Olíuverkið er algjörlega flöskuhálsinn á þessum vélum og tilgangslaust er að hækka túrbínublásturinn þegar það er ekki einusinni hægt að stilla olíuverkið þannig að vélin reyki þegar túrbínan er byrjuð að blása.
Það er lok aftaná olíuverkinu og þar á bakvið eru 5 eða 6 skrúfur sem stilla hvernig governorinn virkar. Það eru til leiðbeiningar á internetinu sem fjalla um þetta en þær eru því miður allar misvísandi eða einfaldlega rangar. Þetta eru mjög flókin og leiðinleg olíuverk, algjör viðbjóður að fá þetta til að virka rétt þar sem allar þessar skrúfur virka saman, ef þú breytir einni þá hættir allt að virka og þú þarft að eiga við fleiri til að ná jafnvægi á kerfið aftur.
Vandamálið er að gangráðurinn (e: governor) er sett af nokkrum gormum og örmum ásamt einu pari af miðsóknarkraftslóðum. Þessi mekaník vinnur öll saman og stjórnar stöðunni á tannstönginni (e: rack) sem snýr magnstillingarslífunum á pumpunum.
Þessi gangráður ræður hægagangshraða, ásamt því að móta magnkúrfu (verkið byrjar að draga úr olíunni eftir hámarkstork snúning til að vélin reyki ekki þar) og hámarkssnúningi. Öll þessi virkni er fengin fram í einum gangráði sem er fyrir vikið viðkvæm mekaník sem erfitt er að stilla.
Vandamál #1 er að það er engin ein skrúfa sem stillir hversu langt stöngin fer á botngjöf og hefur ekki áhrif á neitt annað.
Ef þú strekkir á skrúfunni sem hefur mest áhrif á botngjöf þá hættir vélin að geta gengið hægagang (gengur 3000-5000rpm hægagang), það kemur ójafnvægi á gangráðinn og þá þarf að stilla allar hinar skrúfurnar og jafnvel snúa pumpunum ofaná verkinu til að ná fullkomnu jafnvægi aftur.
Það er samt heilmikið upp úr því að hafa að fikta í stillingunum á verkinu ef það var eitthvað vanstillt fyrir, en ég mæli með því að hafa verkið bara opið á meðan verið er að prófa og hafa dall undir til að taka við olíunni þegar sett er í gang. Þeas, það þarf að setja í gang og prófa hvort vélin gengur hægagang og hvort hún skilar sér aftur í hægagang ef hún er þanin upp í 3000 og svoleiðis. Gera bara litlar breytingar í einu og prófa eftir hverja breytingu.
Eitthvað af nothæfum upplýsingum í þessum þræði hérna:
http://www.superturbodiesel.com/std/Thr ... mps?page=5Hafið bara í huga að fyrsti pósturinn í þræðinum er allur vitlaus, alls ekki lesa hann, það eina gagnlega í honum eru myndirnar af olíuverkinu. Mussoinn er með M olíuverk, ekki MW, og þessi olíuverk eiga ekkert sameiginlegt nema að þetta eru línuolíuverk. Fyrsti pósturinn þarna fjallar um MW verk en talar eins og þær upplýsingar eigi við M verkin líka, sem þær gera alls ekki.
Það eru nokkur fyrirtæki sem hafa verið að selja high performance olíuverk á þessar vélar, með stækkaðar pumpur. Eftir því sem ég kemst næst eru þau öll í Svíþjóð og Finnlandi. Verðið á svoleiðis verki er um 9000kr sænskar (sirka 180 þúsund isk plús sendingarkostnaður til Íslands og hæsti virðisaukaskattur í heimi = um 300 þúsund kall sem er gangverðið á heilum svona bíl)
Ég er annars að gæla við það að setja í bílinn minn tölvuolíuverk úr 98 árgerð af Benz 250 turbodiesel. (með OM605 turbo vél). Það er vél sem skilar 150 hestöflum original og er með stærri pumpur og laust við þennan ógeðslega mekaníska gangráð og komið með yndislegan tölvubúnað sem gerir bara það sem honum er sagt. Og já, með réttu túrbínunni gefur möguleika á 250 hestöflum og enginn svartur reykur. Með upprunalegu túrbínunni eru það sennilega um 170 hestöfl max.