Ég keypti mér nýlega breyttan Cherokee 91 módel High Output breyttan á 38". Mér var sagt að undir honum væru Dana 44 hásingar bæði að framan og aftan, ég las á millikassann sjálfur og sá að það np 231 J með hlutföllin 2.72
Ég er alveg blautur á bak við eyrun í þessum fræðum og sé bara á spjallsíðum hvað menn eru að tala um og reyni að fræðast þannig. Nú þegar hef ég rekið mig á ókost þess að bíllinn minn sé t.d. ekki með driflæsingum og ég hef einnig tekið smá snúning á honum á hálum vegi þrátt fyrir að vera í fjórhjóladrifinu.
Nú hvíla á mér nokkrar spurningar um það hvað ég geti gert fyrir bílinn minn til að gera hann betri.
- Hvernig get ég sannreynt að undir honum séu D44 hásingar og þarf ég ekki að vita hlutföllinn í drifunum ef ég er að spá í einhverjum læsingum á þau?
Hverjir eru að græja loftlæsingar í bílana hér, einhverjir ódýrari lausnir í því en það sem ég heyrði t.d. frá ArcticTrucks? Hvað með no-spin, er það eitthvert vit?
Er það ekki rétt skilið hjá mér að np 231 millikassinn sé harðlæstur um leið og hann er settur í 4wd?
Hvaða skilyrði eru fyrir því að hægt sé að láta negla dekk? Munar það öllu þegar komið er á hálan veg á svona háum bíl? Hverjir negla svona dekk?
Ég þarf í raun og veru bíl sem er öflugur í flestar gerðir af snjó en ég verð að geta keyrt hann annað slagið á vegi þó það sé smá ís á honum. Ég hef heyrt að mjög gróf dekk séu ekki endilega best í snjóinn þar sem þau grafi sig bara frekar niður, er það rétt?
Mig vantar óskaplega að græja á hann afturkastara. Hvert er best að snúa sér í svoleiðis, hvernig festingar og hvernig tengt við rafkerfi bílsins? Er með 4 hnappa í mælaborði þar sem aðeins einn er í notkun fyrir framkastarana sem virðist reyndar einnig vera slaufað inn á rofan fyrir háu ljósin. Væri ekki hægt að nota einn af þeim í afturkastara?
Með von um að fá að heyra sem flestar skoðanir á sem flestum af þessum pælingum mínum.
Kv. Reynir