Hið íslenska jeppaspjall

Hvernig er það með svona gæðing, getur maður sem áhugamaður um jeppa og bíla farið í svona klafaspenningar sjálfur eða á maður að láta fagfólk græja þetta?

Mér finnst hann vera búinn að síga helst til mikið niður að framan og mig hefur alltaf langað að geta fiktað í þessu sem mest sjálfur en átta mig á því að það eru ákveðnir hlutir sem ég þekki ekkert inn á og ræð hugsanlega ekki við.

— H

Þekki ekki hvernig þetta er á Terrano
en á Hilux er þetta allvega yfirleitt lítið mál
eru vindustangir í Terrano?
svo þarf yfirleitt að hjólastilla eftir klafahækkun

Jú það eru vindustangir.

Er þetta svona fáránlega auðvelt?
https://www.youtube.com/watch?v=OZcxcqr5es8

Já svona sirka (að því gefnu að boltarnir séu ekki grónir fastir)

Hehehe hingað til hefur allt sem ég hef ætlað að hreyfa til verið pikkfast svo þetta verður áhugaverð aðgerð :)

Eitthvað sem maður ætti að varast?

Það er mjög einföld aðgerð að lyfta Terrano 2 á vindustöngunum. Þ.e.a.s ef það er ekki búið að því áður og lyklarnir á vindustöngunum komnir á tamp. (Þá þarf að rífa meira og snúa vindustönginni í klafanum, eða lyklinum við grinarbitann)

Auðvitað getur þetta verið ryðgað og stíft en ég man ekki eftir stófelldu veseni kringum það. Fátt að varast í þessu - þú skrúfar og bíllinn hækkar upp. Ef þú skrúfar of mikið fer fjöðrunin á tamp í sundur og bíllinn verður hastur. Hjólastilling var líklega rétt einhverntímann áður en vindustengurnar slöknuðu og því eins líklegt að hún verði nærri lagi við að lyfta bílnum upp. Svo er auðvelt að bakka (undo) ef maður nótar hjá sér hversu mikið er skrúfað.

Semsagt - ekkert að óttast! :)

Snilld — Takk olei! :)