Hilux boddíhækkun ráðgjöf

[helgierl]

Nú þarf ég ráð frá reynslumeiri mönnum..... Er í lagi að setja bara kubba eða þarf að skera og færa boddífestinguna aftan við framdekk á ´92 hilux bensín klafabíl. Ætla í ekki meira en 5cm hækkun. Væri mjög þægilegt að geta græjað þetta sjálfur með kubbum..... Eins og þetta er núna er létt nudd aftast í hjólaskálinni í beygjum. Veit að menn gerðu mikið af því að færa þessa festingu upp..... væntanlega ástæða fyrir því.

20170901_170913.jpg (4.04 MiB) Viewed 7677 times

20180218_205859.jpg (1.84 MiB) Viewed 7677 times

20170830_210313.jpg (2.91 MiB) Viewed 7677 times

[helgierl]

Afsakið. Mikilvægasta myndin á hlið.....

[villi58]

Þú getur sett 5 cm kubba t.d. úr 60x60mm prófíl með botnum og soðið hann að neðan þá er þetta skothellt.
Mundi hafa það þannig sérstaklega á húsinu og helst á pallinum líka, sumir hafa fært eyrað upp að framan eða soðið kubbinn á eyrað, ýmsar útfærslur.
Sumir hafa fengið sprungur í frambrettin ef það er bara plastkubbur/öxull, hættan er mun meiri eftir því sem kubbarnir eru hærri því það verður svo mikil hreyfing á boddy.

[helgierl]

Ég skil. En voru menn ekki að færa þessa festingu til að sleppa við dekkjanúning líka?

[grimur]

Jújú, þetta hjálpar við að minnka dekkjanudd. Svo var stundum tekið af festingunni framanverðri til að fá pláss. Allskyns æfingar alveg.
Svo er líka málið að stilla neðri klafann framávið eins og mögulegt er, snúa stilliboltunum semsagt út að aftan, inn að framan. Það munar um hvern millimeter í þessu.
50mm hækkun krefst svosem ekkert endilega hækkunar á boddífestingum, en 100mm hækkun gerir það alveg klárlega, reynslan sýndi að það er best að hækka amk aðal húsfestingarnar þannig á þessum bílum, annars komu alltaf sprungur í gólf út frá kubbunum.

vonandi hjálpar þetta eitthvað
Grímur

[helgierl]

Takk fyrir svörin. Ég hallast að því að hafa hann bara áfram á 35 tommunum og slepp þá bara með væga hækkun, með nælon kubbum væntanlega.

[draugsii]

ég setti 36” undir minn án þess að hækka neitt klipti bara vel úr og virkaði fínt

[Kiddi]

Já það virðist vera nóg eftir til að klippa.

[almar]

Sæll. Þegar ég tók bílinn hjá mér þá hækkaði ég boddí um 70 mm og færði boddífestinguna aftan við framhjól upp sem nemur hækkuninni. Skar af festingunni alveg inn að húspúða og beygði hliðina sem snýr fram vel inn. Ég skar líka ágætlega úr boddíi. Mig minnir að ég hafi skilið eftir 2 cm inn að síls í horninu. Þessi breyting er slarkfær fyrir 38". Svo tók ég 99 hilux hjá félaga mínum um daginn og setti hann á 35". Setti enga boddíhækkun, skar bara úr og skrúfaði upp á klöfum og á nýjum 35" túttum rekst ekkert í í fullri beygju og talsverðri fjöðrun.
Kveðja Almar Óli Atlason

[helgierl]

Já Það er þetta með að skrúfa upp á klöfunum.. Þessi bíll var þannig þegar ég eignaðist hann í fyrra. Ég var bara svo ósáttur við fjöðrunareiginleikana að ég skrúfaði niður aftur og vil hafa hann þannig. En það kostar þá bara smá boddíhækkun.....

[almar]

Það er lítið mál að boddíhækka Hilux. Það þarf bara að lengja gírstangir, stýrisstöng, vatnslagnir, lagnir í stýrisvökvaforðabúr og eitthvað smotterí í rafkerfi og öðru....