Hið íslenska jeppaspjall

Jæja er einhver reynsla af viti kominn á Nokian dekkin er að spá í þessu undir Econoline en er að velta fyrir mér felgubreidd?

Munstrið á þeim var víst ekki alveg að virka alveg nógu vel heyrði ég.

Ok var nefninlega búinn að heyra að þaug væru að skila mönnum nánast jafn langt og 46" MT

Sælir félagar,

Allar reynslusögur sem við höfum fengið hér í Arctic Trucks eru mjög jákvæðar. Ég veit til þess að undir sambærilegum bílum í sama túr var drifgetan mjög áþekk 46" þó að það væri búið að hleypa minna úr Nokian dekkinu.
Nánast allir minnast á hvað þau eru hljóðlát og einn atvinnubílstjóri sagðist hafa eignast nýjan vinnustað við að skipta yfir í Nokian, hann þyrfti ekki lengur að hrópa á samferðamenn sína í bílnum. Annar kvartaði yfir því að hann heyrði núna ýmis óþægileg hljóð í bílnum sem dekkjahvinurinn hafði áður yfirgnæft.
Einhverjir tala um að eyðslan sé talsvert lægri á Nokian vs. bæði 44" Dick Cepek og 46" MT.
Einnig virðist slitið vera mjög ásættanlegt en ég er ekki með tölur um það á reiðum höndum.

Það er rétt sem einhver minnist á hér í fyrra innleggi að dekkið er stærra um sig heldur en gamli góði Cepek og þarf að gera ráð fyrir aðeins meira plássi.

Almennt erum við mjög ánægðir með þetta og dekkið er komið til að vera.

Tek það fram að ég er starfsmaður Arctic Trucks og engan veginn hlutlaus í þessu máli, en ef þið hafið frekari spurningar skal ég svara þeim eftir bestu getu.

Bestu kveðjur,

Gísli.

Hvað er verðið að þessu dekki?

Gísli hefurðu einhverjar fregnir af reynslu með felgubreidd ég hef svo sem persónulega aldrey verið hrifin af alltof breiðum felgum

Dekkið er hannað fyrir 14-16" breiðar felgur, hefur verið sett á 18" og er ábyggilega fínt.

Ætli ég endi þá ekki í 16"

Er eitthvað að frétta af Nokien 44"
Gallar sem hafa komið upp? Slit?

Er einhver von til að finna svona gang notaðan undan túristabíl?

Ég var einmitt að tala við einn í dag sem kallaði þetta lyftaradekk, hann útskýrði það svosem ekkert betur nema hann væri ekkert ánægður með það og finndist mynstrið ekki vera nógu opið.
Aðrir dásama þetta, segja þau slitna mjög hægt og ég hef ekki tekið eftir einu einasta dekki af þessari gerð auglýst notað til sölu.

Svo munið þið að ég er að selja felgur fyrir þau :) jeppafelgur.is

Kv. Elli

Elli, býður þú upp á 16" breiðar felgur í 17" eða jafnvel breiðari?
*edit*
Ég sé á felguþræðinum að framleiðandinn býður mest upp á 14", sem er smá bömmer fyrir svona blöðrur.

Þau eru framleidd fyrir 14-16" breiðar felgur, ég hef séð þessi dekk á 14" breidd og það lítur vel út. Nokkrir sem taka felgur hjá mér núna ætla að setja þessi dekk á þær (að mig minnir 5).
En við þekkjum þessi trúarbrögð, sumir vilja bara breiðara og því miður get ég ekkert gert fyrir þá að sinni. Ég ætla samt að halda áfram að röfla í mínum manni að græja eitthvað breiðara, vonandi næ ég rörtöng á hann með auknu magni.

En ég ætlaði ekki að ræna þræðinum, ef menn vilja ræða þetta frekar þá er ég með þráð undir "Dekk og felgur" í söludálknum. Eða jeppafelgur.is

*edit* 4. mars
Nú er svo búið að ég er búinn að ná í risa rörtöngina og kappinn er til í breiðar felgur, 16-18" er ekkert mál í dag. Svona er þróunin krakkar mínir!
Ég ætla að panta meira núna í mars, vonandi um eða fyrir miðjan mars. Það verður þá komið til landsins í ágúst. Ég tek heilan troðfullan gám núna, það var grátlegt að horfa inní síðasta gám, margir rúmmetrar af lofti! Verð með lager fyrir næsta vetur.
viewtopic.php?f=30&t=35022
http://www.jeppfelgur.is

Takk Elli, sennilega er ekkert að 14" felgum í þetta, ég á raunar svoleiðis gang.

Ég var að heyra að hringurinn á þessum dekkjum sem fer upp á felguna væri óvenju þykkur, þannig að þau sitji illa á felgum sem eru ekki með þeim mun breiðara spor fyrir dekkið.
Er eitthvað til í því?

nei hann er bara svipaður og á venjulegu dekki