Hið íslenska jeppaspjall

jæja nú þarf ég að finna einhver góð vetrardekk undir konubílinn, Kia CEED. En ég kann bara á jeppdekk sem eru mæld í tommum...... Hvað eru góð vetrardekk í 205/55R16?

Kv.
Óskar Andri

Sæll, keypti nýlega svona undir 2013 Megane - http://www.michelin.ie/tyres/michelin-crossclimate - Nýtt mynstur, er víst hannað meira sem heilsársdekk í raun og veru en ekki vetrardekk sem er líka notað á sumrin. Ending kemur í ljós en gott að keyra á þeim. Ætluð í akstur megnið af árinu.

Michelin nagladekk fara undir þegar veturinn kemur almennilega. Hafa reynst vel, gott grip og góð ending.

Negld eða ónegld?

Ég keyri um á "heilsársdekkjum" fá Nokien sem heita WRD4. Mér sýnist þau reyndar flokkuð sem snjó/vetrardekk erlendis og þau eru fín í það verkefni. Reyndar stoppar ekkert eins og gott nagladekk á blautum ís eins og við þekkjum, þar fyrir utan eru þetta eðal barðar finnst mér. Seld hjá max1 og kosta 19,500 stykkið í 205/55R16 Það er fyrir utan 20% afslátt sem MAX1 virðist bjóða á hverju hausti.

olei wrote:Negld eða ónegld?

Ég keyri um á "heilsársdekkjum" fá Nokien sem heita WRD4. Mér sýnist þau reyndar flokkuð sem snjó/vetrardekk erlendis og þau eru fín í það verkefni. Reyndar stoppar ekkert eins og gott nagladekk á blautum ís eins og við þekkjum, þar fyrir utan eru þetta eðal barðar finnst mér. Seld hjá max1 og kosta 19,500 stykkið í 205/55R16 Það er fyrir utan 20% afslátt sem MAX1 virðist bjóða á hverju hausti.

Það er nú það..... ætli það fari ekki eftir vali á dekkjum á endanum hvort þau verða negld eða ekki. Þessi bíll er auðvitað notaður lang, lang mest innanbæjar en við búum innarlega við Elliðavatn og þar er aðeins snjóþyngra og rutt seinna en annarstaðar. Góð vetrardekk sem eru mjúk tel ég að þurfi síður nagla en heilsársdekk gæti ég trúað að verði harðari í frosti, missi allt grip og þurfi frekar nagla.

Mörg heilsársdekk eru náttúrulega hvorki fugl né fiskur við hliðina á bestu vetrardekkjunum í snjó og hálku. Þessi dekk sem ég er að benda á eru ekki í þeim hópi. Enda setti ég gæsalappir á "heilsársdekk"

já... takk fyrir þetta. Þessi WRD4 eru áhugaverð. Ég er núna að bíða eftir tilboði frá Benna í Toyo harðskelja, Max1 í Nokian WRD4 og hakkapeliitta ásamt N1 í Michelin Xi2 og Xi3.... þetta heyrast mér allt vera afbragðsgóð dekk hakkapelliitta og Xi3 eru samt heldur dýr....

Mundi skoða Hankook hjá Sólningu líka við erum með svoleiðis undir frúarbílnum og eru að fara undir núna 5ta veturinn og allir naglar í enþá. Vissulega engin svaka keyrsla en mikið innanbæjar ásamt þónokkuð af ferðum á milli Selfoss og Reykjavíkur

Ég mæli með Hankook Ipike/W419 dekkjunum. Ég er með svoleiðis nagladekk undir frúarbílnum. Þetta er fjórði veturinn á þeim núna, ekki mikið slitin og allir naglar í enþá.
http://solning.is/dekkjaleit/hankook-sn ... /#H1018881
Og svo er verðið á þeim líka mjög gott.

Svo eru nátturleg Nokian og Continental mjög góð dekk.

kv Heiðar Þorri

Hef mjög góða reynslu af cooper dekkjunum. Mjúk og gott grip í hálku, ef dekkin eru hrein. Var með svoleiðis vetradekk ónelgd og það var aldrei neitt vandamál að komast upp og niður brekkurnar í mínu bæjarfélagi.

Ég færi í ný Nokian dekk en ég hef líka góða reynslu af Hankook iPike eins og var búið að nefna.
Vonda reynslu af minni merkjunum og var ekki ánægður með flott michelin naglalaus dekk fyrir 3-4 árum undir polo...

Þann dag sem löggan hættir að nota nagla, hætti ég líka.

Ég mæli með skelja dekkjunum frá Benna, ég er með þau undir gömlum E320 4matic benz, endast vel og mjög gott grip í snjó.
Ég keyri á þeim allt árið, sýnist að ég nái um 2 árum út úr þessum gangi, en næði örugglega amk 3 ef aksturstíllinn hjá mér og frúnni spændi ekki alltaf upp kantana á framdekkjunum....
Við keyrum í kringum 25k á ári