Hið íslenska jeppaspjall

Sælir.

ég er í smá vandræðum. Málið er að ég er með '86 patrol með gömlu littlu hásingunni að framan
og núna er ég að spá í einhverja læsingu í hana..

Mig langar helst ekki í loftlás þannig að þá langar mig að vita hvort menn hafi verið að nota no-spin í þetta (ef það er þá til í þessa hásingu) eða hvort menn hafi verið bara að sjóða þetta. ?

kv Hjalti kr

Miklar umræður um læsingar hérna.. http://www.jeppaspjall.is/viewtopic.php?f=2&t=178 m.a. plúsar og mínusar við að sjóða mismunadrifið.

Sælir.

Já. Ég er búin að lesa þessa umræðu og kynnt mér alla kosti og galla þess að vera með soðið drif, no-spin eða loftlás.

Það sem ég er í raun að spyrja um er hvort menn viti hvort þetta sé yfir höfuð fáanlegt í þessa hásingu.
Ég er búin að spyrja nokkra fróðari menn en mig um þetta og það virðist engin vita þetta með vissu.

Kv. Hjalti Kr.

Ég er 99% viss um að þetta drif heiti C200 og er 29 rillu. Af google að dæma virðist ekki vera neitt annað en ARB í boði. Las þó einhverstaðar getgátur um að læsingar í R200 drif (afturdrif) passi. T.d.

https://www.4x4parts.com/catalog/r200a- ... p-292.html

http://www.purenissan.com/r200a_lsd.htm

(líklega sama læsingin)

En svo er spurning hversu spennandi það er að vera með diskalæsingu að framan?

-haffi

Sælir..

Já diskalás kemur ekki til greina..

Og eginlega ARB ekki heldur út af því hvað kostnaðurinn gæti farið uppí hingað kominn.

Ég þakka svörin strákar en ég læt líklegast verða af því bara að sjóða þetta dót, það er kreppa og allt það.

Kv. Hjalti Kr.

Ég átti svona stuttan Patta í denn og endaði á að sjóða að framan og setja dana 44 með nospin að aftan.Stefnan var svo að þegar þetta pínu litla framdrif myndi brotna að skipta drifkúlunni út fyrir dana 44 kúlu sem var nokkuð gert af hérna áður fyrr.En þetta litla drif bara brotnaði aldrei þannig að ég gerði ekki neitt í þessu,innri öxlarnir sem notaðir eru í svona dana/patrol aðgerð voru smíðaðir hér á landi og hertir.

jeepcj7 wrote:Ég átti svona stuttan Patta í denn og endaði á að sjóða að framan og setja dana 44 með nospin að aftan.Stefnan var svo að þegar þetta pínu litla framdrif myndi brotna að skipta drifkúlunni út fyrir dana 44 kúlu sem var nokkuð gert af hérna áður fyrr.En þetta litla drif bara brotnaði aldrei þannig að ég gerði ekki neitt í þessu,innri öxlarnir sem notaðir eru í svona dana/patrol aðgerð voru smíðaðir hér á landi og hertir.

Já þetta finnst mér gaman að heyra.. :)

Þetta er einmitt svipuð pæling hjá mér þ.e.a.s. að vera ekki að eiða neitt allof mikklu púðri í þessa hásingu þar sem það er greinilegt að hún er mjög lítið notuð, og lítið til af henni í dag. Svo skipti ég bara um draslið komplett þegar þetta brotnar.

Ég þakka svörin.

Kv, Hjalti Kr.

Og afhverju eru þið á móti diskalás að framan?

Hann er nú mun betri en engin lás.

Það er alveg rétt diskalás er betri en enginn lás og ef hann fæst fyrir lítið er svo sem í lagi að nota hann,en verð á diskalás nýjum er ekki svo mikið lægra en á td. nospin eða gírlæsingu en alltaf sama vinnan og kostnaðurinn að stilla inn að það borgar sig varla ef menn eru svo ekki ánægðir með virknina.