Hið íslenska jeppaspjall

Sælir,
Ég ætla að kaupa mér 1/2" loftlykil í skúrinn, og er með smá valkvíða.
Hann þarf að vera sæmilega öflugur til að duga í allar "alhliða" bílaviðgerðir, helst ekki þyngri en 2kg.
Notkunin verður nú ekki mikil, þannig að ég er ekki alveg til í að spreða í einhvern 70þús.kr Ingersoll-Rand eða álíka.

Hinsvegar nenni ég ekki að vinna með neitt drasl, þannig að ég er velta fyrir mér hvort þessir í ódýrari kantinum sem fást hérna á klakanum dugi.
Er einhver ykkar sem þekkir til eða hefur reynslu af t.d. þessum frá Sindra og Loftverkfærum ?

http://www.sindri.is/loftlykill-12-ibtkaac1660
http://loftverkfaeri.is/shop/product.php?id_product=230
http://loftverkfaeri.is/shop/product.php?id_product=235

Þetta virðist óþekkt erlendis og því enga dóma um þessar græjur að finna á netinu.
Var líka búinn að sjá eitthvað hjá Fossberg, annars veit ég ekki alveg hvaða aðrar sjoppur eru að selja svona.
Eflaust gildir "þú færð það sem þú borgar fyrir", en það væri gott að fá einhver komment frá ykkur til að auðvelda valið

kv,
Arnar

Ég myndi fara í iðnaðarlausnir lang bestu loftlyklarnir

Persónulega mundi ég skoða Toptul lykilinn af þessum þremur. Ég tel mestar líkur á að hann sé framleiddur í Taiwan (gott) af því að Rotar sem á Toptul vörumerkið er þar og virðist helst skipta við byrgja frá Taiwan. Annars eru flestir loftlyklar í dag framleiddir í kína - eins og t.d margar gerðir af Ingersoll Rand.

Poulsen var (er?) að selja loftverkfæri m.a loftlykla frá mjög góðum framleiðanda í Taiwan. Gison. Þau voru tiltölulega ódýr hjá þeim. Ég mundi tékka á hvort þeir eigi eitthvað til. Síðast þegar ég leit við í Poulsen virtist mér úrvalið af Gison vera minnkandi og annað að taka við sem ég veit ekkert um. Sýndist það vera lakara stöff sem búið var að klína á límmiðum frá Sonic eða eitthvað í þeim dúr.

Þessi http://www.ebay.com/itm/Ingersoll-Rand- ... 76&vxp=mtr
er t.d heimkominn á 30.153 skv. tollur.is + umsýslugjald hjá póstinum

svo eru til margir ódýrari líka leitar af 1/2" air impact wrench

http://logey.is/vorur/kraftwerk/loftverkfaeri/loftlykill_1330_nm_3836/

ég er að nota einn svona í vinnunni núna, hann er ekkert að gefa 90 þúsund IR titanium lyklinum eftir

Meira tork er amk betra. Þótt þú þurfir aldrei að herða nokkurn skapaðan hlut í 1300 newtonmetra þá er það svo helvíti gott að hafa nóg tork til að geta losað allt sem er fast.

Wurth, hef góða reynslu af þeim.

Takk fyrir svörin. Það er greinilega nóg í boði þannig að valkvíðinn hefur lítið minnkað. Ég verð vonandi sáttur við valið hvað sem það verður, væntanlega eitthvað á verðbilinu kringum 30k.

Logey!!!!!!!!!!!!! Engin spurning. Sanngjarnir og gottt verð.

arnar75 wrote:Takk fyrir svörin. Það er greinilega nóg í boði þannig að valkvíðinn hefur lítið minnkað. Ég verð vonandi sáttur við valið hvað sem það verður, væntanlega eitthvað á verðbilinu kringum 30k.

Ég held að þú sért kominn með eitthvað meira en valkvíða, sjá fyrsta póst, verðhugmynd.

Því miður er aldrei hægt að fá að prófa þessa lykla hjá söluaðilum. Marga lykla skortir stillimöguleika og það er mjög misjafnt hvernig gikkurinn virkar. Of margir eru þannig að þegar tekið er í gikkinn gerist lengi vel ekkert en svo verður skyndilega allt brjálað og Þá fljúga toppar og framlengingar og hver veit hvað í allar áttir. Svoleiðis lyklar eru vart nothæfir við samsetningu á nokkrum hlut þar sem þeir ofherða minni bolta áður en maður nær að sleppa gikknum. Fyrir marga eru þau tilvik þar sem þetta skiptir máli margfalt fleiri en þau þar sem toppátak ríður baggamun.

Persónulega langar mig mest í japanskan Kuken. Þeir eru léttir, hljóðlátir og með góða stillimöguleika og næman gikk. Mikið notaðir í samsetningarverksmiðjum. Þetta eru 3-500 N lyklar.

hvað kostar þessi í Logey?

mynnir að hann hafi verið um 50þ, en bara hringja og spyrja

Fékk uppgefið í morgun að þessi í Logey sé um 45þús með einhverjum afslætti.

Vélar og Verkfæri eru CP og ACDelco á undir 35 þúsund.

Þráinn wrote:http://logey.is/vorur/kraftwerk/loftverkfaeri/loftlykill_1330_nm_3836/

ég er að nota einn svona í vinnunni núna, hann er ekkert að gefa 90 þúsund IR titanium lyklinum eftir

Þessi er svakalegur 1486 Nm sem er það mesta sem ég hef séð í 1/2 lyklum.

Stilling er að selja loftlykla frá ks tools verðið er 35 þús fyrir monster lykilinn 1690nm

Bara til fróðleiks:

KS-tools, Kraftwerk, Sonic, ACDelco og Wurth os.frv. eru fyrirtæki sem frameiða engin verkfæri sjálf og alveg örugglega ekki loftlykla. Þau kaupa lyklana og merkja sér þá. Ekkert að því svosem, en fyrir bragðið er þeir sem kaupa þessi merki alltaf að borga extra fyrir sömu vöru m.v að finna hana undir merkjum hins raunverulega frameiðanda, eða öðrum ódýrari merkum.