Of stór dekk undir nýja jeppanum?

[hobo]

Jæja það hlaut að koma að því, loksins komin súkka (Jimny) aftur á heimilið. Mikið er gott að vera til.
Eina vafaatriðið eru dekkin, þau eru stærri en orginal og vil ég vera viss um að bíllinn sé réttu megin við lögin ef kemur að tjóni.
Tryggingafélagið yppir bara öxlum og bendir á að bíllinn þurfi bara að standast skoðun á þeim sem hann hefur margsinnis gert. Þá var hringt á eina skoðunarstöð og náunginn sagði að dekkin væru of stór. Hvað finnst ykkur, er það ekki 10% reglan sem gildir?
Orginal dekkjastærðin er 205/70 R15
Núverandi dekkjastærð er 265/75 R15

Hér er tafla sem fannst en hún nær ekki yfir orginalinn.

[hobo]

IMG_2263.JPG (728.6 KiB) Viewed 3418 times

[Brjotur]

samkvæmt 10% reglunni máttu vera með 245/70

[hobo]

Þá er magnað hvernig bíllinn fæst skoðaður og allir sáttir, en ef bíllinn lendi í tjóni fengist líklega ekkert bætt, ekki satt? Gat á kerfinu?

[Lindemann]

Er þá ekki bara málið að fara með hann í breytingaskoðun?

[hobo]

Nei það er ekki inn í myndinni.

[Sævar Örn]

205/70r15= 668mm

668+10% = 735 mm

265/75r15 = 779mm


Raunar er miðað við 10% stækkun í reglugerð, en vikmörk gefin við aðalskoðun, 1%, þannig 668+11%=741mm, sem er samt hvergi nærri nóg

Þar af leiðir að þessi bíll á þessum dekkjum er ekki leyfilegur samkvæmt reglugerð og á því ekki að standast skoðun

Sennilega lítur bíllinn ekki út fyrir að vera mikið breyttur og hafa skoðunarmenn því ekki tekið eftir þessu atriði

athugaðu að reiknuð stærðarbreyting er reiknuð út frá skráningu en ekki upplýsingum framleiðenda, þannig ef bíllinn var etv. skráður nýr á aðeins stærri dekkjum en þú nefnir, gæti þetta sloppið

en ef þetta stendur svona, 205/70r15 í skráningarskírteini bílsins þá eru þessar upplýsingar réttar

[Sævar Örn]

viðhengd er mynd af skoðunarhandbókinni

[hobo]

Dekkjastærð er ekki skráð í skráningarskírteini, bara skoðunarvottorði...?
En mér sýnist sem svo að neyðist til að selja þessi og kaupa minni dekk.

[Sævar Örn]

já skoðunarvottorð gildir, þar eru nýjustu uppls. um gerðarlýsingu bílsins

[Brjotur]

Ég verð nú að segja að mér er það til efs að það yrði gert mál úr svona dæmi , þetta er svo litill munur :) en það er bara mitt persónulega álit

[hobo]

Já ég er örugglega að blása þetta upp, en það er þetta vafaatriði sem mér líkar ekki við.
Svo lækkar líka eyðslan við það að minnka dekkin svo þetta er ekki alslæmt.

[Sævar Örn]

Þú ert greinilega með augun vel opin, og auðvitað er það bara frábært!

[Járni]

Þetta topic er eitthvað svo ójeppaspjallslegt :)

[hobo]

Ég veit, hef bara svo ofboðslega gaman að hneyksla fólk :-)