Hið íslenska jeppaspjall

Ég er með 2006 árg. af Ford F150 sem mig langar til að setja á stærri dekk. Ég veit að það er eitthvað til af þessum bílum á 35" en það sem mig langar til að vita hafa menn eitthvað verið að setja undir þá 38" plús. Hef heyrt að það séu einhver vandræði með klafa að framan, en sel það ekki dýrara en ég keypti það.

það er ekkert mál að skella þeim á 38" kaupa hækkunarsett 2-2,5" að framan og setja kubb undir fjaðrarblöðin

skera úr brettanum ,setja kantana á taka drifið undan til að breita hlutföllanum

þetta er svona ódýrasta leiðin minn er breittur fyrir 35" og ég er mikið að hugsa um að setja hann á 38"

Ég var með explorer á 38" með klafa og það var aldrei vandamál með hann eina sem þarf að passa að þvinga þá ekki of mikið og hafa bílinn beinan = ekki hafa afturendan í jörðini :)

Mér skylst að á nýrri 150-350 bílunum sé bara nóg að setja 35" undir bílinn og svo setja kanta á þá. Meira þurfi ekki. Sle það ekki dýrara en ég keypti það. En þetta hef ég frá einum félaga mínum sem að vinna hjá ib bílum á Selfossi.

..

skylst að það sé bara nóg að setja kanta á bílinn og setja svo bara 35" á. Þá er það komið. Jú heyrðu. það þarf að rýma eitthvað aðeins til í innra brettinu. En mér skylst að þau séu nú úr plasti þannig að að dugi að færa þau eitthvað innar. Þið leiðréttið mig ef að þetta er einhver vitleysa. :)

Ég er líklega sá eini sem hef breytt svona bíl (F150 FX4 MY04-current) á stærri dekk en 37". Ég er með Irok 41" Radial á 17x14" stálfelgum.
38" er ekki til neins undir þessa bíla að mínu mati. Það er annað hvort 35" á þeim óbreyttum (eða með 2" leveling kit) eða þá að fara í 41" Irok. Öll önnur dekk þar á milli eru 10 strigalaga og ekki hentug til snjóaksturs.
Ég setti 6" Fabtech suspension kit undir (það breytir ekki stýrisgangnum) og hefur virkað mjög vel. Að aftan koma 5" klossar í staðinn fyrir 1" klossana sem fyrir voru. Ég setti E-Locker læsingu í framdrifið og notast við original LS drifið að aftan, þar sem það voru ekki til læsingar í það, mér að skapi, þá. Mér skilst að það sé nú til E-Locker í 9,75" sem og fleiri tegundir. Þess má geta að 2010 F150 Raptor-inn er með E-Locker að framan og aftan sem staðalbúnað.
Það eru tvö "vandamál" við þessa breytingu, annað er felgumál og hitt er kantar. Ég er með eina kantasettið sem smíðað hefur verið á þessa bíla (ég er með flareside) en Gunnar Yngvi bílasmiður var mér innan handar í þeim málum.
Kostnaður við að breyta þessum bílum er ekki mikill (miðað við aðra) og gerðum við það 2 félagarnir yfir ca. helgi. Frágangur o.fl. tók þó aðeins meiri tíma og er smotterí eftir enn (tossaskapur í mér).
Þessi breyting hefur reynst vel og klafarnir ekki til vandræða. Ég á þó eftir að láta smíða hlífðarplötu undir hann og að framan svo klafasíkkunin virki ekki eins og tönn og akkeri í þungu færi.
Til að fara á stærri dekk (44-46") þyrfti að hækka hann um 3" á boddy líka eða fara í frekari tilfæringar á festingum að framan. Ég myndi þó mæla með SAS breytingu, þ.e. Dana60 hásingum að framan og aftan með 8 gata deilingu og tilheyrandi.
Burðargeta þessara bíl er um og yfir 700kg (SCap) og er því kominn nálægt heildarþyngdar mörkunum. Minn bíll hefur verið um 3,3t í góðri helgarferð (2 manneskjur, 100l auka eldsneyti og búnaður) sem er við þyngdarmörkin. Sjálfur bíllinn vigtar rúm 2,8t (sem er rúmlega tonni léttari en F350 bílarnir).

jeepson wrote:skylst að það sé bara nóg að setja kanta á bílinn og setja svo bara 35" á. Þá er það komið. Jú heyrðu. það þarf að rýma eitthvað aðeins til í innra brettinu. En mér skylst að þau séu nú úr plasti þannig að að dugi að færa þau eitthvað innar. Þið leiðréttið mig ef að þetta er einhver vitleysa. :)

Ég skellti nú bara 315/70R17 (35") BFG beint á original felgurnar (17x7,5") og keyrði út um fjöll og fyrnindi og upp á jökla. Ég þurfti enga kanta. Reyndar setti ég líka 2,5" leveling kit en það var bara til að rétta hann upp að framan.
Í dag er ég á 41" Irok og fer allt sem ég vil ;)