vidarv wrote:Góðan daginn hér.
Ætla nú fyrst að taka það fram að ég hef ekki mjög mikið vit á bílum, eða allavega það sem viðkemur viðgerðum á bílum en maður hefur þó brennandi áhuga á þessu og alltaf að læra eitthvað nýtt. :)
Ég á einn Pajero Sport árg. 2003 bensín sjálfskiptur ek. 94 þús. km. sem ég hef verið mjög sáttur við og hefur staðið sig vel í þau rúm 3 ár sem ég hef átt hann og þá 60 þús. km. sem við höfum keyrt hann.
Þó eru það nokkrir hlutir þar sem ég hef frekar viljað vera á venjulegum Pajero (þó ég hafi nú enga reynslu af þeim), er þar sem bíllinn er byggður á pallbílsgrunni (L200 að ég held) þá er gólfið bílnum frekar hátt í honum þannig að það er það er ekki fyrir mjög stóra menn að ferðast í honum og svo hefur mér alltaf fundist fjöðrunin frekar stíf - miðað við t.d. Land Cruiser sem ég keyri stundum.
Hef þó heyrt að þessi "klafafjöðrun" (held ég að hún heiti) sem er í bílnum sé alltaf frekar stíf. Kannski eru þó demparar eitthvað farnir að gefa sig.
Vitið þið hvort að það sé hægt að gera fjöðrunina eitthvað betri/mýkri? Kannski hún eigi að vera svona þar sem þetta er jeppi haha :)
Eins hef ég verið að spá í breytingu á honum, 33" eða 35" breytingu. Vitið þið hvort eitthvað vit sé í því? Þ.e.a.s. hvernig þessir bílar verða eftir svoleiðis breytingu?
Þegar bílar eru breyttir á þennan veg, er þá átt eitthvað við fjöðrunina? S.s. nýir demparar, gormar að aftan o.s.frv.?
Jæja nóg í bili, þetta er orðin að ritgerð hjá mér, afsakið það.
Kv.
V.V.
Viðar þú getur prófað að athuga hvort að dempararnir séu orðnir slappir, fengið lánað undan svipuðum bíl og skellt undir og athugað hvort þú finnir mun eða bar verslað þér nýja dempara. Samt er 94000 km ansi stutt ending á dempurum. Þessir bílar ná náttúrulega ekki sömu fjöðrunarmýkt og LandCruiser eða gamli Pajero en stífir eru þeir ekki. Fjöðrunarsviðið er nú ekki mikið miðað við marga aðra jeppa en nóg til að maður sé sáttur. Þú getur prófað að taka balance stöngina úr að framan og sjá til hvað gerist er varðar mýkt. Ég gerði þetta við minn bíl og þá varð hann aðeins svagari úti á þjóðvegi á mjög ósléttum vegi. Gott að geyma stöngina útí skúr ef skoðunaraðili fer að þenja sig við skoðun. Þá er lítið mál að skella henni aftur undir.
En mig langar að spyrja þig hvort að það séu leðursæti í þínum bíl? Minn er með leðursætum og sætishitararnir virka ekki á hvorugu framsætið hjá mér. Kemur ljós í takkana en þau hitna ekki rassgat. Væri fróðlegt að vita hvort að fleyri væru með sama vandamál með sína svona bíla.
Kv. Haffi