Hið íslenska jeppaspjall

Sæl verið þið.
Ég er hálf ráðþrota með gamla Pajeroinn minn og leita því á náðir allra snillinganna sem stunda þennan vef.

Bíllinn er '98 módel, ssk, 2,8 tdi, og vesenið sem datt allt í einu í hann lýsir sér svona:

Bíllinn er orðinn grútmáttlaus og virðist toga sama og ekkert. Á jafnsléttu finnur maður minna fyrir að eitthvað sé að, þó að hann sé lengur að ná upp ferð, en í brekku dregur ótrúlega mikið niður í honum. Ef ég slekk á óverdrævinu og held honum í rúmum 3000 snúningum heldur hann samt ferð ágætlega.

Það sem mér finnst jafnvel skrítnara er að á leið niður brattar brekkur reykir bíllinn mikið (ljósblár reykur) og höktir einhver ósköp.

Hefur einhver hugmynd um hvað gæti verið að hrjá greyið?

Það er búið að skipta um smurolíu-, eldsneytis- og loftsíu í honum, opna túrbínuna og útiloka hana og hreinsa eldsneytistankinn, og það skilaði ekki miklum árangri.

Vonandi kannast einhver við þetta og getur komið með töfralausnina.

kv.
Elín

Eftir þessa upptalningu eru spíssar og olíuverk næst.

Var nokkuð verið að rugla í vacumslöngum í honum eða getur verið komið gat á þær það eru 2 slöngur sem koma uppí hvalbak bakvið intercoolerinn sem gera ótrúlega mikið af sér ef þær eru götóttar eða vitlaust tengdar.

Nei, það á ekki að vera búið að fikta neitt í slöngunum, en vissara að athuga hvort þær séu götóttar. Skoða þá spíssa og olíuverk í framhaldinu.

Þakka góð ráð.

Athuga Egr ventilinn hann gæti verið ónýtur tók hann úr hjá mér og lokaði fyrir alltannar bíll á eftir.

hreinsa litlu síuna í inntakinu á olíuverkinu

Ágúst83 wrote:hreinsa litlu síuna í inntakinu á olíuverkinu

Geturðu lýst henni nánar?

lítil aflöng járn sía ofaní olíuverkinu undir boltanum þar sem olían kemur inn

Takk, prófa það :-)

Þetta er túrbínan, farin að slitna og veskeithúsið er mjög líklega sprungið ....