Hið íslenska jeppaspjall

Er með stuttan pajero 2,8 tdi 98 sem lætur eins og bensinbifreið sem yfirfyllist í blöndungnum, hann mökkreykir og dettur niður í snúningi, forsprengir þegar gefið er inn til að hann kafni ekki. Þetta kemur stundum fyrir þá oftast þegar hann er að hitna, annars I góðu lagi þess á milli. Kann einhver ráð við þessu? kv Eggert.

Enginn sem hefur fengist við svona gangtruflanir I dieselpajero?

Ég lenti einu sinni í þessu og þá voru vacum slöngur vitlaust tengdar upp við intercoolerinn aftur við hvalbak sem aukaolíumagn við aukið boost.

Hann er að svelta á olíu hjá þér.
Mundi kíkja á lagnirnar, oftast byrjað að draga aðeins falskt loft með rörunum sem koma upp úr tanknum.
Einu sinni lenti ég samt í því að minn byrjaði að draga loft í gegnum hnúðinn ofan á síuhúsinu, það er dæla þar til að handpumpa upp olíu og eitthvað fór í því og það tók alveg nokkra klukkutíma að finna út úr því.
En eins og ég sagði að þá er þetta í 99% tilfella í rörunum aftur í tank.
Gangi þér vel með þetta.

Yfirleitt reykja bílar ekki ef þeir svelta af olíu það er frekar sultur á lofti sem orsakar reyk allavega svartan

Diesel fer að reykja ef hann verður sveltur merkilegt nokk....

Rétt hjá Guðna, var einu sinni aftan við bíl upp á jökli og hann missti kraftinn og mökkreykti, olíusían full af drullu.
Svo eitt dæmi um Hilux mótor sem reykti mjög mikið fyrstu mín. hvítum reyk og orsökinn var bogin stimpilstöng á einum stimpli.

Gæti líka verið lítil grófsía í inntakinu á olíuverk.
Annars er allt til í reykmerkjum á dísel, fyrsta atriði er að tryggja olíu, loftlausa, að olíuverki. Svo má fara að skoða annað.
Kv
G

Sælir félagar. Bilun fundin, riðgat á olíuröri ofan á grindinni yfir afturhásingu. Setti til bráðabirgða slöngu frá tank yfir í síu. Gengur eins og klukka núna. Ég þakka fyrir öll svörin og ráðleggingar frá ykkur. KV Eggert.