Rúðupiss - Pajero Sport...

[vidarv]

Sæl/ir öll/allir saman.

Jæja nú er komið að fyrstu alvarlegu biluninni hjá mér. Að ég held að minnsta kosti. Kannski ekki beint alvarleg bilun en samt nauðsynlegt að hafa. Er með Mitsubishi Pajero Sport árg. 2003 bensín sjálfskiptur ek. 98 þús. km.

Rúðupissið að framan virkar ekki hjá mér en rúðuþurrkurnar virka. Rúðupissið að aftan og þurrkan virka fínt. Búinn að tjékka á örygginu og það virðist vera sama öryggið fyrir allt klabbið.

Þannig að nú þarf ég einhverjar ráðleggingar hvaða næstu skref séu hjá mér. Er það bara beint inná verkstæði??

Gott í bili.

Með kveðju og fyrirfram þökk,
Viðar Valdimarsson.

[Rúnarinn]

eru bara ekki stíflaðir spíssarnir á húddinu??? eða stífla frá kútnum að spíssum?
spurning um að blása með loftspíss í slönguna og spíssana á húddinu

[khs]

Það getur einnig verið að rúðupiss leiðslan klemmist þegar þú lokar húddinu

[DABBI SIG]

Athugaðu hvort það heyrist í dælunni fyrir rúðupisskútinn... ef ekki þá er hún ónýt/straumlaus eða álíka...
Ef hún dælir þá er leiðslan einhversstaðar klemmd eða í sundur.

[HaffiTopp]

Eigum við ekki að byrja á byrjuninni og spurja asnalegu spurningarinnar; er nóg piss á kútnum?
Kv. Haffi

[vidarv]

Já sælinú og takk fyrir góð svör.

Jú ég var nú búinn að athuga hvort það væri rúðupiss á kútnum og hann er fullur, nýkominn úr smurningu.

Þannig að það virðist vera svo að dælan sé farin. Allavega heyrist ekki múkk í henni. Svo að nú er líklega næst að leita að nýrri dælu er það ekki? Ætli hún kosti ekki ægilega mikið? Kannski dugar að leita á partasölum.

Annað, var að reyna að komast að kútnum í gær. Kúturinn liggur farþegamegin í stuðaranum, kyrfilega falinn þar. Mér sýnist það vera hægt að komast að honum með því að fjarlægja grillið og síðan vinstra framljósið. Þegar ég var kominn að ljósinu eru þetta 3 boltar sem halda ljósinu. Losaði þá og ljósið laust nema það hangir í e-u á bakvið stefnuljósið. Er e-r sem kannast við þetta? Ég bara náði því ekki úr sama hvað gekk á. Örugglega eitthvað trikk sem þarf að gera. Því það er vonlaust að sjá hvað heldur ljósinu þarna á bakvið.

Jæja gott í bili.
Kv.
Viðar.

[joibarda]

Ég lenti í þessu á '98 Pajero 2.8, að pissið á framrúðuna virkaði ekki, allt annað virkaði.
Athugaði öryggi og þetta helsta og var allt í lagi. Fékk nýja dælu á partasölu og tróðst með hendina inn í brettið, þar sem dælan er, í gegnum stefnuljósið á framhorninu.
Þegar ég náði svo loks að koma nýju dælunni í samband þá gerðist ekkert, var samt búinn að prófa dæluna áður til að vera viss um að hún virkaði.
Þannig að það endaði með því að ég reif þurrkurofann úr og í sundur og þar kom í ljós pínulítið sambandsleysi þannig að pissið virkaði ekki. Lagaði það og virkar það nú sem aldrei fyrr.

Kv. Jóhann David

[HaffiTopp]

Já sæll alls ekki taka ljósið úr til að komast í kútinn það hefur ekkert að segja. En til að taka ljósið af verður að taka innrabrettið úr og losa tvo polta sem halda ljósinu baka til og aftengja risastóru stefnuljósaperuna og skilja hana eftir hangandi í vírnum til að ná ljósinu frá.
En þú þarft að taka stuðarann af til að komast í kútinn og alls ekki taka á áfyllingarstútnum því að hálsinn er ekkert svakalega sterkur, brotnaði hjá mér þegar ég var að bisa við að ná þessu öllu í sundur. En undir hvoru ljósinu eru 2 stungufestingar og 3 við miðjan stuðarann undir grillinu, tekur grillið líka af eins og þú nefndir sjálfur. Ef þú ert með kastara í stuðaranum þá er nóg að aftengja þá. Tekur númerplötuna af, en ég þurfti að bora mína út þar sem skrúfurnar voru hálf grónar fastar. Losar skrúfuna sem kemur í brettið uppundan gatinu efst á brettakants-stubbnum sem er á stuðaranum en þær skrúfur (1 sitthvorumegin) eru örugglega ryðgaðar í hið óþekkjanlega. Borar þær þá bara út. Og svo er aðeins framar vel viðráðanlegur skrúfu sem boltar saman brakkett uppí brettið sjálft, 10 mm skralltoppur á að fara á þann bolta minnir mig. Losar brakkettið frá grindinni minnir mig. Þetta brakket er svona hálfgerð skúffa, þykk plata sem er beygð í svona u-stykki, framan við hjólið og horft er inn í skúffuna framan frá hjólinu. Rúðupisskúturinn boltast með einum bolta við þetta stykki þarna hægra megin. Svo þarftu að losa nemann fyrir hitamælinn en hann er vinstra megin við miðjan stuðaranum svoldið neðar við grillið.

http://pdf.pajero4x4.ru/2003_Montero_Sport_Service_Manual/GR00004400-51.pdf

Á efstu myndinn (51-2) er það hlutur númer 2 þessi "skúffa" sem ég er að tala um og á næstu mynd (51-3) er það hlutur númer 2 sem er brakketið sem festir stuðarann uppundir brettið með auðvelda boltanum. Vonandi ertu að fatta mig og vonandi kemur þetta að gagni. Örugglega eitthvað sem ég er að gleyma.
Kv. Haffi

[Stebbi]

Er ekki fljótlegra að gera þetta með langri töng í gegnum pústið? :D

[Einar]

...eða bara að byrja á afturstuðaranum og vinna sig frammúr...
Þetta hljómar eins og viðgerð á gömlum Landróver!

[vidarv]

Heilir og sælir allir saman, og takk fyrir góð svör.

Já seisei og mikil ósköp, þetta ætlar að verða ægilegt vesen. En það þýðir nú varla að væla um það, það er betra að hafa þetta í lagi eða allavega kostur.

Haldiði að það gæti verið sambandsleysi í rofanum eins og Jóhann David segir? Er þetta ekki sami rofi í Pajero 98, semsagt rofinn sem maður stjórnar rúðuþurrkunum og togar að sér til að fá pissið?

Fúslega skal ég viðurkenna að ekki hef ég tækni þekkingu í að rífa þau ósköp í sundur...

Annars hafiði kærar þökk fyrir allt saman.
Kv.
Viðar.

[snowflake]

Fáðu þér rafmagnsmælir og reyndu að finna út hvar sambandsleisið er. Eða lítinn prufulampa, þeir eru oft ágætir því það er svo oddhvass endinn á þeim þannig það er lítið mál að gera lítið gat í gegnum kápuna á vírnum.

[Jens Líndal]

Það hlýtur að vera eitthvað rafmagnstengi fyrir dæluna sem sem þú kemst í til að prufa setja straum á dæluna, fáránlegt að rífa hálfann bílinn áður en þú veist hvað er að, ég held að einfaldast væri að reyna koma straum á dæluna til að aðgæta hana og svo mæla rofann eða öfugt.

[joibarda]

Alls ekki gera gat á kápuna á neinum vír, það kannski sleppur ef vírinn er inni í bíl en ef hann er úti þá er hann ónýtur, því það kemst alltaf raki þar inn og þá verður bara meira vesen þegar hann tærinst í sundur. Hef nokkrum sinnum rakið rafmagnsbilanir þar sem hefur komið í ljós eftir mikla leit að búið var að gera gat á kápuna.

[krissi200]

Skiptu bara um mótor. ekkert mál að skipta um, ég er með Econoline rúðupissdælu í mínum. Getur í raun set hvaða dælu sem er í bílinn, þarft bara passa stútinn. Vikrar fínt! :)