Hið íslenska jeppaspjall

Sælir og gleðilegt nýtt ár,
Ég sá skemmtilegan þráð á erlendu spjalli þar sem þessari spurningu var hennt framm.

Hvað eru menn allaf með í bílnum hjá sér?

Sjálfur er ég alltaf með startkappla, tóg, sjúkrapúða og símahleðslutæki

Það er margt en meðal þess er neyðarblys, er alltaf með 2 slík í jeppanum og passa að endurnýja þau árlega og brenna þau gömlu á nýársnótt.

Kv. Freyr

Allt ofangreint er gáfulegt að hafa með og eiginlega engin ástæða að sleppa því, þó langar mig að bæta við að gott er að hafa spelku meðferðis, það er hægt að fá spelku úr áli í rauðakrossbúðinni á að mig minnir 1990 kr og tekur ekkert pláss og vigtar ekkert, er minni um sig en sjúkrapúði

Alveg ótrúlegt hvað maður getur spelkað traust með því að beygja álið í stans og þannig komið í veg fyrir hreyfingu á broti t.d. handarbroti eða fótbroti sem koma oft fyrir í óbyggðum, t.d. þarf oft ekki mikið út af að bregða svo maður brjóti óvænt ökkla eða fót við að ganga í djúpum snjó,


Ég hef ekki verið með þetta stk meðferðis í ferðum hingaðtil en hef oft hugsað til þess eftir að hafa setið skyndihjálparnámskeið hversu litlu hefur mátt muna margsinnis að grípa þyrfti til slíkrar spelku

Ég er með sjúkrapúða slökvitæki kaðal skóflu verkfæri viftureimar kert kertaþræði kveikjulok og hamar
vetlinga og einota hanska hjólalegur framan á eftir að fá vara að aftan og eins hjöruliðskrossa já og er með tappa set auka ventla hettur og pílur vasaljós felgubolta felgurær plastbönd

Harðfisk og gúmmískó. Alvöru jeppakallar þurfa ekkert meira en það. :)

fyrir utan þetta vanalega sem allir eru með; basic verkfærasett spotta skóflu og sjúkrabúnað þá er þetta alltaf með í bílnum, svona hlutir sem maður getur alltaf reddað sér einhvað á

verklegan skiftilykil
sleggju
felgubolta og rær
ducktape
handfylli af bennslum
handfylli af vírum
handfylli af allskonar boltum og róm
gaslóðbolta og tin
handfylli af allsonar öryggjum - hef bjargað nokkrum á því fyrir engan kostnað
þjófavír til að opna bíla - glatað að hafa samt vírana inn í bílnum þegar maður læsir sig sjálfur inni....
millistærð af ströppum
tonnatak
voltmælir
prufulampa
tappasett


er reyndar alltaf líka með aðra innspítingartölvu, en það er bara eðlilegt fyrri 6.5 :)

Ég ætla að vera ansi vel græjaður í fyrstu ferðinni á jeppanum, inn í landmannalaugar 9 jan

set sennilega bara inn mynd þegar ég er búinn að raða í bílinn, því það er annað mál að það er ekki sama hvernig hlutum er komið fyrir í bílunum, þá ekki síst verkfærum og þyngri hlutum sem geta farið af stað ef eitthvað kemur fyrir.

Svona fyrir utan þetta hefðbundna sem hefur verið talið hér að ofan, þá er gott ullarteppi staðalbúnaður hjá mér allt árið. Held að ullarteppi sé einn mest vanmetnasti björgunarbúnaðurinn sem til er, og ætti að vera í öllum bifreiðum. Eins merkilegt og það nú er, þá er mesta hættan á að fólk ofkælist í lofthita milli 10-12°C, ef það hefur lent í slysi. Því þá spáir enginn í ofkælingu, öllum finnst svo hlýtt. En þetta svo sem þekkja flestir, sem hafa komið að björgunarstörfum.

Sævar Örn wrote:Spelka.....

Græjan sú kallast SAM spelka og er frãbært ad hafa í bílnum. Ég er med eina í fjölskyldubílnum og var med tvær í jeppanum.

Var ekki einhver svipaður þráður um þetta hér á spjallinu fyrir ca. 2 árum síðan?

Það er lykilatriði að vera með nægt eldsneyti til að komast heim. Helst með bíl í togi.

jwolf wrote:Það er lykilatriði að vera með nægt eldsneyti til að komast heim. Helst með bíl í togi.

Þetta er bara fyrir Ford kallana hinir þurfa minna eldsneyti því þeir eru í spotta aftaní. ;O)

Ég er nú bara byrjandi og þykir þetta góður þráður og fræðandi, en það sem ég er með hjá mér er...

Slökkvitæki
Spotti
Verkfærataska
Öryggi
Höfuðljós
Snjógleraugu
Gríma fyrir munn og nef (svona kulda ekki vinnu)
Tappasett
Svefnpoki
Gönguskór
Hleðslutæki fyrir síma
Labbrabbstöðvar og bílhleðslutæki
Inverter
Startkaplar
20l bensínbrúsi á hleranum
Skófla á toppnum
Ducktape
Litlir strappar

Og pottþétt að gleyma einhverju og það er alltaf eitthvað á innkaupalistanum.

Hundrað sprittkerti. Og eldspýtur.
Getur auðveldlega skilið milli lífs og dauða.

það sem er alltaf í bílnum hjá mér er;
sjúkrapúði
slökkvitæki
verkfærasett
lotfdæla og slanga
dráttartóg
teppi
frostlögur
teip
skófla
startkapplar
tjakkur

og örugglega einhverjir smáhlutir sem ég er að gleyma.

Takk fyrir skemmtilegan þráð. Það kemur mér á óvart að fáir nefna föt. Ég er með húfu, vettlinga, kuldagalla og gönguskór allt árið. Alveg nauðsynlegt ef maður þyrfti að skila bílinn eftir á fjallveg.

Síma svo ég geti hringt eftir hjálp

villtur wrote:Hundrað sprittkerti. Og eldspýtur.
Getur auðveldlega skilið milli lífs og dauða.

Virkilega góður punktur. Mér hefur aldrei dottið í hug að hafa þetta í bílnum. Hef þó oft notast við sprittkerti til þess að kynda híbýli.