Hið íslenska jeppaspjall

Sælir, ég er að reyna tengja kastara og var að reyna að taka straum af lögninni að háu ljósunum en ég fæ bara ekki 12 volt frá háa vírnum, þeir eru 3 að ljósinu. Það virðist vera stöðugur straumur á þessu og hverfur þegar há geislinn fer á nema á hvíta/bláa? Einhver meinloka hjá mér kannski en ég bara átta mig ekki á þessu.
Endaði á að tengja kastarana og þokuljósin inn á parkið en þarf að koma þessu í lag fyrir skoðun.
Getur einhver lesið út úr þessari teikningu fyrir mig og fundið hvar ég fæ straum frá háa, það er búið að aftengja dagljósabúnaðinn(tengið bara aftengt frá boxinu) og dimmerinn er ekki til staðar.
Takk fyrir, Elmar.

Mér finnst sjálfum langþægilegast að sækja stýristrauminn beint í öryggjaboxið með svona græju þetta fæst td. í Bílanaust og örugglega víðar.

Já hefði gert það en það er eitt öryggi þar fyrir hvort ljós en öryggið er fyrir bæði há og lága :-(

Háu ljósin fá fastan straum frá öryggi (sitt hvoru örygginu). Ljósarofinn gefur síðan jörð (rauður vír) og þá kviknar á ljósunum.

Þú getur notað rauða vírinn inn á spóluna í relay (eða öllu heldur afleggjara frá honum) og hinn endann á spólunni inn á kastararofa sem gefur jörð inn á hana. Þá þurfa háu ljósin að vera Á og rofinn Á til að relayið tengi og kveiki á kösturunum.

Á dæmigert relay væri þetta þá:
85 = rauður vír inn á háu ljós.
86 = vír inn á rofa fyrir kastara -- hinn póllinn á rofanum tengist í jörð.
30 = straumur frá rafgeymi (vonandi gegnum öryggi)
87 = vír sem fæðir kastarana

Með þessu er aflið inn á kastarana tekið beint frá geymi en ekki lagt á ljósarafkerfið í bílnum.

Glæs, þakka þér fyrir þetta olei, prufa þetta.