]

Rúllaru ekki á honum til okkar annað kvöld í eurovision partý? Ég skal hella upp á kaffi meira að segja!

[ellisnorra]

Rúllaru ekki á honum til okkar annað kvöld í eurovision partý? Ég skal hella upp á kaffi meira að segja!

Haha já er party semning núna :) Þetta er því miður næturvaktarhelgi hjá mér núna þannig að það verður að bíða næsta árs að fá eurovision kaffi :)

[ellisnorra]

Það má segja að nú sé eftirvænting í loftinu. Í dag kláraði ég rafkerfið að mestu, tengdi hraðamælinn og fleira smálegt. Á morgun græja ég kúplingsþrælinn, set gírstöngina í og set smá bút af pústi... til að geta farið út að keyra!
Það verður awesome ... vona ég ! :)

[hobo]

Gaman að fylgjast með þessu hjá þér, hot stuff!
Hugar okkar allra hljóta að vera með þér fyrir prufuaksturinn :)