Hið íslenska jeppaspjall

Jæja ákvað að koma með fréttir af stöðu mála.
Ég hef verið að viða að mér ýmsu fíneríi, og núna er ég búinn að smíða bæði afturdrifsköftinn og henda þeim í.
Setti í gang áðann og keyrði hann framm og aftur á gólfinu, og virtsist allt virka bara mjög eðlilega (ef að hægt er að segja að þetta sé eðlilegt).
En frekari prufur verða að bíða framm á laugardag, eða sunnudag.
Þangað til er stefnan sett á að koma einu dempara pari undir hann og koma á hann handbremsu.
næsta vandamál er síðann að fá þetta til að bremsa almennilega, hef nú ekki kynnt mér hevrnig því er háttað í öðrum 6x6 bílum, en væri alveg til í að fá vitneskju um það. Einsog þetta er núna ræður höfuðdælann ekki við að fæða þetta allt, en okkur datt í hug að setja bara stærri.

Kv: Stefán G

Jæja þá er loksins búið að gera eitthvað meira í þessu
fórum eftir hádegi í dag og kláruðum að smíða demparaferstingar á miðhásinugna og skrúfuðum demparana undir.
Þá var loksins hægt að fara fyrsta prufutúrinn með drifi á öllum þannig að við fundum okkur malarnámu og lékum okkur aðeins í henni









Svo verða að koma tvær af okkur alveg að springa úr stolti


Við tókum nú einhver video af þessu líka sem við hendum inn þegar það verður búið að koma þeim á netið

Flott hjá ykkur. Þið eigið skilið klapp :)

[youtube]8o9ZoXRb7Jo[/youtube]

http://www.youtube.com/watch?v=8o9ZoXRb7Jo

[youtube]inUeaL6sAJ8[/youtube]

http://www.youtube.com/watch?v=inUeaL6sAJ8

Glæsilegir, en hvernig var að keyra?
Var mikil þvingun í beygjum?

Hefði viljað sjá hann í brekku klifri í lága ;)

Sælir drengir ég ætla að hrósa ykkur fyrir þetta framtak. Alveg snild hjá ykkur og útfærslan á tengingunni á milli hásingana afbragð. Nú ætla ég að bíða og sjá til hvort þið fáið skoðun á þessa framkvæmd og ef svo verður byrja ég á mínum.Legg svo inn pöntun á breitingu á hásingu hjá ykkur kveðja Guðni á Sigló

Maður finnur nú ekki fyrir mikilli þvingunn við akstur, þetta er bara draumur!

Snilld, verða að fá að skoða þetta hjá ykkur þegar ég kem næst á Vopnafjörð þ.e 20. þessa mánaðar.

Mbk Siggi M

Jæja þar sem prufutúrinn heppnaðist með ágætum þá skrupum við eftir hádegið og sóttum einn K5 blazer árg 74 uppí sveit, en það skiptir nú ekki máli í þessum þræði.
Að því loknu sóttum við nefnilega líffæragjafa fyrir 6x6. en þessi afbragðs súkka var á 36"ónýtum hjólbörðum, amerískum hásinugum og öllu þessu sneri volvo B20. Ég á eftir að telja út hlutföllinn í millikassanum, sennilega er hann smíðaefni í Rocklobster.
það var ekki að spyrja að volvo og datt hann í gang bara næstum í fyrsta starti. látum myndirnar tala sínu máli.








Núna er ekkert annað að gera en að bretta bara upp ermarnar.

Synd að rífa þennan líffæragjafa, þvílíkt augnakonfekt :)

En annars, keep up the good work!

nja líffæragjafinn er nú varla meira en fjarska fallegur er orðin rosalega riðguð greijið

Mikið er húsið á honum sérstakt, þetta hlýtur að vera eitthvað séríslenskt

Djöfull verður þetta flott hjá ykkur.

En hvernig er það, fæ ég þessa kannta hjá ykkur?

Hugmyndin er nú að nota kantana á 6 hjóla :)

Velti fyrir mér og þá ekki síst á þetta léttum bíl, af hverju ég sé hvergi bíla sem menn hafa breytt og þá þannig að vera með vökvamótor út í hverju hjóli með stjörnugír á milli
Þrátt fyrir þessa aðferð skapast læsingamöguleikar þvert og langt.
Einnig er þá hægt að hafa drifmöguleika á hvaða hásingu sem er, einni eða fleirum.
Svo fá menn alveg gríðarlega mýkt í átakið.
Engin drif.
Enginn gírkassi.
Enginn millikassi.
Eftir því sem unnt er að fara hraðar yfir, má kúpla út hásingu og fá þannig meira flæði á t.d. eina eða tvær hásingar sem gerir meiri hraða.
Í erfiðum aðstæðum er haft drifflæði á öll hjól og þannig fer tækið hægar yfir og getur læðst svoleiðis það sem enginn annar fer.
Þessi aðferðafræði gefur aukna möguleika í að skapa fjörðunarkerfi sem er ella væri mun örðugra. T.d. tandem með loftpúðum.

Lýsi eftir umræðu um svona ef menn nenna eða hafa áhuga. Betra þá sennilega á öðrum þræði.

En þar sem ég er nýr hérna, þá langar mig til að lýsa ánægju minni með það sem ég hef lesið af spjöllum hér.

hugvis wrote:Velti fyrir mér og þá ekki síst á þetta léttum bíl, af hverju ég sé hvergi bíla sem menn hafa breytt og þá þannig að vera með vökvamótor út í hverju hjóli með stjörnugír á milli

Ætli aðal ástæðan sé ekki að maður fær ekki nema u.þ.b. 60% af aflinu frá vélinni út í hjólin, restin tapast í hitatöpum í glussanum

Svo fengirðu þetta aldrei löglegt er það, ekki nema þá sem vinnuvél :)

Hvað er að frétta af þessum?????????

ég sé nú ekki myndirnar ,,, en það hljómar sem svo að þettað sé bíll semað væri synd að rífa ;( :).. en samt sem áður skemmtilegt verkefni hjá ykkur og ég get ekki beðið eftir að sjá hann tilbúinn,

Maður er aðeins að pæla varðandi fjöðrunarkerfið að aftan á 6x6 tækjum.
Væri ekki sniðugt að útbúa "boggie" fjöðrun?
Þannig er ekki hætta á að önnur hásingin lyftist frá jörðu ef ekið er í torfærum, eins og gerðist hjá súkkunni á fyrra vídeóinu.
Einnig er minni hætta á að tækið skvetti upp rassinum að aftan.

Maður myndi þá smíða eitthvað svona og hafa blaðfjöður á veltiöxli og stífuturn niður úr miðri blaðfjöðrinni og úr neðri enda hans stífur sem tengjast við neðri hluta hásinganna.

já það hefði reindar verið svolítið sniðugt að búa til svona "boggie" fjöðrun maður hefði getað notað orginal fjaðrablöðin í það afþví að fjaðrandi þyngd að aftan jókst ekki neitt við þessa breitingu.
Annars það sem ég held að sé að klikka með fjöðrunina að aftan er að hann er svo ægilega léttur að lödu gormarnir sem við notuðum eru eiginlega allt of stífir einnig eru dempararnir alveg í það stiðsta en þetta lagast kanski eitthvað þegar það verður búið að klára að setja á hana pallinn og koma bensín tankinum fyrir.
En reindar er ekki búið að prófa þetta neitt nema bara þarna í þessu myndbandi við erum hálfnaðir við að setja í hana b20 mótor en sökum tíma og áhugaleysis þá er hún bara búin að vera í geimslu síðastu tvö árin eða eitthvað

Hver er staðan á þessum í dag?

Afhverju hef ég aldrei séð 4link í lest á 6x6? Þá meina ég að festa öftustu hásingunni í miðhásinguna og miðhásingunni svo í grindina. Síðan yrðu að sjálfsögðu þverstífur á báðum hásingum.
Þetta er náttúrulega bara grunnhugmyndin, ég veit ekki alveg hvernig þetta mundi virka í reynd :)

elliofur wrote:Afhverju hef ég aldrei séð 4link í lest á 6x6? Þá meina ég að festa öftustu hásingunni í miðhásinguna og miðhásingunni svo í grindina. Síðan yrðu að sjálfsögðu þverstífur á báðum hásingum.
Þetta er náttúrulega bara grunnhugmyndin, ég veit ekki alveg hvernig þetta mundi virka í reynd :)

Myndi þá ekki fremri hásingin toga þá aftari fram þegar hún fjaðrar upp.

Stebbi wrote:

elliofur wrote:Afhverju hef ég aldrei séð 4link í lest á 6x6? Þá meina ég að festa öftustu hásingunni í miðhásinguna og miðhásingunni svo í grindina. Síðan yrðu að sjálfsögðu þverstífur á báðum hásingum.
Þetta er náttúrulega bara grunnhugmyndin, ég veit ekki alveg hvernig þetta mundi virka í reynd :)

Myndi þá ekki fremri hásingin toga þá aftari fram þegar hún fjaðrar upp.

Einhvað smá lítilræði kannski, en skiptir það máli?

Hvað er að frétta af þessum í dag ?

ég spyr þess sama.....!

elliofur wrote:Afhverju hef ég aldrei séð 4link í lest á 6x6? Þá meina ég að festa öftustu hásingunni í miðhásinguna og miðhásingunni svo í grindina. Síðan yrðu að sjálfsögðu þverstífur á báðum hásingum.
Þetta er náttúrulega bara grunnhugmyndin, ég veit ekki alveg hvernig þetta mundi virka í reynd :)

Það er búið að gera þetta, mér var sagt að guli 6 hjóla willysinn væri svona, svo eru báðar hásingarnar fjaðrandi á einu pari af loftpúðum sem eru á miðjum stífunum á milli hásinga, til að fá fram sömu misfjöðrunar eiginleika og blaðfjaðrirnar hér ofar á þráðinum eru með