Hið íslenska jeppaspjall

Lét skipta um nýtt olíuverk í Patrol í sumar, eftir skiptin var hann strax ómögulegur þ.e.a.s. að þegar maður hefur gefið honum inn þá dettur inngjöfin mjög oft út en kemur inn aftur ef maður sleppir henni, gengur svona á víxl. Verkstæðið sem vann verkið er búið að skoða málið en finna ekki neitt en segja að gæti þurft að skipta um aksturtölvuna í bílnum. Er eitthver sem kannast við svona vandamál?

Númer 1,2 og 3 í svona tilfellum:

LESA AF TÖLVUNNI

og þá lesa af henni stöðuna á skynjurum þegar verið er að gefa inn og slaka á til að sjá hvað er í gangi.
Ef verkstæðið sem þú skiptir við er ekki að gera þetta þá eru þeir ekki að gera neitt af viti.

Þessi lýsing getur átt við um að mótstaðan fyrir inngjöfina sé ekki í lagi. En það ætti að koma fram í aflestri.

Kannast við dæmi þar sem olíuverk var dæmt ónýtt og skipt, en lagaði ekkert. Fyrir rest fannst gat á slöngu fyrir olíumiðstöð sem hafði verið sett inn á aðallögn og lak lofti inn á. Eitthvað nærri 500þúsund fóru í þetta. Líklega var aldrei neitt að olíuverkinu.
Þetta var svosem Patrol en gæti átt við í næstum hvaða bíl sem er.