Hvaða 35" vetrardekk eru best?

[vidart]

Þá bæði hugsað í almennan akstur og úrhleypingar.
Hafði hugsað að míkróskera og negla.

Það sem ég hef verið að skoða er Toyo Open Country MT 35x13.50R15LT og Dick Cepek 35x12,5R15" DC Extreme Country.

Hefur fólk einhverja reynslu af þessum dekkjum eða getur bent á einhver önnur sem hafa reynst vel?

[ellisnorra]

Ég var einmitt á toyo mt 35" og ég elskaði þau dekk. Pabbi fékk sér ný fyrir ári síðan en þau eru byrjuð að springa í miðjunni á milli kubba, það finnst mér skítt. En frábær dekk, ég fór meira að segja í vetrarferðir á þeim á mínum hilux 91, yfir langjökul, kjöl, skoðaði túristagosið og fleira. Keyrði þau mikið úrhleypt, alveg niðurundir pundið og ekki alltaf varlega, affelgaði aldrei og þegar ég tók þau af felgunum þegar þau voru búin var enginn "sandur" (gúmmíkurl) inní þeim eins og stundum er.

[Óskar - Einfari]

Hvað er best getur verið rosalega tegjanlegt og persónubundið.
Sjálfur hef ég mjög góða reynslu af BfGoodrich. Ég keyrði 2 ganga af 35" R15 BFG AT á 10" breiðum álfelgum undir 1700kg hilux. Alveg frábært dekk, microskorin yfir allt munstrið. Góð í hálku, snjó, malarvegum og malbiggi.... notaði þessi dekk mikið úrhleypt án nokkura vandamála.
Keyrði síðan hálfan ganga af 35" R15 BFG MT á 12" breiðum felgum undir 2100kg Hilux. Komu ótrúlega óvart í þungu færi samanborið við 38" undir sama bíl, af sjálfsögðu ekki sambærilegt, en kom á óvart. Bældust svakalega enda doldið mjúk dekk undir þennan bíl. Hrikalega hávær og tæplega hálfslitin voru þau orðin afleidd í hálku og beinlínis hættuleg.... ég prófaði aldrei að microskera eða negla þessu dekk en það er klárt mál að það myndi hjálpa.

Fyrir sennilega 14-15 árum áskotnuðus mér hræódýrt 35" Fulda grófmynstruð mud terrain dekk. Þau lifðu af 1 eða 2 úrhleypingar áður en það komu kúlur á dekkið.

Ef ég ætti að velja mér 35" dekk í dag færi ég sennilega beinustu leið í 35" BFG AT microskorin yfir allt mynstrið. Toyo Open Country MT finnst mér mjög flott en hef enga reynslu til að segja frá.

Kv.
Óskar Andri

[aronicemoto]

Á til fyrir þig Mickey Thompson Baja Claw 35x12,5r15 ekin 4.000km míkróskorin sem aldrei hefur verið hleypt úr ef þú vilt alvöru dekk.

[vidart]

Aron, afhverju eru þetta alvöru dekk og hvað gerir þau betri en hin dekkin sem er búið að tala um?