Lapplander kostir og gallar.

[Alpinus]

Félagi minn er að spá í Volvo Lapplander C 202 '81-'82 2L bensín.
Veit einhver um helstu kosti og galla þessara bíla? T.d. hvernig reyndust þessar vélar og er kramið í lagi?

Kv
Hansi

[Startarinn]

Ég veit nú lítið um kostina, var ekki aðal vandamálið við þessa bíla að fá dekkinn til að snúa að jörðinni??

[Alpinus]

Jú, eitthvað hefur maður nú heyrt um það. Veit samt ekki hvað er satt og logið í því.

[birgthor]

Ekki gerður fyrir bílstjóra yfir 185 með góðu móti. Ég gat allavega ekki keyrt einn sem ég prófaði, þá var aðal vandamálið að kúpla en ég þurfti að opna hurðina til þess. Sá var til sölu fyrir um ári síðan, grænn með bensínbrúsa að aftan og komin með aðrar driflæstar hásingar. Er þetta kannski hann?

Kv. Biggi

[Einar]

Ég veit um dæmi þess að þeir hafa dottið á hliðina í vindi standandi úti á túni enda frekar mjóir og háir, smíðaðir til að athafna sig í skóglendi.
Það sem er leiðinlegast við þessa bíla er að þú situr fremst í bílnum og þar með ertu á miklu meiri hreyfingu heldur en þegar þú situr nær miðjum bílnum og síðan eins og minnst var á áður eru þeir ekki smíðaðir fyrir fullvaxið fólk.
Hvað bilanir varðar þá hef ég ekki mikið heyrt um svoleiðis enda kramið nokkuð þrautreynt Volvo dót með amerískri íblöndun en þeir ryðguðu hins vegar nokkuð hratt.
Þess má geta að almenningsútgáfan C202 er ekki smíðuð í Svíþjóð heldur í Ungverjalandi en herbílarnir L3314 eru hinsvegar Sænsk smíði.

[Alpinus]

Biggi, já þetta er sá bíll. Félagi minn er ekki sérlega hár í loftinu svo það ætti ekki að vera vandamál;)

Einar, ég man þegar ég var yngri (30+ár síðan) og ferðaðist um í svona bíl með afa og ömmu margsinnis yfir Kjöl því þau unnu á Veðurathugunarstöðinni á Hveravöllum og ein af minningunum er að sjá afa og ömmu hoppandi upp og niður í framsætunum á skemmtilega holóttum Kjalveginum.
En hver er helsti munurinn á c202 og L3314, veistu það?

[Einar]

Veit ekki mikið um muninn á þeim nema ég held að C202 hafi verið með stærri vél (B20 í stað B18) og aðrar hásingar. Flestir bílarnir sem eru til hérna eru C202 sem voru fluttir inn upp úr 1980, þeir voru flestir innfluttir 2-4 ára gamlir en ónotaðir, hafa sem sagt verið einhverjar eftirlegukindur. Það komu bæði yfirbyggðir bílar og einnig pickup með blæju og það var byggt yfir þá hérna heima af Ragnari Valssyni og fleirum.

Þessir Íslensk yfirbyggðu bílar hafa greinilega vakið athygli Þjóðverja sem keypti einn og flutti hann til Þýskalands, hann skrifar um hann hérna fyrir þá sem lesa Þýsku: http://www.offroad-forum.de/viewtopic.php?t=38339&start=0&postdays=0&postorder=asc&highlight=.

Einnig er hægt að láta Google translate þýða fyrir sig, hér er þýðing (þýðingin er þannig að það þarf eiginlega að "þýða" þýðinguna): http://translate.google.com/translate?js=n&prev=_t&hl=en&ie=UTF-8&layout=2&eotf=1&sl=de&tl=is&u=http%3A%2F%2Fwww.offroad-forum.de%2Fviewtopic.php%3Ft%3D38339%26start%3D0%26postdays%3D0%26postorder%3Dasc%26highlight%3D

[Offari]

Gömlu lapparnir voru bylting í jeppum á íslandi enda voru þeir á stærri dekkjum en aðrir jeppar. Ungversku bílarnir reyndust ekki eins vel enda lítið þróaðir og margir betri bílar komnir þá á markað. Vinsældirnar byggðust því á fornri frægð en gallinn var helst í hjólabúnaði (legur voru að gefa sig) Kramið var að öðru leiti gamalt og gangvist. Einfaldir bílar eru oft auðveldari í viðhaldi því færra getur bilað og því segi ég að helstu kostir Lappans hafi verið einfaldleikinn en gallarnir voru að bílarnir voru valtir og þröngir.

[Alpinus]

Frábærar myndir hjá Þjóðverjanum, Einar.

Mig er farið að langa í þennan bíl sem félagi minn er að spá í ;)

Já, og einfaldleikinn er eftirsóknarverður eignileiki í jeppa að mínu mati.

[Einar]

Frábærar myndir hjá Þjóðverjanum, Einar.

Mig er farið að langa í þennan bíl sem félagi minn er að spá í ;)

Já, og einfaldleikinn er eftirsóknarverður eignileiki í jeppa að mínu mati.

Já einfaldleikinn er vissulega eftirsóknarverður eiginleiki í jeppa, sá búnaður sem ekki er í bílnum getur heldur ekki bilað.

Það komu nokkrir svona bílar til landsins líklega í kringum 1970 og fóru allir til ríkisstofnana, rafveitu, síma og fleiri. Það gengu miklar þjóðsögur um þvílík torfærutæki þetta voru en það sem menn gerðu sér ekki grein fyrir þá var að þeir fóru meira en aðrir jeppar vegna þess að þeir voru á stærri dekkjum. Þegar menn fóru að setja þessi svokölluðu "Lappadekk" undir aðra jeppa fóru þeir líka að komast meira og með þeim breytingum sem menn þurftu að gera til að koma þeim undir má segja að skriða jeppabreytinga hafi farið af stað á Íslandi.

[arnia]

Fyrst minnir mig að Volvo Lapplander hafi nær eingöngu verið í þjónustu stofnana eins og Pósts og Síma, Orkustofnunar, Rarik og annarra slíkra. Þá horfði maður á þessa bíla með hálfgerðri lotningu enda voru þeir á þess tíma mælikvarða á hrikalegum risatúttum.
Til samanburðar þá voru jeppar þessa tíma á 700x16 dekkjum eða svipuðu.
Seinna ( kring um svona ca.1978 minnir mig ) kom svo slatti af þessum bílum til landsins, og voru margir þeirra pallbílar sem hinar ýmsu bílasmiðjur og einkaaðilar byggðu svo yfir.
Um þetta leyti var ég að skrifa eitt og annað gáfulegt í blað sem hét að mig minnir Mótor og var gefið út af Jóni S. Halldórssyni heitnum rallkappa með meiru. Þá tók ég að mér að reynsluaka Volvo Lapplander og var fenginn að láni bíll sem var í eigu hvorki meira né minna en sjálfs Gunnars Ásgeirssonar, eiganda Volvo umboðsins á Íslandi.

Til að gera langa sögu stutta, þá olli sá reynsluakstur mér ósegjanlegum vonbrigðum, og komst ég að því að bíllinn sem maður hafði horft til dreymnum augum svo lengi var ekkert annað en hörmung á afburða dekkjum.
Við vorum kokhraustir ungir menn á þessum tíma og sögðum meiningu okkar ósnyrta, enda kom á daginn eftir að greinin birtist að Gunnar varð alveg æfur yfir þeim dónaskap að fá lánaðan endurgjaldslaust ( með fullan bensíntank) bíl til reynsluaksturs og launa það svo með hálfgerðum níðskrifum.
Bíllinn var í stuttu máli kraftlaus, hastur,drifgeta léleg ( lyfti hjóli við minnsta vinding ), kastaði ökumanni upp og niður af minnsta tilefni, níðþungur í stýri, kúplingspedali var stiginn niður ( ekki fram) og 70 kg maður varð að standa uppréttur og halda í stýrið til að koma pedalanum niður. Bremsurnar voru bara hægjur. Bíllinn tók svo hrikalega á sig vind að í strekkingi skáhalt framan á bílinn datt hámarkshraðinn niður í 50 km klst. og maður varð að beita framhjólunum 45 gráður upp í vind til að missa bílinn ekki útaf. Ég man að ég lokaði greininni eitthvað á þá leið að svona bíl keyrðu menn varla af fúsum og frjálsum vilja, heldur þyrfti að koma til, annað hvort vel borguð vinna eða herskylda.
Kannski var maður of dómharður, en varla er samanburðurinn bílnum hagstæðari í dag með alla þá flóru góðra torfærubifreiða sem völ er á um þessar mundir.

[Startarinn]

Fyrst minnir mig að Volvo Lapplander hafi nær eingöngu verið í þjónustu stofnana eins og Pósts og Síma, Orkustofnunar, Rarik og annarra slíkra. Þá horfði maður á þessa bíla með hálfgerðri lotningu enda voru þeir á þess tíma mælikvarða á hrikalegum risatúttum.
Til samanburðar þá voru jeppar þessa tíma á 700x16 dekkjum eða svipuðu.
Seinna ( kring um svona ca.1978 minnir mig ) kom svo slatti af þessum bílum til landsins, og voru margir þeirra pallbílar sem hinar ýmsu bílasmiðjur og einkaaðilar byggðu svo yfir.
Um þetta leyti var ég að skrifa eitt og annað gáfulegt í blað sem hét að mig minnir Mótor og var gefið út af Jóni S. Halldórssyni heitnum rallkappa með meiru. Þá tók ég að mér að reynsluaka Volvo Lapplander og var fenginn að láni bíll sem var í eigu hvorki meira né minna en sjálfs Gunnars Ásgeirssonar, eiganda Volvo umboðsins á Íslandi.

Til að gera langa sögu stutta, þá olli sá reynsluakstur mér ósegjanlegum vonbrigðum, og komst ég að því að bíllinn sem maður hafði horft til dreymnum augum svo lengi var ekkert annað en hörmung á afburða dekkjum.
Við vorum kokhraustir ungir menn á þessum tíma og sögðum meiningu okkar ósnyrta, enda kom á daginn eftir að greinin birtist að Gunnar varð alveg æfur yfir þeim dónaskap að fá lánaðan endurgjaldslaust ( með fullan bensíntank) bíl til reynsluaksturs og launa það svo með hálfgerðum níðskrifum.
Bíllinn var í stuttu máli kraftlaus, hastur,drifgeta léleg ( lyfti hjóli við minnsta vinding ), kastaði ökumanni upp og niður af minnsta tilefni, níðþungur í stýri, kúplingspedali var stiginn niður ( ekki fram) og 70 kg maður varð að standa uppréttur og halda í stýrið til að koma pedalanum niður. Bremsurnar voru bara hægjur. Bíllinn tók svo hrikalega á sig vind að í strekkingi skáhalt framan á bílinn datt hámarkshraðinn niður í 50 km klst. og maður varð að beita framhjólunum 45 gráður upp í vind til að missa bílinn ekki útaf. Ég man að ég lokaði greininni eitthvað á þá leið að svona bíl keyrðu menn varla af fúsum og frjálsum vilja, heldur þyrfti að koma til, annað hvort vel borguð vinna eða herskylda.
Kannski var maður of dómharður, en varla er samanburðurinn bílnum hagstæðari í dag með alla þá flóru góðra torfærubifreiða sem völ er á um þessar mundir.

Það vantar "LIKE" hnappinn núna

[Einar]

Þessi frægu lappadekk voru nú svo sem engar risablöðrur, minn fyrsti jeppi var Jeepster á svona dekkjum, mig minnir að þetta hafi verið 9.00x16 eða etthvað slíkt líklega kringum 33" á hæð en ekki mjög breið. En miðað við það sem var almennt undir jeppum á þeim tíma var þetta stórt. Man að afi minn setti yfirstærð undir Landróverinn sinn 7.00x16 en þeir voru venjulega á 6.00 eða 6.50x16, Willisjeppar og rússarnir voru líklegast á 6.00x15 eða eitthvað í þeim dúr.

[birgthor]

Her bíllinn þar er C303 er allt annar bíll, hann er breiðari og lengri með læstar hásingar sem eru niðurgíraðar út við hjól. Þeir voru einnig með stærri mótora.

[Einar]

Efri bíllinn heitir C306 en sá neðri C303. Síðan er til bíll sem heitir C304 og er eins og neðri bíllinn en 6 hjóla. Þessir bílar tóku við af Laplander (L3314).

[Krúsi]

Hérna var smá umræða um þessa skemmtilegu tæki,

viewtopic.php?f=2&t=931&p=4527#p4527

kv.
Markús

[Dodge]

Aðal vandinn við þá er íslenska yfirbyggingin, hún ber mikla ábyrgð á því hvað þeir eru valtir.
Þessir bílar áttu bara að vera pickupar eða með blæju.
Massíft stálhús er bara allt of mikil þyngd í toppinn á bíl sem er svona svagur.

[gaz69m]

Her bíllinn þar er C303 er allt annar bíll, hann er breiðari og lengri með læstar hásingar sem eru niðurgíraðar út við hjól. Þeir voru einnig með stærri mótora.

hvað eru margir af þessum á landinu þetta væri líklega flottur húsbíll/fjallabíll. og það ljótur að mig langar í

[birgthor]

6 hjóla bíllinn er hérna á Íslandi, hann er á 6x38" dekkjum. Hann stóð lengi vel á bílasölu.

[Sidekick]

6 hjóla bíllinn er í smá gegnumtekt þessa dagana. Ljósashowið + dýraleifar fjarlægt og hann gerður einlitur.

Verður klár fyrir sumarið.