Hið íslenska jeppaspjall

Langaði til þess að deila með ykkur myndum af Hiluxnum mínum. Þetta er 2000 módelið keyrður aðeins 177.000 og ég eignaðist hann í byrjun þessa árs. Fljótlega eftir að ég keypti hann smíðaði ég á hann rörastuðara að aftan þar sem krómstuðarinn var að yfirgefa samkvæmið. Stuttu seinna tók ég botninn í gegn og hreinsaði allt ryð úr honum, menjaði og setti Fluid. Film yfir. Það hefur ekkert ryðgað aftur. Keypti mér síðan 33" dekk undir hann í vor og skar úr fyrir 35 núna í byrjun september og skrúfaði hann upp á klöfum að framan. Ég fór síðan prufurúnt á honum á 33 og líkaði vel. Eitt leiddi af öðru, þegar ég skar úr fyrir dekkjunum sá ég að sílsarnir voru ónýtir. Ég skipti um þá og hafði þá úr 1,5 mm rafgalf auk þess að skipta um þreytt stykki í botninum. Allt ryð var sandblásið í burtu og menjað vel yfir allt saman. Nú er ég búinn að taka pallinn af og skar úr honum versta ryðið og hann fer í sandblástur vonandi á næstu dögum. Grindin lítur vel út undir pallinum en ég þurfti að sjóða nýtt í hana á tveimur stöðum undir boddíinu. Framrúðan er á leiðinni úr og þar þarf ég að sjóða nýtt í falsið báðum megin. Þegar ég hef lokið við að bæta það ætla ég að vinna bílinn undir sprautun og sprauta hann. Svo á ég til brettakanta sem ég ætla að breikka um ca 4 cm til þess að 33 tomman sleppi inn fyrir og svo þarf ég að smíða festingar fyrir stigbrettin og koma þeim á. Set inn fleiri myndir við tækifæri.

Hvað er þetta rauða efni sem ég hef séð menn mikið nota?

Ætigrunnur

Duglegur!

thordur9 wrote:Hvað er þetta rauða efni sem ég hef séð menn mikið nota?

Þetta er ætigrunnur sem ég fékk hjá Flügger.

Járni wrote:Duglegur!

Takk fyrir. Það verður að halda þessum bílum gangandi

Jamm flott vinnubrögð og flottur jappi

sukkaturbo wrote:Jamm flott vinnubrögð og flottur jappi

Takk fyrir

Svona er staðan eftir helgina. Búinn að sandblása og grunna framendann á bílnum auk þess að fóðra upp rúðuþurrkubrakketin. Næsta sem ég geri er að sjóða lokin aftur í hliðarnar undir framrúðunni.

Jamm flott en hvar fékkstu nýjar hliðar á skúffuna og hvað kostar það í dag

sukkaturbo wrote:Jamm flott en hvar fékkstu nýjar hliðar á skúffuna og hvað kostar það í dag

Sæll. Ég nota gömlu hliðarnar aftur, er ekki kominn með nýar.

alltaf gaman af svona brasi.

valsaðiru rörin í stuðaranum? hann kemur vel út

góður með þurrku brakketið ég er að flytja inn nýtt í minn bíl þetta kostar allt saman, og þar að auki er betra að hafa kopar og smurkopp!

íbbi wrote:alltaf gaman af svona brasi.

valsaðiru rörin í stuðaranum? hann kemur vel út

Sæll. Já hann heppnaðist vel. Ég beygði rörin í venjulegri rörabeygjuvél.

Sævar Örn wrote:góður með þurrku brakketið ég er að flytja inn nýtt í minn bíl þetta kostar allt saman, og þar að auki er betra að hafa kopar og smurkopp!

Já, ég var orðinn leiður á ískrinu í þessu svo að ég fóðraði þetta bara upp á nýtt. Það eina með smurkoppinn er það að það þarf að taka plasthlífina af til þess að smyrja, en það þarf nú varla að gera það oft.....

Þá er ég kominn með pallinn til baka úr sandblæstri. Sandblásturinn heppnast vel en hliðarnar drógu sig örlítið inn. Nú er bara að smíða nokkur ný stykki í hann og raða aftur saman.

Jæja svona er staðan í kvöld. Boddíið fékk að fara af og núna þarf ég bara að fá mér mótorgálga til þess að lyfta mótornum og tilheyrandi upp af grindinni. Ég ætla að strípa grindina og senda hana í sandblástur.

þetta er bara tekið alla leið, amennilegt!

íbbi wrote:þetta er bara tekið alla leið, amennilegt!

Já ég ákvað það að fyrst maður er byrjaður, afhverju þá ekki að klára. Maður verður kominn með algjörlega ryðlausan bíl.

Fyrir 26 árum síðan tók ég grindina úr 85 módel hlux og sendi í zinkstöðina og fékk hana skömmu síðar til baka galvaniseraða og og reyndar 20 kílóum þyngri. Enn í dag er hún stráheil en boddíið hefði þurft svipaða meðferð á sínum tíma. Ég mæli óhikað með þessari aðgerð en ef menn ætla að breyta grindinni þá er betri að gera það fyrst.

helgiarna wrote:Fyrir 26 árum síðan tók ég grindina úr 85 módel hlux og sendi í zinkstöðina og fékk hana skömmu síðar til baka galvaniseraða og og reyndar 20 kílóum þyngri. Enn í dag er hún stráheil en boddíið hefði þurft svipaða meðferð á sínum tíma. Ég mæli óhikað með þessari aðgerð en ef menn ætla að breyta grindinni þá er betri að gera það fyrst.

Það væri eina vitið að galvanisera grindina, en það vill víst enginn taka það að sér í dag, þeir vilja ekki fá óhreinindi innan úr grindinni í pottinn. Annars held ég að nokkrar þykkar umferðir með góðu lakki yfir grindina geri helling eftir sandblástur og úða vel af Fluid film inn í hana.

Svona er staðan í kvöld. Allt sundur rifið, grindin er í sandblæstri og afturhásingin að verða klár undir sprautun en ég er að bíða eftir nýjum hjólalegum og pakkdósum í hana.

Jamm vél og kassar 335kg Skoðaðu að skipta um allar klafafóðringar áður en þú setur saman

sukkaturbo wrote:Jamm vél og kassar 335kg Skoðaðu að skipta um allar klafafóðringar áður en þú setur saman

Skoða það

Jæja ég er búinn að gera helling í HILUX síðustu daga. Grindin sandblásin og sprautuð og öll þau stykki sem fara á hana. Svo er ég líka búinn að ryðbæta olíupönnuna á vélinni og sprauta.

Smellti inn nýjum myndum :)

Jamm þetta er aldeilis flott vinna hjá þér verður betri en nýr þessi bíll og mun endast vel og lengi í góðum höndum

sukkaturbo wrote:Jamm þetta er aldeilis flott vinna hjá þér verður betri en nýr þessi bíll og mun endast vel og lengi í góðum höndum

Takk fyrir það

Samsetningarmyndir.
Jæja það er ýmislegt búið að ske í bílnum síðustu vikur. Ég smíðaði 3" púst úr ryðfríu undir bílinn, setti boddýið aftur á um jólin og hækkaði það um 7 cm, græjaði brettakannta, ryðbætti, sparslaði og sprautaði. Það mætti segja að hann væri á loka metrunum í uppgerðinni.

Jamm bara flott vinna

Ótrúlega flott vinna.

já þetta er algjörlega til fyrirmyndar

og aðstaðan.. ekki verri

Takk fyrir :)

Jæja hér eru myndir af jeppanum frá því í kvöld. Hann er að mestu leyti kominn saman, aðeins eftir að sprauta frambretti og brettakanta sem eru klár í sprautun. Ég hefði helst viljaðað bíllinn væri klár einmitt núna þegar allt er á kafi í snjó hehe :) Lúxinn stendur á 35 " túttum á myndunum en mig langar til þess að sjá plássið með 38" undir á næstunni. Hugsa að ég lækki hlutföll í drifum einhvern daginn og langar mikið til þess að setja loftlæst framdrif í hann upp á drifgetu, ef einhver veit um slíkt. Kveðja frá Hvolsvelli

Tók tvær myndir af lúxa á milli élja í vikunni og ég er ekki frá því að hann sé farinn að langa í jeppaferð :) Svo eru hér myndir frá sprautningunni í kvöld. Glæran fer á annað kvöld

Þetta er að hafast!

Þetta er klikað flott

olafur f johannsson wrote:Þetta er klikað flott

Takk fyrir

Sæll hvað er gaman að sjá menn taka þetta svona almennilega ! Og ég get sagt það fullum hálsi að ég dauð öfunda þig að geta þetta allt saman :) Kv frá Selfossi