Hið íslenska jeppaspjall

Hvernig stendur á því að þessir skriðdrekar fara að leka svona olíu?

Fyrri eigandi sagði mér bara að gelda pípuna og þá mundi þetta stoppa en svo lærði ég að þessi pípa tilheyrir olíukælingunni — sel það ekki dýrara en ég keypti það.

Í bjartsýni langar mig að heyra frá ykkur hvort þið kannist við þetta vandamál. Hann semsagt lekur töluvert af olíu við þetta svæði, hægra megin við vélina.



Ég er bara ekki nægilega fróður um vélar til þess að gera mér grein fyrir þessum leka en mér datt í hug að það ætti kannski að vera hosuklemma á þessu röri hér en það er barmafullt af olíu:



Ég er einsog argasti rakki og merki hvert einasta stæði sem ég legg í!

Hefur einhver svör/lausn við þessum leka?

Skipts um o hringinn eða eyrhringinn sem er þarna a milli

Þá í vinkilrörinu?

Sæll

Þetta er lögnin í olíkælinn og þú skalt ekki blinda hana, Patrol veitir ekkert af þeirri kæligu sem hann á möguleika á og ef þú blindar þetta færðu enga olíu á legurnar.

Tengin eru pressuð við slöngurnar og hólkurinn sem þú myndaðir er bara tuðra utanum rörið. Prófaðu bara að skrúfa þetta í sundur og þrífa og herða svo vel saman aftur.

Kv Jón Garðar

Takk fyrir það Jón Garðar! Þetta verður skurðaðgerð helgarinnar!

Ef þarf að skipta út slöngunum þá eru þeir liprir í að útbúa nýjar í Landvélum.

Þarft líka að passa ef þú ætlar að losa lögnina af smurolíukælingum að niplarnir á hann eru voðalega viðkvæmir bara við að losa rörin af hjá mér eyðilögðust gengjurnar á nipplinum á kælinum.

Takk Villi og Ásgeir! Gott að hafa þetta bakvið eyrað :)

Væri ekki ráðlegt að hafa eitthvert ílát undir þessu meðan ég er að losa? Gubbast ekkert út einhver olía?

jú allavega þegar ég losaði minn olíukæli frá þá var slatti af smurolíu í honum, svo betra ef þú vilt ekki hafa allt í olíubaði.

Það virtist vera nóg að herða örlítið á þessari ró.



Nú þarf bara að baða vélarsalinn í olíuhreinsi og skola af honum subbuskapinn.

Takk fyrir hjálpina drengir!