Hið íslenska jeppaspjall

Hef verið að velta aðeins fyrir mér, eru til einhverjar staðreyndir eða alvöru prófanir á performance dekkja í snjó með svipað rúmmál, lengd vs. breidd á spori?

Ef við berum t.d. saman AT 38" dekk á 15" felgu og Cooper 40" dekk á 17" felgu, þá verður rúmmálið í þeim væntanlega svipað en sporið á hærra dekkinu mun verða lengra vs. breiðara á 38" (15,5" vs. 13,5"). Smá hækkun undir kúlu og kannski einhver áhrif í aðra hvora áttina með stærri felgu.

En aðal spurningin er, hvað gerist við það að dekkið er mjórra, hærra og með svipað flot? Mun það eiga auðveldara með að brjóta spor fyrir jeppann? Hafið þið rekist á einhverjar pælingar varðandi þessi mál eða einhver eigin reynsla sem þið getið miðlað?

Bestu kveðjur,
Sissi

Mín reynsla er að dekk sem eru með hlutfallslega breiðara spor miðað við hæð heldur en t.d. Mudder eða Ground Hawg38" á 15" felgu, eru ekki alveg heppileg í snjó.
Var í smá tíma á DC 35" sem voru að mig minnir 12.5" breið. Þau takmörkuðust alveg af því hvað hægt var að troða undir sig, ekki floti. Jafn breið 40" hefðu verið alger snilld.
Hef farið að hallast að því í seinni tíð að dekk sem líta asnalega há út miðað við breidd virki jafnan best.

Kv
Grímur

Það voru gerðar á sínum tíma einhverjar rannsóknir hjá Arctic-Trucks þar sem nokkur dekk undir jeppum voru sett á þrýstimottu (eins og er notuð í göngugreiningu) og svo hleypt úr þeim. Ég sá bara á sínum tíma glærur á fyrirlestri um niðurstöðurnar úr þessu, en ekkert meira.

Svei mér ef ég fann ekki eitthvað um þetta;

http://www.4x4offroads.com/at405-radial.html
http://old.f4x4.is/spjallbord/umraeda/nyja-at-405-dekkid/page/3/

Eins og ég skil þetta fara líka fleiri hestöfl í að búa til breiðara spor, svo þetta snýst ekki bara um að mjóu og háu dekkin fljóti betur. Væntanlega þarf breiða dekkið betra grip, en það háa, því mótstaðan er meiri
En ég held að það hafi ekki farið fram miklar rannsóknir á þessu, enda fáir aðrir en Íslendingar sem hleypa úr dekkjunum til að komast áfram.

Takk fyrir svörin. Þetta er einmitt á þeirri línu sem ég var að velta fyrir mér, og var einmitt kunnugt um þessar göngugreiningarpælingar hjá AT á sínum tíma, þó þær svo sem svari ekki spurningunni. En ég held líka að Startarinn sé svolítið að hitta naglann á höfuðið, það er líklega enginn að pæla í þessu annarsstaðar og við erum í mesta lagi einhverja tilfinningu fyrir þessum hlutum hérna.

Rúntaði aðeins á 40" um síðustu helgi í foksnjó uppi við Hlöðufell í 12 psi og fannst fyrirstaðan einmitt mun minni en á öðrum dekkjum, en svo á maður eftir að sjá hvernig þetta kemur út í alvöru aðstæðum.

áhugaverðar pælingar

ég hef enn sem er ekki heyrt nokkurn mann hallmæla cooper dekkjunum. og verðmunurinn á þeim á AT dekkjunum er gríðarlegur

Sissi var nokkuð kúludráttur hjá þér?

Kemur fyrir :)

Sælir

Ég fékk mér Cooper dekk s.l vor og setti þau undir Hilux. Ég for 2 jeppaferðir á þeim s.l vor.

Í fyrstu ferðinni voru þau prófuð í krapa inn á kaldadal. Þar voru þau að virka mun betur en 38 tomman á sambærilegum bíl.

Enda er mun hærra undir bílinn heldur en á 38 tommunni.

Ferð nr 2 var 3 daga ferð á Vatnajökul. Þar var færið hart með frostnu yfirborði. Dekkinn virkuðu vel í þessu færi og höðu mjög gott grip.
Ég for upp á Snæbreið eins og ekkert væri meðan sumir voru í vandræðum að komast þar upp.

Ég fór í jeppaferð um síðustu helgi inn í Leppistungur og síðan inn í Klakk. Færið var leiðinlegt þegar komið var upp í 800 metra.
Billinn var að fljóta mjög svipað alls ekki verr) og annar Hilux á AT dekkum. En Cooper dekkinn voru mun betri í öllum ám og skörum á leiðinni inneftir.

Ég er ennþá að læra á þessi dekk en þau eru að lofa góðu alla vega við fyrstu kynni.

Kveðja
Kiddi.

eru þau ennþá á jafn góðu verði og þau vooru? 270 fyrir ganginn?

mig dauðlangar í þessi dekk, en hafði hugsað mér að fara í AT eiginlega eingöngu vegna þess að ég á felgur fyrir þau

Áhugavert, takk fyrir. Ég er búinn að keyra smá í snjó á 5 psi, nýr snjór og náði nokkurn veginn niður, smá brölt, og dekkin virkuðu bara flott. Virðist einmitt vera gott grip og munar bókað um hæð undir kúlu. Annars er ég mjög ánægður með þau innanbæjar og úti á vegum, tek ekki eftir meira veghljóði og mjög rásföst og góð.

KiddiG wrote:Sælir

Ég fékk mér Cooper dekk s.l vor og setti þau undir Hilux. Ég for 2 jeppaferðir á þeim s.l vor.

Í fyrstu ferðinni voru þau prófuð í krapa inn á kaldadal. Þar voru þau að virka mun betur en 38 tomman á sambærilegum bíl.

Enda er mun hærra undir bílinn heldur en á 38 tommunni.

Ferð nr 2 var 3 daga ferð á Vatnajökul. Þar var færið hart með frostnu yfirborði. Dekkinn virkuðu vel í þessu færi og höðu mjög gott grip.
Ég for upp á Snæbreið eins og ekkert væri meðan sumir voru í vandræðum að komast þar upp.

Ég fór í jeppaferð um síðustu helgi inn í Leppistungur og síðan inn í Klakk. Færið var leiðinlegt þegar komið var upp í 800 metra.
Billinn var að fljóta mjög svipað alls ekki verr) og annar Hilux á AT dekkum. En Cooper dekkinn voru mun betri í öllum ám og skörum á leiðinni inneftir.

Ég er ennþá að læra á þessi dekk en þau eru að lofa góðu alla vega við fyrstu kynni.

Kveðja
Kiddi.

Passar, 70 þús stykkið

https://www.n1.is/vorur/hjolbardar/jepp ... 0CO9027703

íbbi wrote:eru þau ennþá á jafn góðu verði og þau vooru? 270 fyrir ganginn?

mig dauðlangar í þessi dekk, en hafði hugsað mér að fara í AT eiginlega eingöngu vegna þess að ég á felgur fyrir þau

Hvernig gengur að koma þessu undir 38" breytta bíla?
Gengur það nokkuð.

Sjálfsagt breytilegt, en komust undir minn Grand 2002 með frekar lítilli fyrirhöfn. Hjálpar náttúrulega að þau eru mjórri svo þau sleppa betur innfyrir kantana.

Það er flott að heyra, það er reyndar voða lítið pláss laust á 38" breyttum 100 krúser. Þyrfti líklega að máta.

Enn hvernig er með felgumál, eru menn að láta breikka eða kaupa tilbúnar? Þaes 17"

Keypti bara hjá jeppafelgur.is.is

Sveinn hvað ertu með breiðar felgur ?

12", finnst pínu skrýtið þegar felgur eru á breidd við dekk eða breiðari. Lúkkar vel og sleppa betur innfyrir 38" kantana í bónus