Úrhleypibúnaður


Höfundur þráðar
Cruser
Innlegg: 156
Skráður: 29.mar 2010, 17:05
Fullt nafn: Bjarki Logason

Úrhleypibúnaður

Postfrá Cruser » 25.nóv 2016, 23:39

Jæja meiri vangaveltur, hvað mælir á móti því að setja slönguna frá hjóli og í gangbretti? Finn ekki mikið af svoleiðis á google, en flestir eru með þetta upp í brettakant. Hver er ykkar skoðun á þessu skiptir þetta einhverju máli?
Það er einn hi-lux með þetta svona og svo fann ég mynd af 70 cruser með þetta svona líka.
Svo eru nokkri með þetta í gangbrettið bara að aftan, og svo framvegis?

Svona einn sem er mikið að spá!!
Kv Bjarki
Viðhengi
urhleypi 2.jpg
urhleypi 2.jpg (93.67 KiB) Viewed 8522 times
urhleypi.jpg
urhleypi.jpg (98.7 KiB) Viewed 8522 times


Kv
Bjarki

User avatar

jongud
Innlegg: 2623
Skráður: 29.mar 2012, 08:39
Fullt nafn: Jón Guðmundur Guðmundsson
Bíltegund: Toyota Tacoma

Re: Úrhleypibúnaður

Postfrá jongud » 26.nóv 2016, 09:51

Mér finnst það einhvernvegin rökrétt að vera með slöngurnar að framan í brettakantinum vegna þess að það eru beygjur að framan.

Að aftan er það spurning hvað fer best með slöngurnar, ef slangan er í brettakantinum beygir maður slönguna, en ef hún er í stigbrettinu þá snýr maður upp á hana.
Ef slangan er í brettakantinum þá er hún að jagast til hliðanna í báðum tengjunum, uppi við kantinn og niðri við felgu.
Ef hún er í stigbrettinu þá er bara snúið upp á hana í tenginu við stigbrettið, en snúningurinn við felguna er tekinn upp af snúningshnénu.

Þetta eru mínar 11,33kr. Tek það fram að ég hef ekki átt jeppa með úrhleypibúnaði.

User avatar

eyberg
Innlegg: 444
Skráður: 16.júl 2011, 22:07
Fullt nafn: Elvar Eyberg Halldórsson
Bíltegund: Jeep WJ Grand Cherok

Re: Úrhleypibúnaður

Postfrá eyberg » 26.nóv 2016, 11:44

Veit um nokra sem eru með þetta svona að aftan eins og á myndum.
Einn félagi minn varar menn við að hafa þetta þarna slangan er altaf að afsnúa sér og fer þá að kuðlast niður og svo talar hannum að þetta sé aðtaf fult af snjó og srullu þarna í horninu hjá stigbrettinu.
Eg hef sett þetta í kantin og ekkert vandamál.
Jeep WJ Grand Cherokee 4.7 L HO
Elvar Eyberg Halldórsson
S:869 7454

User avatar

Gulli J
Innlegg: 168
Skráður: 22.mar 2010, 20:25
Fullt nafn: Guðlaugur Jónasson

Re: Úrhleypibúnaður

Postfrá Gulli J » 27.nóv 2016, 00:55

Þær eru hjá mér í miðjan brettakannt og kemur vel út, ég myndi ekki vilja hafa slöngurnar að framan í sílsa.
Guðlaugur Jónasson
Jeep Grand Cherokee 2005 5,7L Hemi 33" Jeep 1
Jeep Grand Cherokee 1998 5,7L Hemi 46" Jeep 2

Enda sagði presturinn, ef það eru bílar í Himnaríki þá eru það Jeep Grand Cherokee.

User avatar

Seacop
Innlegg: 43
Skráður: 09.mar 2013, 12:33
Fullt nafn: Óskar Þór Guðmundsson
Bíltegund: 90 Cruiser

Re: Úrhleypibúnaður

Postfrá Seacop » 27.nóv 2016, 09:33

Ég gafst upp á að hafa þetta í stigbrettinu hjá mér. Slangan átti það til að snúast niður á við og var þá orðin í hættu.


grimur
Innlegg: 890
Skráður: 14.mar 2010, 01:02
Fullt nafn: Grímur Jónsson

Re: Úrhleypibúnaður

Postfrá grimur » 28.nóv 2016, 03:15

Það er að mínu mati atriði að vera með amk 10mm, polyurethane slöngur. Minni slöngur eru ekki nógu stífar og flæða illa. Nylon er drasl og polyethylene tollir illa í tengjum.
Annað atriði er hvernig tengið kemur út í felgumiðjunni, mér fannst best að vera með beint eða 45° tengi, ekki 90° hné eins og margir nota. Ástæðan er að það er best að slangan hafi "náttúrulega sveigju" framhjá belgnum á dekkinu. Með þessu má líka hafa snúningstengið innar í felgunni. Með þessu móti má hafa slöngurnar hóflega langar og minna flaks á þeim.
Að framan er ómögulegt annað en tengja upp í kant, nema ætlunin sé að stýra semsagt ekki neitt. Að aftan hefur mér fundist allt í lagi að taka út frá stigbrettinu, það fylgir hreyfingu dekksins vanalega nokkuð fínt og lengdin á slöngu þannig nokkuð temmileg, þarf ekki einhverja svaka slaufu fyrir mesta sundurslag.
Aðalatriðið í stuttu máli finnst mér að vera með stífar en góðar slöngur, eins stuttar og maður kemst upp með, og þvinga þær ekki í 2 áttir (S beygja) heldur bara eina (J) sem veldur einna minnstri hættu á að þær þvælist í dekkin.

User avatar

jongud
Innlegg: 2623
Skráður: 29.mar 2012, 08:39
Fullt nafn: Jón Guðmundur Guðmundsson
Bíltegund: Toyota Tacoma

Re: Úrhleypibúnaður

Postfrá jongud » 28.nóv 2016, 08:10

Seacop wrote:Ég gafst upp á að hafa þetta í stigbrettinu hjá mér. Slangan átti það til að snúast niður á við og var þá orðin í hættu.


Ein spurning varðandi þetta, hvernig snúningshné ertu með?
Bendir það ekki til að þau séu of stíf á snúningnum þegar slangan snýst niður á við?

User avatar

Seacop
Innlegg: 43
Skráður: 09.mar 2013, 12:33
Fullt nafn: Óskar Þór Guðmundsson
Bíltegund: 90 Cruiser

Re: Úrhleypibúnaður

Postfrá Seacop » 28.nóv 2016, 08:41

jongud wrote:
Seacop wrote:Ég gafst upp á að hafa þetta í stigbrettinu hjá mér. Slangan átti það til að snúast niður á við og var þá orðin í hættu.


Ein spurning varðandi þetta, hvernig snúningshné ertu með?
Bendir það ekki til að þau séu of stíf á snúningnum þegar slangan snýst niður á við?


Ég er með hné með legum frá Loft og raftæki. Þegar menn eru komnir í mikinn kulda og hríð þá held ég að öll hné stífni að einhverju marki. Þetta er ekki lengur vandamál hjá mér þar sem ég færði þetta upp á bretta kantana. Annars er bara best að ef menn eru ekki vissir um það hvernig best er að hafa þetta þá prófa menn bara stigbrettin og færa sig svo upp í kantana ef það virkar ekki fyrir þá :-)

User avatar

AgnarBen
Innlegg: 884
Skráður: 10.mar 2010, 10:30
Fullt nafn: Agnar Benónýsson

Re: Úrhleypibúnaður

Postfrá AgnarBen » 28.nóv 2016, 14:57

Ég sé í raun ekkert sem mælir með því að hafa þetta í stigbrettið nema útlitslegs eðlis. Ef menn vilja ekki gata kantana sína að þá hef ég séð útfærslu þar sem slöngurnar eru teknar út undan kantinum en það væntanlega aðeins meiri hætta á að steinkast skemmi búnaðinn þar.

grimur wrote:Aðalatriðið í stuttu máli finnst mér að vera með stífar en góðar slöngur, eins stuttar og maður kemst upp með, og þvinga þær ekki í 2 áttir (S beygja) heldur bara eina (J) sem veldur einna minnstri hættu á að þær þvælist í dekkin.


Ég er sammála Grím varðandi það að stífleiki slöngunnar skiptir meginmáli til að þessi búnaður virki. Ég hef notað 8mm stífar slöngur með "ódýrum" 90° hnjám úr Landvélum í þau fjögur ár sem ég hef keyrt með þetta og hefur það virkað ágætlega. Hef notað sömu slöngurnar allan tímann en hef skipt út öllum hnjánum amk einu sinni á þessum tíma sem er nú eiginlega minna viðhald en ég bjóst við fyrirfram en það fer væntanlega allt eftir hversu mikið er ekið með búnaðinn.

grimur wrote:Annað atriði er hvernig tengið kemur út í felgumiðjunni, mér fannst best að vera með beint eða 45° tengi, ekki 90° hné eins og margir nota.


Ég hef aldrei séð beint tengi hjá neinum, hvar fær maður svoleiðis, er það með legu ?

kv. Agnar
Agnar Benónýsson

Jeep Cherokee 39,5"
http://www.jeppaspjall.is/viewtopic.php?f=9&t=7300


Hilmar Örn
Innlegg: 116
Skráður: 07.feb 2011, 18:05
Fullt nafn: Hilmar Örn Smárason
Bíltegund: 44" 4Runner
Staðsetning: Kópavogur

Re: Úrhleypibúnaður

Postfrá Hilmar Örn » 29.nóv 2016, 16:14

Hvað þarf miðjugatið fyrir leguna/gegnumtakið sem kemur í spöngina sem fer svo á felguna að vera svert? m.v. 10 mm slöngu.
Er þetta alltaf eins eða misjafnt eftir því hvað tegund er notuð?

User avatar

AgnarBen
Innlegg: 884
Skráður: 10.mar 2010, 10:30
Fullt nafn: Agnar Benónýsson

Re: Úrhleypibúnaður

Postfrá AgnarBen » 29.nóv 2016, 19:32

Hilmar Örn wrote:Hvað þarf miðjugatið fyrir leguna/gegnumtakið sem kemur í spöngina sem fer svo á felguna að vera svert? m.v. 10 mm slöngu.
Er þetta alltaf eins eða misjafnt eftir því hvað tegund er notuð?


Ég myndi byrja á því að ná mér í það sem þú ætlar að nota í þetta, þiltengið, múffur og hné, þá sérðu hvað þú þarft að bora stórt gat.

kv. Agnar
Agnar Benónýsson

Jeep Cherokee 39,5"
http://www.jeppaspjall.is/viewtopic.php?f=9&t=7300


Höfundur þráðar
Cruser
Innlegg: 156
Skráður: 29.mar 2010, 17:05
Fullt nafn: Bjarki Logason

Re: Úrhleypibúnaður

Postfrá Cruser » 29.nóv 2016, 19:48

Eru menn alment með loftkúta í þessu? Ég er með Fini dælu og ætla mér að nota hana kút lausa til að byrja með, en það hlýtur alltaf að þurfa pressustat við svona nema maður ætli alltaf að kveikja sjálfur á dælunni?

Kv
Bjarki
Kv
Bjarki

User avatar

AgnarBen
Innlegg: 884
Skráður: 10.mar 2010, 10:30
Fullt nafn: Agnar Benónýsson

Re: Úrhleypibúnaður

Postfrá AgnarBen » 29.nóv 2016, 20:16

Cruser wrote:Eru menn alment með loftkúta í þessu? Ég er með Fini dælu og ætla mér að nota hana kút lausa til að byrja með, en það hlýtur alltaf að þurfa pressustat við svona nema maður ætli alltaf að kveikja sjálfur á dælunni?

Kv
Bjarki


Ef bara er tekið mið af þörfum úrhleypibúnaðarins þá sé ég persónulega sé engann tilgang í að vera með kút í svona kerfi, ég læt bara þrýstinginn safnast upp í lögninni og pressustat sér um að slá út dælunni. Vanalega er maður bara að leika sér á bilinu 2-5 pund í ferð og með góða dælu þá er maður enga stund að bæta í og úr, maður gerir það hvort sem er yfirleitt bara á meðan maður er að keyra. Skil reyndar ekki af hverju menn eru svona fókusaðir að vera mikið flæði í svona kerfi, maður er yfirleitt að keyra þegar maður er að bæta í og úr og það skiptir mann óskaplega litlu máli hvort hlutirnir taki 10% lengri tíma ! .... kannski skiptir þetta meira máli ef maður er á 46-54" :)

Ég er meira að segja alveg hættur að láta pressustatið sjá um að slá út því einu sinni fór slanga af dælunni í húddinu hjá mér í vonskuveðri og því sló pressustatið ekki dælunni út (það byggðist aldrei upp neinn þrýstingur í lögninni) og þar sem ég er með aircon dælu þá heyrði ég ekki að hún var í gangi og hún gekk í klukkutímai og dó. Er að spá í að fá mér gaumljós í mælaborðið sem logar þegar dælan er í gangi :)
Agnar Benónýsson

Jeep Cherokee 39,5"
http://www.jeppaspjall.is/viewtopic.php?f=9&t=7300


Höfundur þráðar
Cruser
Innlegg: 156
Skráður: 29.mar 2010, 17:05
Fullt nafn: Bjarki Logason

Re: Úrhleypibúnaður

Postfrá Cruser » 29.nóv 2016, 22:55

Takk fyrir Þetta Agnar, er á þeirri skoðun líka að hafa kút fyrir ekki stærii sekk skiptir kannski ekki svo miklu máli. Ég ernú ekki svo lengi að pumpa í öll fjögur úr 4pundum í ca 27 pund, færandi slöngu á milli felgna. En klárlega pressutat á Fini dæluna og þá allir klárir.
Kv Bjarki
Kv
Bjarki


grimur
Innlegg: 890
Skráður: 14.mar 2010, 01:02
Fullt nafn: Grímur Jónsson

Re: Úrhleypibúnaður

Postfrá grimur » 30.nóv 2016, 03:38

Ég notaði þrýsting af soggrein á diesel turbo. Bullandi flæði en ekkert alltof mikill þrýstingur, þessvegna mikið atriði að lágmarka viðnám.
Feiknalega einfalt dæmi, og litlar líkur á að verða strand útaf loftleysi...

User avatar

ellisnorra
Póststjóri
Innlegg: 2809
Skráður: 06.feb 2010, 10:43
Fullt nafn: Elmar Snorrason (Elli)
Bíltegund: Patrol
Staðsetning: Travitsenfirkopfendorf

Re: Úrhleypibúnaður

Postfrá ellisnorra » 01.des 2016, 16:03

AgnarBen wrote: Er að spá í að fá mér gaumljós í mælaborðið sem logar þegar dælan er í gangi :)


Ég var með það þannig á luxanum mínum með aricon dælu og mun alltaf gera það eins þegar ég er með aircon dælu, að hafa rofa með gaumljósi þar sem gaumljósið kviknar og slökknar eftir pressostatinu, semsé það er ljós ef dælan er í gangi. Rofinn var snúningsrofi og mjög greinilegt hvort það var kveikt eða slökkt á kerfinu. Gífurlega ánægður með þetta setup.
http://www.jeppafelgur.is/

User avatar

AgnarBen
Innlegg: 884
Skráður: 10.mar 2010, 10:30
Fullt nafn: Agnar Benónýsson

Re: Úrhleypibúnaður

Postfrá AgnarBen » 03.des 2016, 20:10

elliofur wrote:
AgnarBen wrote: Er að spá í að fá mér gaumljós í mælaborðið sem logar þegar dælan er í gangi :)


Ég var með það þannig á luxanum mínum með aricon dælu og mun alltaf gera það eins þegar ég er með aircon dælu, að hafa rofa með gaumljósi þar sem gaumljósið kviknar og slökknar eftir pressostatinu, semsé það er ljós ef dælan er í gangi. Rofinn var snúningsrofi og mjög greinilegt hvort það var kveikt eða slökkt á kerfinu. Gífurlega ánægður með þetta setup.


Gallinn hjá mér er að rofinn er á milli sætanna þannig að ég sé ekki ef það logar á ljósinu í rofanum. Er því að hugsa um að fá mér eitthvað pínulítið nett ljós til að setja við framrúðuna svo ég sjái ef kvekendið fer í gang :)
Agnar Benónýsson

Jeep Cherokee 39,5"
http://www.jeppaspjall.is/viewtopic.php?f=9&t=7300


Izan
Innlegg: 616
Skráður: 29.mar 2010, 10:56
Fullt nafn: Jón Garðar Helgason

Re: Úrhleypibúnaður

Postfrá Izan » 03.des 2016, 22:57

Sælir

Ég hef einmitt verið í þessum pælingum. Ef maður vill nota t.d. díóðuljós er sáraeinfalt að gera það, það þarf bara að lóða viðnám við annan legginn ég man bara ekki hvað stórt fyrir 14V. Venjulegar díóður eru til í nokkrum stærðum og svo er hægt að kaupa t.d. hjá miðbæjarradíó tilbúna díóðu f 12V í húsi sem er auðvelt að festa í panel og kostar slikk. Búðir til að heimsækja eru miðbæjarradíó, íhlutir og aliexpress

Kv JGH


kaos
Innlegg: 124
Skráður: 08.okt 2014, 22:52
Fullt nafn: Kári Össurarson

Re: Úrhleypibúnaður

Postfrá kaos » 04.des 2016, 14:20

Til að reikna út raðtengiviðnám fyrir ljósdíóðu:

R=(Us-Uf)/If

Þar sem R er viðnámið í ohm, Us er spennan yfir rásina í voltum, Uf er spennan yfir díóðuna í voltum, og If er straumurinn í rásinni í Amperum.

Í "12 volta" bilarafkerfum má miða við Us=14V (hleðsluspenna í slíku kerfi, svona um það bil).

Uf er best að fá úr datablaði fyrir díóðuna (getur verið kallað Vf eða forward voltage þar), en fyrir venjulegar gaumljósadíóður má miða við eftirfarandi:
Rauð: 1,8V
Gul / Appelsínugul: 2,1V
Græn: 2,2V
Blá: 3,2V
Hvít: 3,6V
Það geta þó verið töluverð frávik frá þessu, eftir framleiðendum og efnasamböndum sem eru notuð í díóðurnar, en ef við höldum okkur við hóflegan straum og venjulegar LED (ekki super bright, low current eða önnur afbrigði) má miða við þetta.

If er líka best að fá úr datablaðinu (forward current), en fyrir venjulegar gaumljósadíóður má miða við 20mA fyrir bláar og hvítar, en 10mA fyrir aðra liti. Díóðurnar þola yfirleitt eitthvað meiri straum, sem er ástæðan fyrir því að okkur fyrirgefst allur slumpareikningurinn, en umframstraumurinn skilar sér yfirleitt aðeins að litlu leiti í bjartara ljósi. Verulega minni straumur þýðir hinsvegar daufara ljós, sem getur verið gott að hafa í huga ef ljósið reynist blindandi skært. Athugið að þegar straumurinn er settur inn í formúluna fyrir ofan þarf hann að vera í amperum, ekki milliamperum. Þ.e. 0,01 en ekki 10.

Að lokum er rétt að hafa í huga aflið sem tapast í viðnáminu. Það reiknast sem Pr=(Us-Uf)*If. Viðnámið þarf að þola a.m.k. þetta afl, annars brennur það fljótlega yfir. Algengt aflþol viðnáma er 0,25W, en þau fást bæði öflugri og aumari.

Dæmi: Rauð LED, Uf=1,8V, If=10mA. R=(14-1,8)/0,01=12,2/0,01=1220 Ohm. Við notum næstu staðalstærð, sem er 1,2kOhm. Pr=(14-1,8)*0,01=0,122W, svo 0,25W viðnám dugar ágætlega.

Annað dæmi: Blá LED, Uf=3,2V, If=20mA. R=(14-3,2)/0,02=10,8/0,02=540 Ohm. Næsta staðalstærð 560 Ohm. Pr=(14-3,2)*0,02=0,216W. Þetta er orðið óþægilega nærri 0,25W, svo hérna myndi ég mæla með 0,5W viðnámi.

--
Kveðja, Kári.


Til baka á “Almennt spjall”

Tengdir notendur

Notendur á þessu spjallborði: Engir skráðir notendur og 19 gestir