Hið íslenska jeppaspjall

Veit einhver hvort og hvar 13,5 tommu breið, 33 tommu há dekk fást í dag? Ég hef undanfarna þrjá vetur verið með Toyo dekk af þessari stærð undir Grand Vitara, og líkað mjög vel. Núna er hinsvegar kominn tími á endurnýjun, en Bílabúð Benna segist ekki hafa flutt þessa stærð inn í nokkur ár.

Önnur spurning: Hvaða dekkjum mæla menn með sem fletjast vel út í snjókeyrslu. Sérstaklega ef ég neyðist til að fara í mjórri dekk, þá langar mig að ná eins miklu floti útúr þeim og mögulegt er. Ég er, eins og fyrr segir, mjög sáttur við Toyo dekkin, en viðurkenni að ég hef ekki mikinn samanburð, og hef heyrt að þau þyki full stíf.

--
Kveðja, Kári.

Hæ
Var að skoða þetta einmitt fyrir 1-2 árum. Það virðist ekkert vera til lengur 33 tommu sem er 13.5 tommur. Þessi dekk eru náttúrulega enþá til í 35 tommu, er ekki bara spurning um að taka fram stingsögina og skrallið og hækka súkkuna?

Það hefur verið hugleitt :-) Verstur fjandinn að þetta er vinnubíll, og ég má helst ekki við því að hann stoppi svo lengi. Á sama tíma er orðið aðkallandi að endurnýja dekkin. En hvernig er það, eru engin dekk sem menn mæla með frekar öðrum til úrhleypinga? Ég hélt að allt jeppafólk hefði skoðanir á dekkjum :-)

--
Kveðja, Kári.

bf goodrich bæði M/T og A/T fletjast vel ut

Ef þú vilt þessi Toyo dekk 33x13,5R15 þá er bara að flytja þau inn, verð í USA er c.a. $260x4 = $1000-1100. Ef þú flytur þetta inn með t.d. shopusa.is þá er þetta einhver staðar í kringum 200.000 kr. ISK heim komið.

Kv,
Þórir