Hver gerir upp Patrol bíla?

[ThOl]

Sælir
Ég er með Patrol árg. 1999 með 2,8l vélinni. Hann er keyrður um 220 þús.km. og vélin virðist vera í góðu lagi, gírkassinn hefur verið tekinn upp, skipt um kúplingu, drif og annað sem snýst í lagi. En hann er farin að ryðga all verulega, þó er grindin skilst mér heil. Hvað á maður að gera við slíkan grip? Hann er ekki vænleg söluvara en mér datt í hug hvort einhver sem gerir upp svona bíla og ætti bíl á svipuðum aldri sem ekki er að hrynja í sundur af ryði, væri til í að skipta með hæfilegri milligjöf. Annar kostur er að verða sér út um bíl með ónýta vél en gott body og færa vélina á milli. Þriðji kosturinn er að kosta nokkur hundruð þúsund í ryðviðgerðir en mér sýnist hér sé um að ræða a.m.k. tveggja vikna vinnu og þá miðað við að ég máli sjálfur. Hvað segið þið, hvaða kostur er skynsamlegastur?
Kv, Þorgeir

[Nenni]

Það er hægt að smíða nýjan patrol á 2 vikum, settu inn myndir af skemdunum ef þú vilt fá einhver svör af viti.

[ThOl]

Sæll, ég er hræddur um að ég þyrfti að taka kvikmynd til að ná öllu ryðdraslinu á mynd en það eru allir brettakantar ónýtir, innri bretti víða svo að stuðarar hanga uppi á lyginni (festingar farnar), sílsar báðu megin aftast, gólf hjá bílastjórasæti, í kringum framrúðu og svo hellingur af ryðskemmdum víðsvegar í lakkinu. Eins og þú segir að minnsta kosti tveggja vikna vinna en sama pening og það kostar væri kannski hægt að nota í milligjöf fyrir bíl sem ekki er eins illa farinn.
kv
ÞÓ

[Tómas Þröstur]

Þetta horfir fyrir mér sem spurning um hvað þér langar að gera frekar hvað er skynsamlegast. Um það snýst jeppamenskan að miklu leyti hjá mörgum. En ef þú ert búinn að eiga bílin stutt eða sérð ekki fram á að eiga hann lengi þá er hæpið að kaupa dýra vinnu við ryðbætingar ef bíllinn er illa farin.

[ThOl]

Já, kannski er þetta spurning um hvað ég ætla mér með bílinn. Hann er aðeins notaður til ferðalaga og er ekinn ca 5 - 7 þús.km á ári og því sá ég fyrir mér að kramið gæti enst mér mörg ár í viðbót miðað við þá notkun en það er leiðinlegt að ferðast á bíl sem ekki heldur ryki og maður á von á að skilja eftir sig hluta af boddíinu á slæmum vegum! Valkostirnir eru því raunverulegir að þvi gefnu að einhver sé til í að skoða skipti og milligjöf eða selja mér vélarlausan bíl sem er í sæmilegu lagi að öðru leyti. Ef ekki, þá verð ég að athuga hvort ég finni hraðhentan snilling í ryðbætur.
kv
ÞÓ

[Nenni]

Sæll, ég er hræddur um að ég þyrfti að taka kvikmynd til að ná öllu ryðdraslinu á mynd en það eru allir brettakantar ónýtir, innri bretti víða svo að stuðarar hanga uppi á lyginni (festingar farnar), sílsar báðu megin aftast, gólf hjá bílastjórasæti, í kringum framrúðu og svo hellingur af ryðskemmdum víðsvegar í lakkinu. Eins og þú segir að minnsta kosti tveggja vikna vinna en sama pening og það kostar væri kannski hægt að nota í milligjöf fyrir bíl sem ekki er eins illa farinn.
kv
ÞÓ

Hehe góður. En það hljómar eins og það gæti engan veginn borgað sig að fara í þessar viðgerðir miðað við hvað er hægt að fá svona bíl á.