Hið íslenska jeppaspjall

Nú vantar mig enn og aftur upplýsingar Vökvastýrið hjá mér er orðið full þungt fyrir minn smekk. Það var ekki svona mér var bent á að liðka og smyrja upp skaftið og dragliðinn í skaftinu sem liggur frá ratti í maskínu.gerði það samviskusamlega en enginn breyting nú er spurning hvort er það dælan eða maskínan sem er að stríða mér og hvernig útiloka ég hvort fyrir sig .Er þetta kannski þekkt vandamál
Gott ef einhver gæti ausið úr viskubrunninum og stytt mér leiðina.

Kveðja Dóri sem kemst það þó hann fari hægt.

Hvernig er vökvinn? Um að gera að skipta honum út ef hann er orðinn lélegur. Ég veit að það eitt og sér gæti bjargað þessu.

Lekur stýrið hvergi?

hvorki maskína né dæla?

mjög, mjög algengt að sjá lekna stýrismaskínu á musso og það eru yfirleitt sprungnar pakkdósir út úr tannstönginni og þar með fellur þrýstingur

Ég myndi prófa að taka dragliðinn úr. Losa hann af stýrisvélinni og svo losa hann frá stýsisstönginni. Prófa svo hvort að hjöruliðirnir séu liðugir. Ég lenti í því að ein björginn var riðguð og stíf og þá virkaði stýrið þannig að það varð þungt að snúa því til vinstri og svo varð það létt og svo þungt.

Sæll, ég lenti í því að minn Musso varð þungur í stíri, en ástæðan fyrir því var einfaldlega fúnar hosur við kælielement.
Það varð kattliðugt við að skifta út hosunum við kælielementið :D

Takk nú hef ég eitthvað að skoða hann lekur ekki vökvanum gæti verið orðinn gamall eins þarf ég að ath með skaftið en við lauslega skoðun virðist það vera í lagi.
En rosagott að fá svona fín viðbrögð frá ykkur.

Þetta er að öllum líkindum krossarnir í skaftinu sem liggur frá ratti í maskínu, þeir eru slegnir úr og fást nýjir í Fálkanum og kjörnað aftur fyrir.

Mikið rétt þetta voru hjöruliðskrossarnir tók skaftið úr og ein björgin var föst náði að liðka hana með smá nuddi og allt virkar fínt.